الفصل ٤

فتحت مريم الباب لتجد صديقتها المقربة "ندى" تقف بابتسامة عريضة.

قالت مريم بترحيب وسعادة:

— "ندى! إزيك؟ إيه المفاجأة الحلوة دي؟ تعالي ادخلي!"

دخلت ندى وسلمت على والدها بحفاوة:

— "إزيك يا عمو؟"

رد حسين بابتسامة بشوشة:

— "أهلاً أهلاً.. إزيك يا بنتي؟ عاملة إيه؟"

ندى: "الحمد لله بخير."

خرجت مريم من المطبخ وقالت لندى:

— "طيب تعالي ندخل جوه."

بعد قليل، دق والدها باب الغرفة وهو يحمل صينية مليئة بالعصائر والحلويات، وقال بابتسامة:

— "خدي الصينية دي."

قالت مريم بامتنان خجل:

— "تعبت نفسك ليه يا بابا؟ أنا كنت رايحة أعمل!"

رد حسين وهو ينسحب بهدوء:

— "خليكِ مع صاحبتك أنتِ."

لكن لم تمضِ سوى دقائق معدودة، حتى تعالت أصوات الفتيات من الداخل ونشبت بينهما مجادلة ساخنة. انزعج حسين واقترب من الباب محاولاً الاطمئنان عليهما، ثم فتحه ببطء متسائلاً بقلة حيلة:

— "في إيه يا ولاد؟ مالكم؟"

التفتت مريم نحو والدها والانفعال يكسو وجهها الصغير، وقالت وهي تشير نحو ندى:

— "شوف يا بابا عملت إيه! ليه كده يا ندى؟ أنتِ عارفة رأيي في الموضوع ده!"

ردت ندى بثبات ودون أن تتراجع عن موقفها:

— "شوف أنت يا عمو.. أنا عملت كده لمصلحتها!"

تطلع حسين بينهما بحيرة شديدة وهو يستفسر بجدية:

— "فهموني بس إيه الموضوع يا ولاد؟ أنا مش فاهم حاجة!"

قالت مريم وهي تصفق بكفيها بصدمة وغيظ:

— "الهانم قدمتلي في برنامج مواهب.. ومن ورايا!"

انساب التوتر في أرجاء الغرفة، وتطلعت مريم نحو ندى بعينين تشعان غيظاً واستنكاراً، وقالت بنبرة حادة لا تخلو من الدهشة:

— "ندى! يا بنتي أنتِ عبيطة؟ أنتِ عارفة رأيي كويس.. الموهبة دي آخرها الجامعة وبس، أغني بيني وبين أصحابي وبس! مش جمهور وتلفزيون.. لا لا مستحيل!"

لوحت ندى بيديها محاولة الاستعانة بسلطة والدها للتأثير عليها، وقالت وهي تبتسم بإصرار:

— "قول حاجة يا عمو!"

سارعت مريم بالالتفات لنفس الاتجاه وهي تستنجد بأبيها:

— "أيوا.. رد يا بابا!"

تنهد حسين بهدوء، ونظر إلى ابنتيه بابتسامة حكيمة ومترددة، قبل أن يضع يده على كتف مريم ليطمئنها وقال:

— "أنا مقدرش أغصب عليها، ودي وجهة نظرها طبعاً.. بس ليه لا؟ جربي مش هتخسري حاجة!"

ارتسمت الصدمة على وجه مريم، وعقدت حاجبيها بنبرة اعتراض قوية:

— "يا بابا مقدرش أقف قدام عدد كبير وكل الناس تشوفني! عمر ما كان ده طموحي أبداً!"

استدار حسين نحو ندى وسألها باهتمام ليفهم أبعاد ما جرى:

— "أنتِ قدمتِ إزاي؟"

ردت ندى بثقة وابتسامة انتصار صغيرة:

— "بعت ڤيديو ليها وهي بتغني من حفلة الكلية، وكسبت في المرحلة دي! ولازم تروح بقى وستبدأ المسابقة رسمياً."

ضربت مريم بكفيها على وجهها وقالت بقلة حيلة ونبرة عتاب:

— "وأنا آخر من يعلم؟! كنتِ خدي رأيي على الأقل بدل التدبيسة دي!"

اقتربت ندى منها وأمسكت بيديها بمهادنة ورقة:

— "ما أنا عارفة إنك هترفضي! قلت أهي حاجة تشغلي بيها وقتك علشان تطلعي من الكآبة دي، وفي حاجة بتحبيها وتستاهلي تظهري فيها."

صمتت مريم تماماً والشرر يتطاير من عينيها، بينما تدرس الموقف في رأسها برفض قاطع. إلا أن والدها حسم الأمر بنبرة حنونة ودعم مطلق قائلاً:

— "لو ده هيطلعك من المود وينسيكي الزعل ده، أنا معنديش مانع.. وأول واحد يقولك يلا!"

نظرت مريم بين والدها ونشاط ندى المتوقد، وشعرت أن سبل الهروب قد سُدت أمامها. فكرت قليلاً، وتنهدت بقلة حيلة محاولة تقليل حجم المسؤولية على عاتقها:

— "طيب.. هجرب! كدا كدا مش هكسب، أهو بتسلى وخلاص."

تهللت ملامح ندى وقالت بحماس بالي:

— "هو ده الكلام! بكرة بقى ننزل نشتري لبس ونظبط الدنيا."

ردت مريم وهي تتفقد ملابسها البسيطة:

— "وماله لبسي بقى؟ كويس ومحترم وزي الفل!"

غمزت ندى بعينها وقالت ضاحكة:

— "أيوا يا حبيبتي عارفة، نجيب جديد ومحترم برضه.. بس يليق بالظهور بالتلفزيون يا نجمة!"

