Chapter 6 - Isang Milyon

Bago pa man ako makakilos para suntukin siya ay bumukas muli ang pinto. Mabuti na lang talaga. Wala akong planong ipakita sa kanila kung anong kaya kong gawin at baka makadagdag pa sa hinala nila na ako nga ang pumatay corrupt na mayor na iyon!

"Ako ang abogado ni Miss Valmores."

Kaagad kong nilingon ang pamilyar na boses. Si Attorney Michelle Madrigal iyon. Siya ang attorney na naka-assigned sa grupo namin.

Nasa iisang syudad lang naman ang buong grupo. Pero hindi kami maaaring magsama sa iisang bubong para na rin sa seguridad. Kaya may kanya-kanya kaming condo. Nagkikita lang kami kapag may misyon at kapag pupunta ng isla.

Hindi rin kami nag-uusap gamit ang cellphone o kahit anong means of communication. May pinapadalang secured email sa amin para sa mga misyon namin kung saan naroon na lahat ang kailangang gawin, mga plano, assigned areas, target, location, at duration ng misyon. Kapag bubuksan namin ang email na iyon ay kailangan naming suutin ang contact lense na nag-da-d******d ng mga file. Kapag nabuksan na namin ang email na iyon, mag-o-auto delete iyon at hindi madi-detect ang IP address na iyon.

Kaya walang maiiwang trace na pito kaming nagtatrabaho sa iisang misyon. Walang ebidensyang mahahanap. Walang lead. Wala kahit ano.

Kaya nila ginawa ang emergency arrest para magkaroon sila ng pagkakataong halughugin ang condo ko at makahanap ng ebidensya. Kahit buksan pa nila at pagpira-pirasuhin ang cellphone, laptop at lahat ng gadgets na meron ako ay wala silang makukuhang impormasyon.

All thanks sa technologist namin na si Rhiona at may nagagamit kaming mga high-tech na mga bagay, gaya ng contact lense at ng undetectable kit namin.

Magaling din ang hacker at computer geek ng grupo, si Eura. Pero on the second thought, binabawi ko ang papuri sa kanya dahil nakuha pa rin ako sa isang CCTV footage. Paano nangyari iyon?

Umupo si Attorney Abigaile sa upuang nasa tabi ko. "Ako na ang sasagot sa lahat ng tanong mo, Colonel Ivan De Juan of the AFP."

Napataas naman kaagad ang kilay ko. "AFP? Inaresto ako ng walang warrant ng isang AFP? Hindi ba at panghihimasok iyan sa trabaho ng mga PNP?"

Napatiim-bagang siya. Ivan De Juan pala, ha.

"Wow, mapaparami yata ang ikakaso ko sa inyo ng babaeng iyon, Colonel Ivan De Juan of the AFP," nang-uuyam kong sabi.

Mula sa masamang tingin sa akin ay nalipat ang tingin niya kay Attorney Michelle. "Mukhang prepared kayo, ah? Wala pa kaming inaabisuhan na kahit sino na inaresto namin si Miss Valmores."

"Kahit walang abiso galing sa inyo at kahit hindi ako natawagan ng kliyente ko, malalaman at malalaman ko pa rin ang pag-aresto ninyo sa kanya," mayabang na sagot ni Attorney Michelle. "Sikat ang kliyente ko at tinagurian siyang 'lakwatsera' sa mga social media. Kilala siyang bachelorette— isang dalagang mayaman. Kaya huwag ka nang magtaka kung may nakakita sa pag-aresto mo at kaagad akong naabisuhan."

Parang gusto ko siyang palakpakan. Hindi naman sa nagsisinungaling siya dahil tama naman ang mga sinabi niya. Pero ang tunay na dahilan kung bakit nalaman niya kaagad ay dahil doon sa undetectable kit na dala ko. May GPS chip iyon at malalaman kaagad ni Eura kung nasaan ako.

