Eccedentesiast

 

 

Makalipas ang ilang linggo, Setyembre na rin sa wakas. Ibig sabihin rin nun ay ang pag-umpisa ng paglamig ng panahon dahil sa papalapit na kapaskuhan. Nag-umpisa ng lumiwanag ang mga kalsada tuwing gabi at marami na ring tao ang nasasabik sa pagdating nito.

Samantalang katatapos lang ni Euphie sa trabaho niya sa Femme Fatale at kasalukuyan na siyang nagbibihis at nagtatanggal ng mga palamuti niya sa katawan. Masaya siyang nagagampanan niya ng maayos ang trabaho niya rito't bukod pa roon, Mas lalo na rin siyang nakikilala ng ilan. Kahit na maglakad lang siya sa labas ay maraming titigil upang tawagin at magbigay galang sakaniya. Siguro nga kahit gaano niya ipilit na itago ang pagkatao niya ay hindi pa rin maiiwasan na makilala siya ng iba.

At gaya ng unang araw niya sa trabaho ay palagi pa rin siyang sinusundo ni Leonard sa labas. Hindi naman niya masabihan ang binata dahil nahihiya rin siya at takot na masaktan ang damdamin nito. Kaya sa halip na pagbawalan ito ay pin