قلبت مريم عينيها وقالت بسخرية:

— "نجمة؟! اااه ابتدينا بقى!"

وفي اليوم التالي، انطلقت الفتاتان إلى أحد أكبر المراكز التجارية (المول)، حيث تنقلتا بين المتاجر الفاخرة. ابتاعتا الكثير من الملابس الراقية والأحذية الأنيقة، وكل ما يمكن أن تحتاجه مريم للتجهز لتلك التجربة التلفزيونية الأولى.

وبعد مرور أيام قليلة، توجهت مريم برفقة ندى ووالدها حسين إلى المبنى الضخم المخصص للتصوير والاستوديوهات التلفزيونية، لاستكمال باقي الإجراءات الإدارية واختبارات الصوت النهائية، والتعرف على كواليس البرنامج.

وعلى الجانب الآخر من المدينة، في كافيه هادئ على النيل، كان عمر يجلس ممسكاً بهاتفه المحمول، يتصفح مواقع التواصل الاجتماعي بحيرة واضحة. ملت الشاشة وهو يتمتم بنبرة تملؤها الريبة والفضول:

— "مفيش أخبار عن مريم! مش بتظهر في جروب الدفعة ولا الفيسبوك.. دي مش عادتها خالص!"

ما إن سمعت سارة كلماته حتى قامت من جواره بغضب عارم، ووقفت أمامه واضعة يديها في خصرها ونظرات النشر تطاير من عينيها:

— "وأنت عاوز أخبار عنها ليه تاني؟! مش خلاص خلصنا من الموضوع ده؟!"

تنهد عمر ببرود، وقال محاولاً امتصاص غضبها بنبرة متملقة:

— "متبقىش قفوشة بقى! اختفاءها ده أكيد وراه مصيبة، لازم ناخد بالنا."

ضيقَت سارة عينيها بسخرية وقالت بتحدٍ:

— "بلاش حجج فارغة! قول إنك حنيت ووحشتك!"

أطلق عمر ضحكة خفيفة غير أبالية وقال:

— "ومالو لما توحشني؟ مش عشرة سنين برضه؟"

احمرّ وجه سارة وانفعلت بصوت مكتوم:

— "متعصبنيش! أنت عاوز إيه؟ أنا ولا هي؟!"

اعتدل عمر في جلسته، وقال بنبرة مستهترة تجسد أنانيته المطلقة:

— "أنتِ عارفة إنها كانت لعبة.. بس بصراحة كده، لعبة حلوة أوي!"

شخصت سارة بصرها وقالت بذهول:

— "يعني إيه؟!"

ابتسم عمر بوقاحة وقال بوضوح:

— "يعني عاوزكم أنتم الاتنين!"

اتسعت عينا سارة وشهقت بفم فاغر من صدمة قسوة كلماته:

— "إيييييه?!"

وفي مكانٍ آخر بقلب القاهرة، كان أحمد يقف في مطبخ شقته الراقية بالقميص الأبيض المفتوح الأزرار، يحضر وجبة عشائه بنفسه كالعادة في هدوء الليل. كانت شاشة التلفاز المعلقة في الصالة تعمل بصوتٍ خافض على إحدى القنوات الفضائية التي تعرض مرحلة التجارب لبرنامج مواهب شهير.

وفجأة، انساب صوت غنائي عذب يسري عبر أثير الصالة، لينفذ إلى أذنيه كالسحر. كان الصوت يضوع بشجنٍ ساحر ونبرة دافئة يعرفها جيداً؛ نبرة حفرت في ذاكرته منذ تلك الليلة التي التقاها فيها أمام قاعة الزفاف.

ترك الأدوات من يده فوراً، وسارع بالخروج إلى الصالة بخطوات حثيثة، ليتسمر في منتصف الغرفة وشاخصاً ببصره نحو الشاشة. كانت مريم تقف بثبات وأناقة تحت إضاءة الاستوديو المبهرة، تمسك بالمايكروفون وتشدو بأغنية مليئة بالشجن والدراما:

"نزلت من البيت في المطر ومهمهاش برد الشتا

بقاله كام يوم مختفي مش فاهمة ليه بيعمل كده؟

نزلت وراحت على مكان كانوا فيه تملي بيسهرو

أول ما شافها في سلامه بان إن مشاعره اتغيرو!

وقال كلام مكنتش عارفة تجمعه..

متفاجئة بيه.. مذهولة قاعدة بتسمعه!

أصل الكلام ده بيبقى دايماً آخره بعد..

فعلاً أوام ظنونها جت في محلها،

ورفع عينيه وبقسوة وبرود قالها:

معلش آسف.. إحنا لازم ننسى بعض!

سرحت وشافت ذكريات أجمل ليالي عمرها..

معقولة يعني قلبه مات؟ في حياتها ناوي يهدها؟

بصلته تاني بانتظار وقالتله: متفقين كده!

أنا جاية أقول نفس الكلام، مبقتش عايزة الحب ده!

هتقوله إيه؟ ما هي مستحيل تستعطفه!

معقولة يعني هتبكي علشان تكسفه؟

يعني هيبقى جرح وكمان يبقى ذل؟!

مشيت أوام.. كانت ضعيفة متشتتة،

مشيت أوام.. ساعتها حست بالشتا!

بس المطر قدام دموعها كان أقل..."

وقف أحمد مذهولاً، وفرك عينيه بقوة بيده وهو غير قادر على استيعاب ما يراه أمامه على الشاشة؛ تحسس جبهته متسائلاً بذهول ودهشة مطلقة:

— "هل هي حقاً؟!"