Kaya alam kong bago pa man pumunta rito si Attorney Michelle ay may nakahanda na siyang plano.

"Miss Vivian Valmores, my client's legal guardian, called already the general of the AFP," dagdag pa na sabi ni Attorney Michelle. "Kaya kung may tanong ka pa, sabihin mo na, dahil kailangan pang pumunta ng kliyente ko sa Palawan. Iba kasi magalit si Miss Vivian kapag na-late ang mga apo niya."

Alam ko kung gaano kamakapangyarihan si Vivian. Pero hindi ko alam na may koneksyon siya sa mga nasa awtoridad. Ang nakakagulat pa ay ang pinakamataas sa AFP pa ang koneksyon nito.

Well, hindi naman iyon nakakapagtaka. May koneksyon nga siya sa international, sa lokal pa kaya?

Napasandig na lang siya sa kinauupuan niya habang nakatingin sa akin. Hindi iyon tingin ng isang natalo sa laban. Tingin iyon ng isang taong mas lumalaki pa ang hinala.

Tumunog ang cellphone niya at kaagad niya naman iyong sinagot habang nakatingin pa rin sa akin. Nakikinig lang siya at base sa ekspresyon ng mukha niya ay masamang balita iyon.

Ngumisi ako nang ibaba niya ang tawag. "I bet wala silang nakuhang ebidensya sa condo ko."

"Well," sabi naman ni Attorney Michelle at nilagay ang isang USB sa mesa. "Sapat na ang nilalaman nito para linisin ang pangalan ng kliyente ko sa sinasabi ninyo tungkol sa pagkamatay ng isang mayor."

Mas lalong lumapad ang ngiti ko.

Kaagad niyang kinuha ang USB at nilagay iyon sa laptop niya.

"Hindi ninyo nakuha ang anggulo na iyan," sabi pa ni Attorney Michelle. "Ang babaeng may suot ng gown na suot ng kliyente ko pagpasok sa event."

Eh?

Tinapon ko ang gown na iyon.

"Narito na siya sa presinto dahil ninakaw niya ang gown ng kliyente ko. Nagbihis ng all black tight suit ang kliyente ko dahil may pupuntahan pa siyang isang costume event. Bakit hindi ninyo tanungin ang babaeng magnanakaw na iyon? At tungkol sa costume event, nasa file na rin ang detalye at contact ng event organiser," mahabang paliwanag ni Attorney Michelle. "Sa lahat ng perwisyong binigay ninyo sa kliyente ko, nararapat lang kayong masuspinde."

Tumayo na si Attorney Michelle kaya tumayo na rin ako.

Hindi ko alam kung paano nila nalusutan iyon pero ang galing! Hindi pa kasi ako nahuhuli kaya hindi ko alam kung anong pakiramdam nang mahuli at pagkatapos ay maabswelto.

So satisfying!

"At oo nga pala, ang boss mo ang umako sa lahat ng damage at sa business class ticket sa flight na hindi nagamit ng kliyente ko, kaya sa tingin ko ibabawas iyon lahat sa sahod mo," nakangiting sabi ni Attorney Michelle. "Isang milyon ba naman ang inalok ng general para hindi ka na namin kasuhan."

"I-Isang milyon?" Sa wakas, nagsalita rin siya. Akala ko nalunok niya na ang dila niya.

"Bakit? Wala ka bang isang milyon?" nang-uuyam kong tanong.

Sabay na kaming lumabas ni Attorney Michelle habang naiwan naman ang Ivan na iyon na hindi makapaniwala.

"Huwag kang matuwa, Yzrah," biglang sabi ni Attorney Michelle nang makasakay na kami sa kotse niya. "Galit na galit si Vivian. Sigurado akong parurusahan niya si Eura. At ikaw, bilang leader nila, gumawa ka ng paraan. Baka hindi makayanan ni Eura ang parusa."

Nyeta!