Chapter 4

Hindi inasahan ni Elena na sa isang magarbong event siya dadalhin ni Hector. Bumaba siya sa harap ng malaking mansyon. Napapalibutan iyon ng mala gintong kulay na mga ilaw.

Pinarangya pa ng pulang carpet na nilatag mula sa bukana ng mansyon papasok sa mismong bulwagan. High ceilings and chandeliers are screaming of luxury.

Nanunuot sa kalamnan ang tunog mula sa orchestra. Lumilibot ang mga waiter na nagse-serve ng wines and champagne.

“The fvck,” mahinang mura ni Hector nang maispatan ang babaerong kaibigan slash pinsan sa event.

Si Janous. With the high cheek bones, prominent jawline and dark stares hindi maipagkakailang kadugo nga ito ni Hector. Sumilay ang mapaglarong ngisi ni Janous nang makita si Hector na may kasamang babae sa malaking event na iyon.

Dala ang champagne glass nang lumapit sa pinsang si Hector. Natigilan lang si Janous nang makita si Elena.

“Damn,” napamura si Janous ng wala sa oras.

“She's not Farah. She's Elena.” Pagkaklaro ni Hector sa nagulat na si Janous.

Saka lang tila nabunutan ng tinik nito sa dibdib si Janous. Alam ni Janous kung gaano kahibang si Hector kay Farah noon.

Ang ama ni Hector ang pinakabigating Mafia. Hindi dapat ito kinakanti ng kahit na sino. Kahit ang anak na si Hector ay hindi sasantuhin ng taong iyon. Kulang na lang ay tawaging kapatid ng demonyo ang ama ni Hector dahil sa lubhang napakadelikado nito.

Kaya nga ang ama ni Hector ang pinili ni Farah kaysa kay Hector. Dahil mas makapangyarihan ang ama kaysa sa anak.

......

Naiwan si Elena sa table ng mga cupcakes nang may ipakilala si Janous kay Hector. Bigating tao iyon na kakilala ng ama ni Hector.

Napapalunok si Elena habang pinagmamasdan ang mga nagagagandahang cupcakes sa table na iyon. May chocolate fountain pa na paniguradong sisira sa diet ng sino mang mayayamang nandoon.

Kung sinu-sinong bigating tao ang nandoon. Politiko, negosyante, kilala sa showbiz, lalo na ang mga kasapi ng mafia. Engrande ang ginawang pagtitipon na iyon. Nagkalat sa labas ang mga high-end assassins na inarkila ng mga mafia.

Habang abala ang lahat sa mga malalaking bagay. Abala naman si Elena sa pagtingin tingin sa mga cupcakes sa table.

Hindi niya na nakayanan at dumampot na siya ng plato para kumuha ng isang pirasong cupcake. Ang saya saya niya nang mailagay na iyon sa platito niya. Akmang kakainin niya na iyon nang may magbawi ng cupcake sa kamay niya.

“Hindi ito ang pinunta mo dito,” isang matigas na boses mula sa likuran ang pumukaw ng atensyon niya.

Si Hector na naman.

Nilapag nito ng walang pag-alinlangan ang pagkain na kakainin niya sana. Nanlulumo na sumunod siya kay Hector nang hilahin na siya nito palayo.

Ilang babae ang umangat ang kilay nang tingnan si Elena mula ulo hanggang paa. Ang mga babaeng iyon ay matagal nang may pagnanasa kay Hector. Hindi inasahan ng mga iyon na hawak ng binata sa harap nila ang katulad ni Elena.

Nagtungo sila sa garden upang puntahan ng personal ang ama ni Hector.

May kausap pa ang ama nang makarating sila sa garden. Agad na umalis ang kausap ng ama ng makita nitong parating si Hector.

Katulad ng awra ni Hector may kakaibang lamig din sa awra ng ama ni Hector na nagbibigay ng kilabot sa kahit na sinong titingnan nito. May common denominator ang mga may dugong Falcon. Lalo na itong si Antonio Falcon.

Natigilan si Elena nang tumama sa kaniya ang tingin ni Antonio Falcon. Ang ama ni Hector. Agad siyang napayuko.

“Good evening.” Hindi na in-address ni Hector na Papa o ama si Antonio.

