Trahedya

Malaking tulong ang naging deal nila ni Don Mondragon. Masunurin naman pala talaga ito. Nagagawa na n'ya ang kanyang gusto sa oras kung kailan bakante s'ya at nais n'ya makapiling ang anak. Madalang naman kung sila ay magkasalubong ng matanda at wala na rin s'ya halos balita kay Davis pagkatapos ng kanyang narinig na pag-usap nito kasama si Noelle. Weekend kaya naman ay niyaya n'ya ang anak na mag-out of town. Nais pa nito na isama ang ina at dahil hindi n'ya magawang tanggihan ang kagustuhan ng anak kaya pumayag s'ya. Sa isang resort sa kabilang probinsya n'ya dinala ang mga ito. Nais kasi n'ya na maiba naman ang kanilang environment matapos ang mahabang oras sa trabaho. Umaga pa lang ay nasa byahe na sila. Makikita na excited ang anak sa kanilang pupuntahan. First time kasi na mag-out of town sila na magkasama.

"Daddy, thanks for the invite!" pasalamat nito.

Kabababa lang nila ng sasakyan at nasa labas pa lang sila ng resort ngunit makikita agad ang magandang tanawin mula roon.

"Yo