The Hybrid pack

Olivia

Nang magising ako ay kaagad akong bumangon upang tignan ang sarili ko sa salamin. Namumugtong mga mata ang bumungad sa akin na siya namang ikina-lungkot ko na naman.

Akala ko'y panaginip lang ang lahat ngunit totoo ngang nangyari iyon at ang namumugto kong mga mata ang siyang patunay. Hindi ko lubos akalain na ang lalaking ni minsan ay hindi ko pinag-isipan na gagawa'n ako ng masama ay siya palang maglalagay sa akin sa isang sitwasyong ni minsan ay hindi ko hiniling.

I was once a daddy's girl dahil lumaki ako na kami lang dalawa ang magkasama sa buhay. Pumanaw kasi si Mama no'ng pinanganak niya ako dahil mas pinili niyang mabuhay ako at isakripisyo ang sarili niyang buhay para lang iligtas ako sa sinapupunan niya.

Alam ko na kahit magkasama kami ni Daddy ay hindi pa rin buo kaya't iyon ang nagdala sa kaniya sa adiksiyon sa pagsusugal na siyang nagdala sa akin sa lugar kung nasaan ako ngayon.

Ako ang ginawang pambayad-utang ni Daddy at hindi lang 'yon dahil pinilit nila akong magpakasal sa isang taong hindi ko naman kilala. Wala na akong nagawa. Napilitan na akong pumayag dahil sa labis na pagmamahal ko kay Daddy.

Ayokong makulong siya kaya't pinili kong magdusa kasama ang lalaking ni hindi ko alam ang pangalan.

Kasabay ng malalim kong pagbuntong hininga ang panlalambot ng mga tuhod ko. Unti-unti na akong napapaluhod sa kinatatayuan ko habang tinatanong ang aking sarili kung bakit hinayaan ng Diyos na umabot ako sa ganito.

Habang tinatanong ang aking sarili ay nagulat ako dahil sa bumukas na pintong halos humampas na sa pader dahil sa lakas ng pagkakabukas nito. Napatingin ako sa gawing pintuan at kitang-kita ko ang nakaka-iritang mukha ng lalaking pinakasalan ko.

Pagpasok niya ay inihiga niya ang kaniyang sarili sa kama habang ako nama'y nakaupo na sa sahig. Tinitignan lamang siya. Hindi kaya niya alam na nandito rin ako sa loob? Diretso ang kanyang higa habang ang magkabila niyang palad ay nasa ilalim ng kaniyang ulo at nakatuon ang tingin sa kisame.

Ilang minuto rin akong nanatili sa sahig habang tinitignan siya. Ilang sandali pa'y pumihit siya patungo sa direksiyon kung saan ako kasalukuyang nakaupo at talaga namang nanlaki ang kaniyang mga mata nang makita ako.

Napabangon siyang bigla at pagkatapos ay sinamaan ako ng tingin. Dinuro-duro niya pa ako gamit ang kaniyang kaliwang hintuturo habang nagsasalita ng pasigaw.

"Anong ginagawa mo rito, ha? Sinong nagbigay sayo ng pahintulot na pumasok sa kwarto ko?" sambit niya at pagkatapos ay lumapit sa akin at hinawakan ako sa braso.

Hinila niya ako hanggang makatayo ako sabay kaladkad niya sa akin palabas sa silid na iyon. Ni hindi na ako nakapagsalita pa hanggang sa itulak niya ako palabas. Dinuro niya akong muli bago muling magsalita.

"Ayokong makikita kita dito, ha? Hindi porket kinasal tayo ay may karapatan ka nang pumasok dito. Kwarto ko 'to. Wala kang karapatan dito."

Nagbuntong hininga ako't magsasalita na sana nang bigla akong makarinig ng isang pamilyar na boses. Kaagad kong nilingon ang direksiyon kung saan ko narinig ang boses at tumambad sa akin si Uncle Richard na matalik na kaibigan ni Daddy. Nakatayo siya't nakatingin sa amin.

