Chapter 9: Her Dark Past

“A, A gising na”

Kinusot kusot ni Aaliyah ang mata niya nang maalimpungatan siya dahil sa boses ni Sandro. Ginigising siya nito dahil sobrang himbing pa rin ng tulog niya.

“Oo nga baby A, gising na!” nanlaki ang mata ni Aaliyah nang biglang sumulpot si Jairus sa likod ni Sandro.

Napangiti siya dahil dito. Nagkatinginan silang dalawa ni Jairus kaya napangiti rin si Jairus. Dalawang araw niya hindi nakita si Jairus pagkatapos nilang maggala at hanggang ngayon ay hindi pa rin alam ni Sandro na magkasama sila no’n araw na ‘yon.

Sinabihan siya ni Jairus na secret lang nilang dalawa ‘yon dahil baka hindi na sila makaulit kapag nalaman ‘yon ni Sandro

Sabay sabay silang bumaba para kumain ng almusal. Sa oras na makababa sila, nagulat si Aaliyah nang makita niyang nakaupo sa dining table si Vanessa. Nang mapansin siya nito ay agad pumakla ang timpla nito.

“Ang tagal n’yo naman. Nagugutom na ‘ko,” reklamo niya.

“Ginising pa kasi namin si Sleeping Beauty,” natatawang sagot ni Jairus.

Ngumiti lan