The Invincible Goddess

“Kilos! Kilos!” sigaw ng pinunong tagapamahala ng mga tagapaglingkod sa Kingswell family na si Madam Lucita.

Abala at nagmamadali ang lahat sa pag aasikaso ng buong hall para sa pagbabalik ng pinaka panganay sa pinakamakapangyarihang magkakapatid.

Si Lucien Kingswell.

Sa Prime Dominion brothers, si Lucien ang kilala na pinaka malupit at kinakatakutan. Kahit ang gobyerno ay nayuko sa kanilang pamilya para lamang hingin ang tulong ni Lucien pagdating sa proteksiyon at anu mang aberya na may kinakailangan ng tapang, lakas, o dahas.

“Aray!” reklamo ni Lucita. Nabangga siya ni Katarina Monteiro. Parte ng pinakamababang antas ng tagapaglingkod ng Kingswell.

Sa Kingswell Empire, may tatlong antas ng tagapaglingkod. Pinaka mababang antas ay ang mga nag-aasikaso ng mga marurumi at maasikasong gawain tulad ng pamamalenke, paglilinis ng mga imbakan, at iba pa. Ang nasa gitnang antas naman angkadalasang nag-aayos ng mga gawain na kailangan ng masusing pag-aayos at pag-aasikaso gaya ng; pagluluto sa kusina at pag-aayos ng mga dekorasyon. Ang pinaka mataas na antas ng tagapaglingkod naman ang mga tagapaglingkod na may matalas na isip, madalas sila ang namumuno sa pag aasikaso ng lahat sa tuwing may kasiyahan, at kadalasang humaharap sa mga bisita upang magsilbi dahil sila ang pinaka presentable.

“P-pasensiya na po, madam.” Yumuko si Katarina.

“Pasensiya?” Hinawakan ni Lucita ang baba ni Katarina para itaas. “Isang ka lang mababang klase ng alipin,” insulto niya. “Hindi ka dapat nandito dahil nakakaabala ka lang sa importanteng okasyon na ito, alam mo ba yon?”

“M-madam, pasensiya na po talaga. H-hindi ko—” Hindi naituloy ni Katarina ang sasabihin nang sabuyan siya nito ng tubig na malamig sa mukha.

Gusto na sana niya patulan ito pero pinilit niyang pigilin ang sarili dahil wala siyang mapupuntahan.

“Dalhin niyo siya sa likod at isama sa tambak ng mga basura doon.” Dinuraan siya sa damit ni Lucita. “Ayaw ko ng basurang pakalat-kalat.”

Hinila siya ng ibang mga tagapaglingkod ngunit biglang bumukas ang pinto ng kitchen.

“Itigil niyo yan!”

Biglang pumasok ang ina ng mga Kingswell brothers na si Selene Kingswell. Nabigla ang lahat at agad na nagsiyukuan.

“Maa’m, hindi po kayo dapat nandito dahil marumi,” usal ni Lucita.

Agad na napataas ang kilay ni Selene at dahan-dahan naglakad papunta sa kinakatayuan ni Katarina.

“At saan niyo dadalhin ang dalagang ito?”

“A-ah, maa’m, ibabalik lang po namin siya sa station nila. Isa po siya sa ikatlong antas ng tagapaglingkod kaya pinapaalis ko po dahil kusina ito.”

“And what are you trying to say? A low rank like her is not allowed to enter the kitchen to help?” Dumako ang tingin ni Selene kay Lucita. Matalim ang tingin nito na parang nanghuhusga. May maamo itong mukha at magandang ngiti ngunit sapat na ang mga titig niya para manindig ang balahibo ng kahit sino.

“Hindi po kasi siya dapat—”

“I ordered her to help.”

Napakunot naman ang mga noo ni Lucita dahil sa pagtataka. “K-kayo po, maa’m?”

“Yes. Wala naman siguro tayong problema doon diba, Lucita?” Sabay ngumiti si Selene.

Yumuko si Lucita. “Wala po, maa’m.”

“Good, then.” Naglakad palayo si Selene at paalis na sana. Huminto ito sa pintuan at lumingon kay Katarina. “Do you mind joining me, young lady?”

Nagulat ang lahat.

Si Katarina naman ay nakatamemeng nagtataka, hindi alam kung siya nga ba ang tinutukoy nito. “A-ako po?” Tinuro niya ang sarili.

“Yes.”

“B-bakit—”

“I hate questions. Sumunod ka na lang sa akin,” anito sa maamong boses.

“Y-yes, maa’m.”

