Chapter 08

HAPON na nang umuwi ako. Bumili ako ng malaking echo bag at inilagay sa loob lahat ng pinamili ko. Nagpalit din ako ng uniform. Para hindi halatang lakwatsa lang ang ginawa ko maghapon.

Nasa tapat na ako ng pinto ng bahay. Nagtataka ako kung bakit maraming tsinelas at may sapatos pang naroon. May bisita? Dahan-dahan kong binuksan ang pinto.

"O, 'nak, buti't dumating ka na!"

Nagulat ako dahil nakangiti akong sinalubong ni mama. Nag-beso pa siya sa akin.

"Ano 'to, Ma? Sino sila? Bakit ---"

"Manahimik ka muna," pasimpleng bulong niya sa akin at binigyan pa ako ng pinong kurot sa braso. Pagkuwa'y magiliw itong humarap sa mga bisita. "Ito ho si Sandy, ang panganay kong anak. Ito ho 'yong sinasabi ko sa inyo na anak kong teacher."

Pinabitawan pa ni mama ang bitbit kong echo bag at pinaharap sa mga bisita niya. Mga lalaking mukhang Chinese. Medyo magkahawig. Isang senior na at medyo bata-bata pa. Pero mukhang nasa late thirties na.

"Maganda pala anak mo personal," sabi ng matanda. "Bagay s