الفصل السادس

كانت ليل ممدة على شئ غير مريح بوضعية غير مريحة بالنسبة لها، أفاقت ببطء وهى تفتح عيونها بتشويش، كما رأت تتمدد على كرسي سيارة والمكان مظلم بالكامل ولا يوجد معها أحد،نهضت بفزع حين تذكرت ما حدث قبل أن يغمي عليها وتساءلت من الشخص أنقذها ؟ و أين هو؟

كانت تفكر بشرود حين فُتح باب السيارة الذى بجانبها ودلف منه الشخص الذى أنقذها.

اتسعت عينيها وصاحت فيها بذهول: هو أنت!

نظر لها بضيق شديد: و طبعا مش حاجة غريبة أنك تكوني أنتِ اللى واقعة فى مشكلة تقريبا دى عادة فيكِ ويحصل لك حاجة لو موقعتيش نفسك فى مشكلة!

صاحت فيه بحنق: وأنت مالك أصلا! وبتتكلم معايا كدة ليه؟

صاح بها بغضب: أنا مين؟ أنا الشخص اللي جه ولحقك قبل ما ٣ عيال ملهمش لازمة يضيعوا حياتك ولا أنتِ مكنتيش عارفة هما ناويين يعملوا فيكِ إيه؟ والله أعلم يمكن كانوا قتلوكِ بالمرة ودلوقتى بتقولي لي بتكلم معاكِ كدة ليه؟ أنتِ مش مستوعبة الموقف اللى كنتِ فيه!

إشارته إلي الموقف الذى كانت فيه جعلتها تتذكر ما حدث قبل دقائق، حتى شهور الرعب الذى سيطر عليها وقد ظنت أنها ستنتهي لامحالة، فجأة انفجرت فى بكاء صاخب مرير وانتحبت بشدة وهى تضع يديها على وجهها وتشهق بقوة.

لم يتحدث أو يقول أي شئ بل تركها تُنَفِس عما داخلها بحرية تامة إلى أن هدأت قليلا ثم أنزلت يديها وحدقت به بوجهها الملئ بالدموع وعيونها المنتفخة من كثرة البكاء.

بهدوء مد يده لها بمنديل، أخذته منه بإمتنان ثم مسحت به دموعها.

قالت بصوت مبحوح: شكرا ليك بجد أنا مش عارفة أقولك إيه.

أبتسم لها: مش قولتيلي الكلمة دي قبل كدة؟

أبتسمت إبتسامة باهتة حين تذكرت: أي حاجة شكرتك عليها قبل كدة مقدرش اقارنها باللي حصل دلوقتى أنت أنقذت حياتي.

أبتسم لها ثم قال بهدوء: يلا علشان اروحك بيتك.

تذكرت مع شعور كبير بالذنب والدها والقلق الذى لابد أنه يعانيه الآن بسببها، ربما كانت غدير على حق رغم كل شئ، هى شخص مزعج وتسبب القلق لجميع من حولها.

وصلوا إلى المنزل، التفتت له لتشكره حين تذكرت أمر هاما.

قالت ليل بإستغراب: صحيح أنت إزاي لقتني؟ يعني أنا كنت بتمشي وضايعة وفجأة أنت ظهرت وأنقذتني ده حصل إزاي؟ عرفت منين؟

حدق بها بثبات وهز كتفيه بعدم إهتمام: ده يعتبر من الصدف زي ما تقولي كدة قدر، كنت راجع من شركتي فى الوقت ده وبيتي قريب من المنطقة دي لما شوفتك ومكنتش أعرف أنه أنتِ ولما شوفتهم حواليكِ فهمت علطول اللي بيحصل ونزلت طبعا علشان ادافع عنك من غير ما أعرف أنتِ مين.

أبتسمت بسعادة: ده كان من حست حظي بجد، لو سمحت اتفضل معايا.

عقد حاجبيها بإستغراب: ليه؟

قالت ببساطة: علشان أشكرك فعلا ولو بابا جوا هيعرف أنه جيت فى عربية شاب غريب ولازم أشرح له الموقف.

رفع حاجبه بتعجب: هتقوليله اللي حصل؟

بسرعة هزت رأسها بنفي: لا طبعا ده ممكن يتعب لو سمع اللي حصل، أنا بس هقوله أني توهت وأنا مروحة البيت لوحدي وأنت لقيتني ووصلتني.