Tahimik na sinundan ni Katarina si Selene patungo sa isang silid. Nang makarating na sila, namangha siya sa nakita dahil sa napaka eleganteng itsura ng kwarto. Ngayon lamang siya nakapasok sa ganito kaganda at kalaking silid dahil mas madalas siyang nasa maruruming imbakan at basurahan.

“Maupo ka,” pag-anyaya sa kanya ni Selene.

“S-salamat po. Tatayo na lang po ako. Baka kasi marumihan yung couch,” nahihiyang sabi ni Katarina.

Natawa naman si Selene sa sinabi niya. “Naaalala ko ang sarili ko sayo dati noong dalaga pa ako.”

Dahan-dahan siyang inalayayan ni Selene para umupo sa couch. Naupo ito sa tabi niya at tiningnan siya. Siniyasat siya nito mula ulo hanggang pa.

“Maa’m, bakit po? M-may problema po ba? Bakit niyo po...ako pinasunod?”

“Kalma lang, okay?” Hindi mapigilan ni Selene na mapangiti. “May hihingin lang sana akong pabor.”

“A-ano po iyon?”

Kinakabahan na si Katarina pero hindi niya ito ipinahalata.

“May maganda kang mukha at makinis na balat. Kulang nga lang sa ligo. At sa tingin ko, isa kang matalinong bata. Nagmula sa ka sa pamilya ng mga vendors na nagtitinda lamang sa gilid gilid. Hindi ka nakatapos ng Elementary pero nag e-excel ka sa lahat ng klase noon.” Inalisa ni Selene ang buo niyang pagkatao.

Nakaramdam si Katarina ng takot dahil hindi niya alam ang pinupunto nito. Alam din niya na si Selene Kingswell ay kilala na pinaka masiyahin at maamo sa buong pamilya ng Kingswell. Siya yung tipo ng tao na akala mo hindi parte ng makapangyarihan at sanay sa dahas na pamilya. Ngunit ayon sa kanyang naririnig, ang mga titig ni Selene ang nagdadala ng takot sa lahat ng nakakasalamuha nito. Na para bang sa kabila ng maamo nitong panlabas na anyo, may kapahamakan at karahasan na inuusal ang kanyang mga mata.

“Magiging isang undercover ka ng spy empire ng mga Kingswell. Pero nag-iisip rin ako kung sa Spy Empire o sa Mafia Empire kita ilalagay.”

“M-mafia empire? Pero wala di ko naman kaya na—”

“I saw you yesterday.”

Inilabas ni Selene ang cellphone niya at may ipinakitang video kay Katarina. Ang laman ng video ay ang pakikipag-away pisikal ni Katarina sa mga nangbastos sa kanya sa palengke kahapon.

“Pinapabantayan niyo ba ako?”

“Spying is one of the roles of Monarchy Empire, darling. Kung hindi nila mamanmanan ang bawat kilos sa buong siyudad, sa tingin mo ba...magiging ligtas ang lahat?”

“Kung ganon, kasama ang personal na buhay ng mga tao? Lahat ‘yon minamanmanan niyo?”

Nagtawa si Selene. “Siyempre hinde. Lahat ng tao ay may privacy and we respect that.”

“Pero bakit ako?”

“Bibihira na lamang ang kababihan ngayon na tulad mo, Katarina. Huwag ka mag-alala dahil marami ka naman mapapala sa pagpayag. Ang buong pamilya mo ay magiging parte ng top priority ng mafia empire o mas kilalang Inferno Empire. Ang lahat ng pangangailangan nila ay ibibigay ng Onyx Empire.” Hinaplos ni Selene ang buhok ni Katarina. “Alam kong papayag ka. Hindi mo naman na siguro gugustuhing bumalik pa sa maruming mga bodega na iyon, at gusto mong makita muli ang iyong pamilya, hindi ba?”

Tila tuso ang boses ni Selene na pilit inaakit siya.

Agad na pumasok sa ala-ala ni Katarina ng mga pang-aalipusta sa kanya ng mga nasa matataas na antas ng tagapaglingkod. Hindi na niya gugustuhing bumalik pa doon.

Naudlot ang pag-uusap nila nang biglang may kumatok.

“Mrs. Kingswell, hinahanap po kayo ng inyong bunsong anak. Naghihintay po siya sa kwarto niya,” sigaw ng isang lalaki mula sa labas ng pinto.

“Paki sabing susunod ako.”

“Opo.”

Bumalik ang tingin ni Selene kay Katarina. Tumayo ito at lumingon pa muli sa kanya. “Maghihintay ako sa sagot mo, Ms. Monteir. It’s my pleasure to meet you,” anito at naglakad patungong pintuan. “Wendy?!” sigaw pa nito.

“Yes, Mrs. Kingswell?”

“Samahan mo ako sa kwarto ni Damien.”

“Opo.”