Chapter 46

KUNG nakakasugat lang ang titig ko ay baka kanina pa nasaktan itong si Glen. Ang lakas ng loob niyang sabihing may gusto siya kay Caleb kahit alam naman niyang may relasiyon kami.

Ano ba ako sa tingin niya?

At siya pa itong may ganang tingnan ako nang masama, e, siya itong may sa pagka-ahas kung gumalaw.

Napansin ko sa isang tabi si Caleb na lumapit sa akin. “I’m sorry, iniwan kitang mag-isa sa kwarto.”

“Anong ginagawa mo rito?” ang tanong na hindi inaalis ang tingin kay Glen.

“Kukuha sana ako ng tubig para sa ‘yo, nanghihingi ka sa ‘kin kanina.”

Hindi ko matandaan o baka naiutos ko nga siya habang tulog ako. Kahit kausap ko siya ay ramdam ko ang tingin ni Glen sa amin, lalo na kay Caleb. Hinila ko nga papunta sa likod ko. Kahit ang tingnan siya ay ipagdadamot ko sa lalakeng ito.

“Balik na tayo sa room,” ang aya ko sa kanya.

Inabot niya agad ang baso na na sa tab