الفصل ٦

في مساحة الاستوديو الخافضة الإضاءة خلف الكواليس، كانت مريم تجلس على مقعد خشبي تستجمع أنفاسها بعد أدائها الأول الرائع. تنفس والدها حسين الصعداء وهو يمسك بكفيها المرتجفتين بدفء أبوية حنونة، فنظرت إليه بابتسامة خجولة تشوبها التوتر والمشاعر الجياشة وقالت:

— "بابا.. أنا كنت خايفة أوي ومتوترة من الجمهور! غمضت عيني علشان أعرف أغني وما أتوترش!"

ابتسم حسين ونظر إليها بنبل وفخر شديدين، ثم طبع قبلة دافئة على رأسها وقال بنبرة تشيع الثقة والأمان:

— "والله يا بنتي كنتِ حلوة جداً.. ربنا يوفقك ويكتبلك كل خير."

تنهدت مريم وهي تشد على كفي والدها، وقالت بنبرة صامتة تحمل التمني والتوجس:

— "ربنا يستر!"

ابتسمت مريم بصدق وقبلت يد والدها، لكن ذهنها طاف بعيداً نحو ذلك الشاب الغريب "أحمد" الذي وقف بجوارها في ليلة انكسارها. كانت تتساءل في سرها عما إذا كان قد شاهد المسابقة وشاهد صمودها، أم أن الأيام ستمحو تلك اللحظات كما تمحو الرياح آثار أقدام العابرين؟

ولم تكن تعلم مريم أن أحمد كان في تلك اللحظات بالتحديد يبتسم في شقته، متمسكاً برغبة قوية في ألا يتركها تصارع هذا العالم بمفردها، وأن الرهان الحقيقي بين الخير والشر قد بدأ للتو!

وبعد عدة أيام من ذلك العرض التلفزيوني الأول...

في شقة راقية بأحد الأحياء المترفة، كان عمر يجلس على أريكة جلدية، وشرارات السجائر تتصاعد بكثافة من بين أصابعه لتملأ الغرفة بدخان أزرق خانق. كانت سارة تجلس بالقرب منه، قبل أن تتراجع للخلف وهي تسعل بشدة، وقالت بنبرة حادة ومستاءة:

— "مش كفاية بقى؟ واطفي السجاير دي.. اتخنقت!"

رفع عمر زجاج نظارته وشخص بصرة إليها ببرود مستفز، ثم نفث سحابة أخرى من الدخان وقال بلامبالاة:

— "من إمتى يعني؟ على طول بشرب قدامك!"

تلعثمت سارة وحاولت تدارك نبرتها الحادة، واقتربت منه بابتسامة متملقة وهي تضع يدها على كتفه:

— "بقت تتعبني دلوقتي.. وبعدين علشان صحتك برضه يا حبيبي."

تأملها عمر بذكاء وخبث، وارتسمت على شفتيه ابتسامة ساخرة خفيفة، وسألها بنبرة شك وتجريب:

— "سارة.. هو أنتِ صحيح بتحبيني؟ ولا دي علشان اللعبة تكمل؟"

شهقت سارة ونظرت إليه بعينين تفيضان بالدفع والغيرة، وقالت بصوت دافئ يغلفه العتاب:

— "انت بجد بتسأل ومش عارف؟! أنا بحبك من الأول، وكنت بموت من الغيرة من أي بنت بتبصلك.. ومن مريم بالذات! وإني كنت وسيط بينكم دي حاجة تعبتني وكانت بتقتلني كل يوم وأنا بسمعها تتكلم عنك، وأنا بصالحكوا، وأنا بخطط معاها للخطوبة أو أي مفاجأة ليك!"

تطلع إليها عمر بجمود، وذكّرها بحقيقتها المادية بنبرة متهكمة:

— "بس أنتِ مكنتيش موافقة غير لما عملت معاكي الديل!"

[فلاش باك]

في أروقة الكلية المظلمة، وقف عمر يقدم عرضاً شيطانياً لسارة، ونطق بوضوح:

— "هديكي الفلوس اللي عاوزاها، وعربية هتوصلك المكان اللي عاوزاه، وشغل كمان.. بس تساعديني! ها.. قولتي إيييييه؟"

طأطأت سارة رأسها بتفكير، وقالت بنبرة جشعة ومترددة:

— "امممم.. حيث كده موافقة، بس بشرط!"

[باك]

عادت سارة لواقعها وابتسمت بنبرة ضعف وانكسار:

— "وأنت عارف قبلت ليه.. ودي كانت حجة علشان أصل جنبك وبس!"

ابتسم عمر بمكر وخبث متناهٍ، وانحنى نحوها بنبرة ذات إيحاء استغلالي:

— "جنبي وبس؟"

احمرّ وجه سارة وقالت بضحك خجل:

— "أيوا جنبك وبس!"

همس عمر في أذنها وهو يطوق كتفها:

— "طيب تعالي أقولك كلمة سر..."

