The Hate List

Matalas ang tingin ni Erin sa bawat pitik ng kamay ng wall clock sa living room. Kaunting ikot na lang at tuturo na ang mga iyon sa hatinggabi. Kaunting ikot na lang at masasaid na ang pasensiya niya. Even now, her feet couldn’t stay still. She couldn’t help but tap them, because she couldn’t move herself. Naghihintay siya, gaya ng lagi. Dahil kay Adrian, gaya ng lagi. ‘Is he cheating again? Palabas lang bang nagbago na siya? Sino na namang kasama niya ngayon? Fuck, Adrian . . . Why do you always do this to me . . .?’ Naiiyak siya sa mga tanong na maaaring bibigyan na naman niya ng boses pag-uwi ng nobyo. He would explain something that would make sense and she would believe him. Pero pagsapit ng umaga at paglipas ng maghapon, kapag naghihintay na uli siya sa gabi dahil na-late uli ito, babalik ang mga tanong. Dadalaw. Kukulitin siya. Lalasunin. Hanggang sa tuluyan na siyang mabaliw. Isang araw ay makikita na naman niya ang sariling nakasunod dito. Kinikilala mula sa malayo ang mga

***‘He’s at the lobby of this building? How did he even know where I live?’Mabilis na nagpatong ng robe si Erin sa oversize t-shirt na gamit pantulog. Dali-dali niyang hiniklat ang shoulder bag na nasa sofa at humugot ng kung anong damit sa closet. Isinalaksak niya iyon sa bag. Lumabas siya ng apartment, nag-lock ng pinto, at talagang papatakbo na patungo sa elevator kung hindi lang siya nakarinig ng mga yabag mula roon. Nagmamadali siyang bumalik sa unit niya para lang lumabas uli at mangatok sa katapat na pinto.Nang mapagbuksan ay agad siyang pumasok sa loob ng katapat na apartment. May pagtataka sa mukha ng dalawang matanda na tenant doon.“May sunog ba?” tanong ni Mrs. Rima. Payat ang matanda, malaki ang mga mata, at kapag ngumingiti ay nalalaglag pa nang kaunti ang pustiso. Ngumunguya ito. Amoy-ginataan.Humihingal siya nang ngumiti. “Wala ho. Pasensiya na ho sa pagkatok ko. Emergency ho kasi.”Sumilip siya sa unit niya mula sa peephole ng pinto ng mag-asawa. Wala namang tao.

***Pagkatapos ng pagtatago, ng habulan, ng dalawang eskandalong kinasangkutan, nakabalik din si Erin sa apartment niya. Na malamang ay panandalian lang. Kasama niya si Sexy Man na may bitbit na pagkain, alak, at cake na panlimahang tao.Agad siyang nag-dive sa mahabang couch at yumakap sa throw pillow. Saka siya nabahing. Naramdaman niya—sa ilong at balat—ang lumilipad na alikabok sa buong silid.Nilinga niya ang paligid. Walang sapot ng gagamba sa kisame pero may manipis na latag ng alikabok sa mga muwebles. Mukhang hindi siya sinunod ni Aly sa request niya ng pagpapalinis ng apartment. O puwede ring nakalimutan nito. Ito kasi ang taong nakilala niya na sa batang edad pa lang (mga two years old) ay lumala na agad ang sakit na kalimot.Napatingin siya kay Sexy Man na alanganing nakatingin sa bakanteng couch. Mukhang pinag-iisipan nito kung mauupo roon. Probably unlike her, naramdaman agad nito ang alikabok. Bumangon siya at nagpagpag ng sarili.Tumikhim siya. Lumingon ang lalaki na b

***Padabog ang paghuhugas ni Erin ng pinagkainan. Mainit ang ulo niya dahil masarap ang halik ni Adam at sa kabila ng malagkit na umaga ay wala siyang ideya kung paano sila magkakaroon ng morning coffee kiss part 2. At kapag may isang bagay siyang gusto na parang madali namang makuha pero ni hindi niya maamin o mahingi man lang, nag-iinit ang ulo niya. To its highest boiling point. "Shit. Bakit hindi na lang naging bakla?" Napapailing-iling siya habang hindi namamalayan ang sariling pagbulong. Panay ang isis niya gamit ang sponge sa walang labang plato.Intrimitidang utak: Hindi mo panghihinayangan kung maging bakla nga siya? Hindi mo panghihinayangan ang caramel eyes, biceps, long legs, at ang makatunaw-everything na halik? Bet mo talaga siyang maging bakla?Matalinong utak: Don't be dumb. Magdasal ka na lang. Kaya mo 'yan, girl.She hissed at her own thoughts."Matagal ka pa?" tanong ni Adam na tumabi sa kanya. Sandali siyang sumulyap dito. Napalunok nang magtama ang mata nila ba

***“Is this poisoned?” tanong ni Adam habang nakatingin sa iniluto ni Erin. Nakapatong ang salaming kaserola ng pagkain sa gitna ng mesang kainan. Nakapagitan sa kanilang dalawa.Nasa condo sila na pagmamay-ari ng lalaki. Studio-type iyon. Minimalist ang interior at ang mga kasangkapan. Gray, white, at blue ang dominanteng mga kulay. Nakahiwalay sa isang loft ang bedroom. Nakadibisyon sa living room at kusina ang glass cases ng iba’t ibang uri ng camera.Pagbungad pa lang nila roon kanina, puwedeng namutiktik na sa papuri ang labi ni Erin. Kaya nga lang, nakatuon sa iisang bagay ang isip niya—ang kalbuhin si Felicia. May bago siyang dahilan para lalong magngitngit.“Hey. Are you still looking at your phone?” sabi uli ni Adam sa kanya. Umiinom ito ng red wine at sumusubo ng cheesecake na dessert sana nila.Matalim na tingin ang ibinato niya rito. Maingay na lalaki. Nag-iisip kaya siya! Sana. Kaso ay tumigil ang tuktok niya sa pagproseso nang i-send ni Aly sa kanya ang isang screenshot