7. WIFE 1

DELPHI

“Delphi, hanap ka ni TL…” pabulong na sabi ni Jenny bago siya dumiretso sa puwesto niya at agad sinuot ang headset.

“Auto in!” sabi ng TL Jurgen, ang mataray na TL namin na accla, habang palapit sa station namin. “Maliban sa ‘yo,” sabi niya sa akin nang lapitan niya ako at siya na ang nag-log out ng account ko na naka-ready na sa computer sana.

Kinabahan ako bigla. Bakit? Pakiramdam ko ay may nagawa akong kasalanan kaya ako inawat sa pagtanggap ng calls. Iniisip ko pa kung ano ba ang nagawa ko. Baka iyong pag-transfer ko sa Spanish agent kagabi ng kausap kong irate customer. Ipasa ko raw siya sa American agent kaya para happy siya ay sa Spanish agent ko siya pinasa.

“Follow me,” sabi ni TL Jurgen sa akin at tumayo na lang ako para sundan nga siya. Mukhang iyon nga ang dahilan. Warning na naman ako nito. Napakamot na lang ako.

Lumakad si TL Jurgen papunta sa elevator at sumunod lang ako kahit nagtataka. Bakit? Saan kami pupunta? Usually naman sa cubicle lang naman niya k