ضحكت سارة بدلال وهي تبتعد عنه بخفة:

— "بس يا عمر.. الله!"

وفي تلك الأثناء، وفي غرفة مريم الهادئة، كانت ندى تجلس معها ترتب لها الأوراق والملابس المخصصة للتصفيات القادمة. كانت ندى تنبض بالحماس والإصرار، فنظرت إلى مريم بنبرة جادة ومحفزة:

— "المرحلة الجاية مهمة أوي يا مريم.. عاوزاكي تركزي في كل حاجة! بصي، أنا عارفة إنك زهقتي من القعدة عندك، بس معلش.. أنا مش هسيبك أبداً!"

ابتسمت مريم بامتنان عميق، وضمت صديقتها بحرارة وقالت:

— "ربنا يخليكي ليا يا ندى.. حقيقي لو كان عندي أخت مكنتش هتبقى زيك!"

ضربتها ندى على كتفها بمداد ومرح:

— "ولا شكراً ولا بتاع! أنتِ قلتي إحنا إخوات، ومفيش الكلام ده بين الإخوات.. ركزي بس وارجعي أنتِ بالكاشات! بس أنتِ عارفة يا بت الجايزة كام؟! يالهووي! بت.. ليا النص بقول أهو!"

انفجرت مريم بالضحك، وتبددت كل غيوم الحزن عن وجهها الرقيق:

— "ههههههه خدي اللي أنتِ عاوزاه وأديلي الباقي! وبعدين يا بنتي إحنا هنعمل بيهم مشروع إحنا الاتنين ونبدأ شغل سوا."

صفقت ندى بيديها وقالت بحماس:

— "وأنا موافقة جداً!"

وفي الموعد المحدد للمرحلة الجديدة من البرنامج، وقفت مريم على خشبة المسرح الفسيح تحت الأضواء الكاشفة. أغمضت عينيها لتستحضر كل كبريائها وصمودها، وانساب صوتها العذب الساحر ليشدو بكلمات نابعة من وجدانها وتحديها:

"مش صعب أخلي اللي أنا.. بتمناه يبقى حقيقة

وأنا لازم أكون واثقة.. في إحساسي في كل دقيقة

وحييجي اليوم وهحقق.. حلمي بأي طريقة!

أنا ليه الفرحة قريبة مني.. وبرضه بعيدة؟

يا غلبني الخوف جوايا.. يا إما طلعت بليدة!

وهاخدها تحدي لنفسي.. أصل أنا شخصية عنيدة!

عادي هنسى وأبدأ تاني.. مش هكون في مكاني

ناوية أكون قدام!

لازم أبقى مرة جريئة.. وأنسى إني بريئة

هسبق الأيام!

عادي هنسى وأبدأ تاني.. مش هكون في مكاني

ناوية أكون قدام!

لازم أبقى مرة جريئة.. وأنسى إني بريئة

هسبق الأيام!

كل الأيام الصعبة اللي.. أنا عشتها هنساها

والناس اللي بتجرحني.. خلاص أنا مش فاكراها

عمري ما هستسلم.. وأرضى بحاجة أنا مش عايزاها!"

في تلك اللحظات بالذات، وفي نفس الموعد، كان أحمد يقف وسط زحام الجمهور المتراصين أمام المسرح. كان يشدو مع كلماتها بصوت خافض، وكأنه يستمع إلى هذا الصوت الدافئ للمرة الأولى في حياته، ويصفق لها بحرارة وإعجاب بالغين.

وفي لحظة تجلي وهي تغني، فتحت مريم عينيها ولمحت طيف وجهه بين الحضور. وقفت لثوانٍ تنظر بتمعن ونظرات متسائلة، ثم أعادت التدقيق فلم تجد أحداً! ظنت في سرها أنها مجرد تهيؤات من توترها، وتساءلت في عجب: "لماذا هو بالتحديد الذي تخيلت وجوده؟!".

على الجانب الآخر، كانت البسمة تتسع على شفتي أحمد وهو يراقب ثباتها وقوة صوتها؛ شعر بفرح عارم وأيقن في أعماقه أنها بدأت تتعافى بحق من آلام الخيانة، وستصبح قوية.. قوية جداً كما تمنى أن يراها دائماً.

أنهت مريم فقرتها بنجاح باهر وسط عاصفة من التصفيق، وذهبت خلف الكواليس لتجد ندى بانتظارها. لاحظت ندى شحوب وجه مريم وتردد نظراتها، فسألتها باهتمام:

— "إيه؟ مالك؟ في إيه؟"

ترددت مريم وقالت بنبرة حائرة:

— "معرفش يا ندى.. حسيت إني شفت حد، بس لما بصيت تاني ملقتش حد!"

عقدت ندى حاجبيها وسألتها بفضول:

— "حد مين؟"

هزت مريم رأسها بسرعة محاولة طرد الفكرة من ذهنها:

— "ها؟ لا مش مهم.. شكلي كان بيتهيألي! المهم إيه رأيك؟"