Tila kung ituring ng dalawa ang isa't-isa ay para lamang magkakilala at hindi mag-ama.

“So ito na ang sinasabi mong fiancee mo, Hector?” Binaba ni Antonio ang hawak na baso na naglalaman ng vodka.

“Yes,” matabang na sabi ni Hector.

Isang babaeng matangkad na nakasuot ng pulang night gown ang tila modelo na naglakad palapit. Namamangha si Elena nang makita ang babaeng dati sa larawan lang nakikita.

Si Farah, ang ex ni Hector.

Kamukhang kamukha ito ni Elena pero mas matangkad si Farah.

Hindi makapaniwala si Elena sa nakikita. Kamukhang kamukha niya talaga si Farah. Napalingon siya kay Hector. Kita niya ang pagtagis ng bagang ni Hector. Kita ang iritasyon sa mga mata ng binata nang makita ulit ang ex.

Napalunok siya. Hindi niya alam kung anong mangyayari ngayong gabi.

Lumapit si Farah sa ama ni Hector na si Antonio at yumakap sa braso ng asawa bago bumaling sa kanila ni Hector.

Kita niya ang bahagyang pagkagulat ni Farah nang makita siya.

“Look what my son bought us. Hindi ko inasahan na kamukhang kamukha mo ang babaeng magiging fiancee niya. Hindi ko tuloy sigurado kung naka-move on na ba talaga itong anak ko sa'yo, Honey.” May panunuya sa boses ni Antonio nang sabihin iyon bago halikan si Farah sa labi.

Sa mismong harap nila hinalikan ni Antonio ang babae. Ni hindi inisip ni Antonio ang mararamdaman ni Hector.

Gulat si Elena sa nakikita. Hindi niya lubos akalaing may ganitong uring ama na nag-e-exist sa mundo.

Napasinghap sa gulat si Elena nang haklitin ni Hector ang baywang niya upang mapalapit dito.

“Naka moved on na ako, Antonio. Hindi ako haharap dito kung hindi pa. Huwag kang mag-alala. Nakalimutan ko na ang nakaraan.” Matigas na sabi ni Hector.

Ramdam ni Elena ang palihim na pagkuyom ng kamao ni Hector. Alam niyang nagsisinungaling lang ito. Pero ang totoo mahal pa ni Hector si Farah.

Nakagat niya ang ibabang labi dahil sa tensyon na lumukob sa paligid. Ramdam niya ang galit ni Hector na kanina pa pinipigilan.

“That's a good start, Darling.” nakangisi na sabi ni Farah at bumaling kay Hector.

Kung umakto si Farah ay parang walang namamagitan sa kanila ni Hector noon. Tila hindi nito nasasaktan ang binata ngayon.

At bumaling din si Farah sa kaniya matapos kay Hector at nginitian. Hindi niya magawang suklian ang ngiti ni Farah sa kaniya. Hindi niya alam kung anong iaakto sa harapan ng tatlong ito.

“I am here to tell you that, I'm gonna marry my Fiancee soon.” Biglang anunsyo ni Hector.

Gulat na napalingon siya kay Hector. Hindi ito kasama sa usapan nila. Hindi sinabi sa kaniya ni Hector na balak siya nitong pakasalan.

Pumayag siya dahil inasahan niyang hanggang Fiancee lang. Hindi ganito.

“As my father and... Ex...” Tsaka binalingan ni Hector si Farah matapos ang ama.

Nakakapagtataka ang gulat na nakapaskil sa mukha ni Farah. Tila hindi masaya sa balita ni Hector.

“I want you to attend on my wedding day soon. Iyon ang pinakarason kaya ako pumunta dito.” patuloy ni Hector.

Bumaling si Hector sa kaniya. Nanatili siyang nakatulala at hindi alam kung anong sasabihin nang hawakan ni Hector ang kamay niya.

“Here's Elena Avila, someday will become my mafia queen.” Hinalikan ni Hector ang kamay niya.

May ngiting tagumpay na nakapaskil sa mukha ni Hector habang hindi pa rin magawang iproseso ni Elena ang mga pangyayari.

Siya? Magiging asawa si... Hector Falcon?