XXIX - His Partner

Elaine's Point of View

Hindi ko alam pero bigla na lang namayani ang katahimikan sa loob ng sasakyan. Itatanong ko sana kay Kaizer kung ano ang problema, ngunit napatigil ako nang biglang magsalita ang driver, “Malapit na po tayo,” wika niya. Sari-saring emosyon ang naramdaman ko dahil ilang minuto na lang ay makikita ko na si Louis.

Ano kaya ang magiging reaksyon niya sa oras na makita niya kami ni Kaizer na magka-partner sa party? Makararamdam kaya siya ng kahit kaunting selos? Ngunit sa lagay namin ngayon ay malabong mangyari ang bagay na iyon.

“K...K-ai, ayos ka lang ba? Kanina ka pa kasi hindi nagsasalita,” nauutal na tanong ko. Sa wakas ay nakahanap na rin ako ng tiyempo upang magsalita, kanina pa kasi siya nakatalikod sa akin kung kaya't nag-aalala tuloy ako na baka may nasabi akong masama na ikinasama ng loob niya.

“Yeah, I'm fine. Don't mind me,” tipid na sagot niya na ikinanganga ko. Hirap na hirap akong mag-i