حدق إليها بتساؤل: وأنتِ ليه كنتِ مروحة لوحدك فى الوقت ده ؟ من غير عربية ولا حتى معاكِ أي حاجة؟

أعتقد بما أني أنقذتك فمن حقي أسأل صح ولا لا؟

أبعدت وجهها وهى تنظر للخارج: يمكن أقولك فى يوم لكن دلوقتى أعذرني مش هقدر أحكي حاجة.

أومأ برأسه ثم هبطوا من السيارة وهى يدخلون إلى المنزل ، وجدت والدها ينتظرها فى مدخل المنزل بقلق، حين رآها أسرع بإتجاهها وهو يحتضنها بقوة.

قال بنبرة قلقة: ليل! كنتِ كل ده يا بنتى قلقتيني عليكِ؟

قالت ليل وهى يظهر على وجهها شعورا بالذنب: آسفة يا بابا أني مشيت فجأة بس حسيت إني عاوزة أروح وقولت لغدير تقولك.

نظر لها والدها بعتاب: ولما تيجي تقولي لغدير ولا لأي حد ولا تقوليلي بدل ما الاقيكِ مشيتِ فجأة ولما أتصل بيكِ الاقي تليفونك وكل حاجتك موجودة، تعرفي أنا حسيت بأيه ساعتها؟

قالت بندم وعيناها تدمع: أنا آسفة يا بابا، بجد آسفة جدا، مكنش قصدي.

عانقها مجددا وهو يزفر بإرتياح: الحمد لله أنك هنا دلوقتى بس الموضوع ده مش هيعدي بالساهل كدة يا ليل.

أومأت ف حدث والدها خلفها بدهشة وقال: مين ده يا ليل؟

التفتت خلفها لتجد الشاب الذى أنقذها يقف بعيدا قليلا عنهما، أبتسمت وهى تلتفت لوالدها وتقول: وأنا راجعة البيت توهت فى السكة وهو عرض عليا يوصلني البيت.

قال والدها وهو وينظر لها بنبرة غاضبة قليلا: وأنتِ أي حد يعض عليكِ توصيلة تركبي معاه؟ افرضي طلع حد مش كويس ولا كان عمل فيكِ حاجة؟ هتفضلي طيبة وساذجة لحد أمتي يا ليل!

حاولت أن تنقذ نفسها من هذا المأزق فقالت لوالدها بتوتر: ده مش شخص غريب يا بابا، أنا أعرفه من النادى اللى بروحه مع أصحابي هو عضو هناك وعلشان كدة ركبت معاه.

تقدم والدها بنظرة جدية إلى ذلك الشاب وقال بنبرة جدية: شكرا ليك يا...

أسرع الشاب يقول: أنا فارس، فارس عبد الجواد.

حدق والدها إليه بتركيز: وبتشتغل إيه يا فارس؟

قال فارس: عندي شركتي الخاصة يا عمي اللى ورثها عن بابا الله يرحمه.

أومأ والد ليل برأسه ثم قال: طب اتفضل معانا جوا شوية.

قال فارس بنفس: لا شكرا يا عمي الوقت أتأخر أنا هروح البيت.

قال والد ليل بإصرار: يبقي تيجي تتغدي معانا بكرة ده عربون شكر علشان خاطر اللي عملته مع بنتى ومش هقبل أنك ترفض.

أبتسم فارس بهدوء: تمام حضرتك أن شاء الله هاجي بكرة.

بعد أن ودع والدها، ذهب وليل تتبعه بنظراتها حتى غادر، التفت لها والدها: يلا ندخل جوا.

دلفت معه إلى الداخل لتجد زوجة والدها نهضت حين رأتهم وقالت: ليل أخيرا رجعتي يا حبيبتى!

توقفت ليل مندهشة: اه يا طنط.

اقتربت منها أحلام واحضنتها: أنتِ متعرفيش إحنا كنا قلقانين عليكِ أد ايه الحمدلله انك رجعتي بخير.

رطبرعم استغرابها الكبير من تبدل موقف زوجة والدها منها إلا أنها سعدت بهذا التغير ولك تفكر كثيرا بل أبتسمت بلطف: أنا بخير الحمدلله يا طنطن أحلام متقلقيش عليا وآسفة أني سببت لكم كل القلق والخوف ده.

ابتسمت زوجة والدها: اطلعي فوق ارتاحي دلوقتى.

التفتت إلى والدها الذى قال بصرامة: أنا جاي معاكِ عايز أقولك على حاجة مهمة.