"Anong nangyayari dito, Lloyd?" tanong niya habang nakatuon ang tingin sa kaniyang anak.

So, Lloyd pala ang pangalan nang lokong 'to. Habang nakatingin ako sa kaniya'y patuloy pa rin ako sa pagbubuntong hininga ko. Ilang sandali pa' y nagsalita siya upang sagutin ang Ama.

"Iyang babaeng 'yan kasi. Basta-basta na lang pumapasok sa kwarto ko." Pasogai na sambit niya habang nakatingin sa direksiyon ng Ama.

"Bakit hindi? Hindi ba't kasal na kayo? So technically, mag-asawa na kayo so, anong problema do'n?"

"Daddy naman! Pinilit niyo na nga akong pakasalan 'tong babaeng 'to tapos ngayon gusto niyo pa na magsama kami sa iisang kwarto? Are you out of your mind, Dad?"

"That is your consequence sa hindi mo pagsunod sa akin. Mamili ka! Magsasama kayo sa iisang kwarto o aalis ka?"

Napapalunok ako habang pabalik-balik ang tingin sa kanilang dalawa. Ang lakas ng tibok ng puso ko. Para bang kinakabahan ako na hindi ko maipaliwanag.

Nakita ko na napakamot sa kaniyang ulo si Lloyd bago siya muling sumagot sa tinatanong ng kaniyang Ama.

"Hanggang kailan niyo ba ako paparusahan, ha? Hanggang kailan niyo ba ipapamukha sa akin kung ga'no ako ka-walang kwentang anak?" tumigil siya sa pagsasalita sandali at nagbuntong hininga bago muling nagpatuloy sa kaniyang sinasabi. "Fine! If you really want me to be with her, papayag na akong magsama kami sa iisang kwarto. Pero h'wag  na kayong umasa na itatrato ko siya bilang asawa dahil kahit kailan ay hindi mangyayari 'yon."

Pagkatapos niyang sabihin iyon ay pumasok na siya sa kaniyang kwarto at isinarado ng malakas ang pinto. Nanatili akong nakatayo sa harap no'n at pagtapos ng ilang sandali at tinapunan ko ng tingin si Uncle Richard na para bang tinatanong siya gamit ang aking isip kung ano na bang gagawin ko.

"Halika rito, Olivia! Sumunod ka sa akin." Sambit niya sabay tango sa akin at pagkatapos ay bumaba sa unang palabag ng bahay.

Malaki kasi itong bahay nila at nasa second floor pa ang mga kwarto. Doble rin ang laki nito kumpara sa bahay namin kaya't alam kong napaka-yaman talaga ni Uncle Richard.

Nagbuntong hininga muna ako bago siya sundan pababa. Hinanap ko pa siya dahil hindi ko na siya makita pagbaba ko. Inikot ko ang aking mata hanggang sa matagpuan ko siya sa bandang labas ng bahay nila.

Dahan-dahan akong naglakad papunta sa kaniya hanggang sa mapansin niya na ako. Nang makita niya ako'y binigyan niya ako ng isang matamis na ngiti na ibinalik ko rin naman sa kaniya at pagkatapos ay nagbuntong hininga.

"Ayos ka lang?" malumanay ang boses na tanong niya sa akin.

Tumango naman ako bilang tugon.

"Pagpasensiyahan mo na lang 'yong anak ko na 'yon, ha? Gano'n lang talaga ang ugali niya pero mabait naman 'yon. Magkakasundo rin kayo."

"Darating pa po kaya 'yung araw na 'yon, Uncle? Kasi kapag tinitignan ko po siya, mukhang wala sa bokabularyo niya ang pagiging mabait. Hindi na rin po ako aasa na magkakasundo kami dahil ugali pa lang po naman ay hindi na compatible." Sambit ko at pagkatapos ay nagbuntong hininga.

Pagkatapos kong sabihin iyon ay hindi na ako nagsalita pa. Sandali akong tinignan ni Uncle Richard at inimbitahan pa akong magkape para daw kahit papaano'y gumaan ang loob ko.