Kabanata 20

Misyon

Halos dalawang linggo na rin ang nakalipas simula nang lumipat kami rito sa bagong dormitoryo. May iilang misyon na rin akong natapos, ang kadalasan sa mga nakukuha ko ay hindi ganun kahirap tulad ng pagtulong sa pag gagamot ng mga kapwa ko estudyante na nasugatan sa pag eensayo, may ilang utos rin na kailangan kong lumabas ng Akademya kasama ko sina Adeem at Akari kadalasan, bihira kasing kumuha ng mga madadaling misyon ang Kapitan at ang Prinsipe.

Kagaya ngayon, ang misyon namin ay hulihin ang magnanakaw ng relikyang nagmula sa kaharian ng Niteo. Lubhang mahalaga daw yun sa pumanaw na Hari kaya naman sa Fleur Academy na binigay ang misyon na 'yon ng mga nakakataas. Isang araw na raw simula nang mawala yun kaya nagmamadaling dumulog ang tagapangalaga ng relikyang iyon sa amin matapos niyang hindi mahuli at mahanap ang nagnakaw. Hindi ko alam kung alam na ng Prinsipe ang pangyayaring 'to.

Base sa mga impormasyong natanggap namin. Ang anyo ng relikya ay isang purong gintong si