صعدت مع والدها بصمت إلى غرفتها ثم جلست مع على أريكة بجانب سريرها، انتظرته أن يتحدث حين قال بعتاب: ليه يا ليل؟

ليل بحيرة: ليه إيه يا بابا؟

والدها: ليه تعملي كدة؟ تمشي فجأة ومن غير أي كلمة ومن غير موبايلك وتقلقينا عليكِ للدرجة دي، ليه؟

اخفضت رأسها بخجل وندم على ما فعلته بوالدها الحبيب: أنا آسفة يا بابا مش عارفة أقولك تاني بجد بس آسفة فعلا أنا حسيت إني مخنوقة وعايزة أروح ومقدرتش أفكر بشكل سليم ساعتها سامحني.

مسح والدها على شعرها بحنان: لو في حاجة مضايقاكِ يا حبيبتى أنا هنا أحكي لي.

ابتسمت له بحب: لو فيه أي حاجة يا حبيبى أتأكد أنه أنا هقولك علطول بس مفيش حاجة شوية ضيق عادى يعني.

احتضنها والدها إلى صدره بحنان: مفيش حاجة تضايقك تبقي عادية يا حبيبتى المهم تتأكدِ أني هيبقي موجود دائما علشانك.

دمعت عيناها من التأثر وحب والدها: عارفة يا بابا ربنا يخليك ليا.

بعد أن ذهب ظلت مستيقظة لفترة طويلة فى غرفتها وهى تفكر به، فارس! كان هذا إسمه مميز مثله وغامض تماما، يظهر لينقذها فى أصعب وقت فى حياتها، أنه فعلا شاب جيد وشهم للغاية، وجدت أنها فكرت به كثيرا فحاولت أن تنام دون فائدة لفترة طويلة حين استسلمت للنوم أخيرا قرب الفجر.

استيقظت فى اليوم التالى بكسل، حين تذكرت أن فارس سيأتي للغداء نهضت بسرعة وحيوية لم تعهدها لفترة طويلة ثم بدأت تستعد حين أقترب الوقت، لم تعرف لما توترت ورغبت أن تظهر جميلة أمامه، ارتدت فستان أبيض جميل ثم مسكت شعرها باهتمام بالغ به واعتنت بمظهرها كثيرا.

حين سمعت حرس الباب توترت بشدة وأخبرت نفسها أنه لا داعي لكل هذا التوتر هو شخص أنقذها وسيتناول الغداء معهم فقط وسرعان سيمضي فى طريقه.

حين هبطت لأسفل ورأته، خفق قلبها لمظهره الوسيم وكان يحمل باقة زهور جميلة، حين رآها أبتسم لها واعطاها إياه.

قبلتها منه بارتباك وخجل: شكرا ليك جدا.

فارس بلباقة: مفيش شكر، حبيت أجيب لك ورد كعربون على الصداقة بيننا.

تفاجئت: هو إحنا أصدقاء؟

رفع حاجبه: هو إحنا مش أصدقاء؟ أنا فكرت أنه إحنا أصدقاء بعد كل المواقف اللي جمعت بيننا دي كلها.

أبتسمت له ليل: لو عايزنا نبقي أصدقاء أنا معنديش مانع.

هبط والدها وزوجته بعد قليل ورحب به ثم قدمه إلى زوجته، جلسوا يتناولون الغداء ووالدها يتناقش مع فارس ويسأله عنه وعن عائلته.

قال فارس بحزن: ماما متوفية من زمان وبابا مات من ثلاث سنين.

قال والدها بتفهم: وأنت اللي بتدير الشركة مكان والدك صح؟

ظهر تعبير غريب على وجه فارس ولكن قال بهدوء: ايوا أنا الحمدلله.

بعد عدة مناقشات انتهي الغداء وقد اعتذر والدها حتي يتلقي هاتف مستعجل من العمل أما زوجة والدها قالت إنها ستصعد لاعلي لشئ ضروري ثم ستعود.

جلست معه وحيدة فى صالة منزلها، كانت متوترة بشدة فقالت: الله يرحم باباك و مامتك أكيد حاسس بالوحدة بعدهم.

أومأ برأسه بحزن: اه طبعاً بس بحاول اكتفي بنفسي.

قالت بفضول: بس أنا حسيت انك اتضايقت لما بابا جاب سيرة شركتك هو فيه حاجة فيها مضايقاك؟

زفر بحدة قبل أن يقول: لو قولتلك توعديني يكون سر؟