الاول

– إيه ده يا بني آدم؟! إنت ما بتشوفش قدامك ولا إيه؟

حسن: أفندم؟

– زي ما سمعت! إنت كمان غلطان ومش عاجبك!

حسن: لا، مش عاجبني الأعمى اللي ماشي ومش شايف قدامه وبيبص وراه… إنما أنا هشوف قدامي وقدامك كمان.

– إنت ما تعرفش أنا مين ولا إيه؟

حسن: ما يهمنيش تكوني مين… هو صباح باين ما شاء الله.

– طيب بص يا أستاذ… اسمك إيه؟ أنا مش فاضية لك. شوف اللي اتكسر منك ده سعره كام وأنا هحاسب عليه.

حسن: وتحاسبي عليه ليه، بما إنك مش مقتنعة إنك غلطانة؟

– أنا قلت اللي يرضي ضميري… وبعدين فين مهندس حسن؟

حسن: عايزة منه إيه خير؟ ومين حضرتك؟

– أنا المهندسة نورين، المديرة الجديدة للمركز. واتقال لي إنك فاهم شغلك كويس والكل بيشكر فيك… بس مستغربة، إزاي وأنت مسؤول صيانة مش أكتر؟

حسن: ربنا يعلم أنا قد إيه براعي ربنا في شغلي. وبما إن حضرتك لسه مش متعودة على النظام هنا… كل صلاة في بريك 20 دقيقة، والساعة 1 غدا، وبنقفل 12. ولو في شغل مهم بنكمل بعد كده.

نورين: وعلى كده بقى ملتزمين بشغلكم؟ ولا شاطر في الكلام بس يا حسن؟

حسن: أفندم، حضرتك لسه مش عارفة حاجة عن الفرع هنا. اسألي الإدارة وهما يفهموكي نظام الشغل… وآسف، مضطر أشوف شغلي. مكتب حضرتك في الدور التاني.

نورين: ماشي يا حسن… هنشوف.

محمود: هي مين دي يا هندسة؟

حسن: دي المديرة الجديدة… واحد مشي ودي شكلها شايفة نفسها.

محمود: وهنعمل إيه في عربية امبارح يا هندسة؟

حسن: مالها؟ لسه نفس المشكلة؟

محمود: يا هندسة، الكهربا تمام والماكينة تمام… بس يمكن المشكلة في فلاتر الوقود، شكلها مكتومة.

حسن: تمام يا حودة، شوفها وبلغني.

(مكالمة مفاجئة)

– السلام عليكم يا حسن.

حسن: وعليكم السلام يا هندسة.

– مهندسة نورين وصلت عندك؟ فهمتها نظام المركز وشغل الجهاز؟

حسن: أنا عرفتُها نظام الشغل تحت، لكن حضرتك كنتِ قايلة إنها تعرف تشتغل على البرنامج.

– ماشي يا حسن، راجع معاها بعد الغدا عشان نتفادى أي أخطاء.

حسن: حاضر يا هندسة.

– كمان يا حسن، حضّر نفسك الفترة الجاية… مركز 23، هتكون مديره. بنخلص إجراءات بس، وقبل الافتتاح هتمسك كل حاجة. أنت من المميزين عندنا.

حسن: شكراً يا هندسة، ده بفضل مساعدتكم.

– أي شركة بتنجح بالناس المحترمة اللي فيها. وكمان زي ما وعدتك، الرواتب هتزيد. وبلّغ محمود يشد حيله… بكرة في راجل جديد جاي.

حسن: حاضر يا هندسة.

– مع السلامة.

نورين: مهندس حسن؟

حسن: أيوه يا هندسة.

نورين: لحظة لو سمحت.

حسن: تحت أمرك.

نورين: الجهاز كده تمام؟ ولا في تعديل؟

حسن: الله ينور يا هندسة… وفي ملف احتياطي عليه فيديو، لو حصل أي مشكلة.

نورين: شكراً… ممكن حد يجيب طلب من السوبر ماركت؟

حسن: قوليلي الطلب وأنا أجيبه حالاً.

نورين: لا طبعاً، أنا مقدّرة تعبك… ما ينفعش.

حسن: يا مهندسة نورين، إحنا هنا فريق واحد… أي حاجة نحتاجها بنجيبها لبعض. مفيش فرق بين مهندس وعامل.

نورين: تمام… طيب هات علبتين بسكويت و2 لوزين فراولة للفطار… وآسفة تعبتك.

حسن: ولا تعب ولا حاجة… خمس دقايق وأكون عندك.

(بعد 15 دقيقة)

حسن رجع المركز، ولاحظ موقف غريب… محمود بيشتغل على العربية، ونورين بتوجهه بنفسها لحد ما اكتشفوا المشكلة واتحلت، والعربية اشتغلت.

حسن: الله ينور يا هندسة.

محمود: مهندس مرة واحدة؟ الله يكرم أصلك!

حسن: تصدق أنا غلطان إني بكبرك… من إمتى في فرق بينا؟

محمود: مش مطمّن للكلام الحلو ده!

حسن: كلم الشباب… ييجوا يفطروا.

(موجهاً الكلام لنورين)

اتفضلي يا هندسة… فطار حضرتك.

نورين: شكراً يا هندسة.

:::

***