All Chapters of Consultant Turned Contracted Wife: Chapter 201 - Chapter 210

Nilunok niya ang laway bago nagpatuloy. "May high-rise condominium project na itatayo sa Skyline City na may orihinal na budget na $16.8 million. Pero umabot sa $39.5 million ang kabuuang naging gastos dahil sa sunod-sunod na advance payments para raw sa materyales at sahod ng mga tauhan. Ayon sa nakalagay sa Change Order Report, idinagdag daw ang mga imported na materyales gaya ng high-grade steel, Italian tiles, at special glass panels pero sa aktwal na inspeksyon, wala ni isa sa mga ito ang natagpuan sa site. Mas mababa pa nga ang klase ng materyales na ginamit."Humugot siya ng malalim na hininga, halos nanginginig na ang tinig. "Bukod doon... pinalobo rin ang gastos dahil sa inflated labor cost at consultancy fees na ipinasa sa tatlong subcontractors na halos walang dokumentadong output. Ang mas nakapagtataka, mahigit $4.2 million ang na-withdraw bilang ‘emergency cash advance’ pero walang supporting receipts o inventory record kung saan ito ginamit. At ang supplier na pinagkunan

Nagtatrabaho na noon si Lucas bilang head butler ng pamilyang Strathmore. Siyempre, hindi rin siya pinabayaan ng mga ito. Tinulungan siya, at maging sina Alaric at Atticus ay sumama sa kanyang paghahanap ng lunas. Ngunit kahit ang mga eksperto na kanilang nilapitan, walang magawa.Lumapit si Alaric sa kanya, marahang hinawakan siya sa balikat. “Lucas, mabuti sigurong tanggapin na lang natin. Ang mismong mga eksperto na ang nagsabi. Kahit ang operasyon ay hindi garantiya na gagaling si Carmilla. May tiyansa din na sa kalagitnaan ng operasyon, baka hindi kayanin ng puso niya,” malungkot ngunit totoo ang pahayag ni Alaric.Nagsimulang tumulo ang luha sa mga mata ni Lucas. Hindi niya matanggap na mawawala ang misis niya.Lumipas ang mahigit isang taon ngunit wala pa ring progreso sa kundisyon ni Carmilla. Unti-unti itong namayat, nanghina, at halos buto’t balat na lang ang natira. Awang-awa si Lucas sa kanyang asawa.“Bakit ikaw pa?” bulong niya habang marahang pinipisil ang kamay ni Carm

Umiling muli si Lucas. “Matapos ang operasyon ni Carmilla, bigla na lamang ibinalita sa amin ng doktora na wala na raw makukuhang gamot ang asawa ko.”“Hindi ba’t pinangako nilang magbibigay sila ng libreng gamot kay Mrs. Gardner?” dagdag na usisa ni Selena, hindi makapaniwala.“Tama, iyon ang pangako nila. Subalit nabuwag ang buong organisasyon dahil sa matinding korapsyon. Ilan sa mga kasapi nilang doktor at mananaliksik ang nagtangkang nakawin ang pamamaraan sa paggawa ng gamot ng Lotus Life. Dahil doon, nagkawatak-watak ang mga miyembro, isa-isa silang nagsitago at naglahong parang bula. Sinubukan kong tawagan ang doktora ngunit hindi na siya kailanman sumagot. Iniwanan niya ako ng calling card noon, ngunit kahit ilang ulit kong tinawagan, hindi niya na ako kinausap,” mahabang paliwanag ni Lucas habang dahan-dahang inilalabas ang lumang pitaka mula sa bulsa.Naghalungkat siya sandali hanggang sa may nakuha itong isang kupas na calling card. Maingat niya itong iniabot kay Selena.K

“Balak ko lang silang isama sa pagdalaw ko sa sementeryo,” paliwanag ni Selena, marahan at puno ng sinseridad. “Matagal na rin mula nang huli kong dalawin ang puntod ng mom ko. Saglit lang naman ito. At saka, isasama ko si Neera at Barry para hindi ka na mag-alala.”Nakahinga nang malalim ang matandang butler, tila pinipilit alisin ang pagdududa sa kanyang isipan. Pagkaraan ng ilang segundo’y tumango na rin ito.Agad niyang tinawag sina Barry at Neera upang tulungan mag-impake ng ilang gamit ng kambal, pati na ang paghahanda sa paghatid sa kanila papunta sa sementeryo kung saan nakahimlay si Sofia.Bumaba na sila ng hagdan matapos maghanda ng mga gamit ng kambal. Karga nina Selena at Neera ang kambal habang si Barry naman ang may dala ng gamit ng dalawang bata.Sa sala, naroon si Heather. Relax itong nakasandal sa malambot na sofa habang abala sa hawak na cellphone, may nagmamasahe pa sa balikat nito at kasabay nito ay ang pagpapalinis ng kuko sa paa sa isang nail technician.Sa itsur

“Sofia!” sigaw ng isang may-edad na lalaki. Sa kabila ng kanyang edad ay hindi nito napabayaan ang sarili, at malinaw na mababakas pa rin ang angking tindig at kakisigan na tiyak na pumukaw ng maraming paghanga noong kabataan nito.Mahigpit ang pagkakayakap ng lalaki kay Selena, sa sobrang higpit, kahit anong pagpupumiglas niya ay hindi siya makawala sa bisig nito.Pilit niyang itinulak palayo ang lalaki. “Sandali lang, Mister! Bitiwan mo ako!” aniya, ngunit sa bilis ng mga pangyayari ay hindi siya agad nakaiwas nang bigla siyang hatakin mula sa likuran at mariing niyakap.“Sofia! Na-miss kita!” masayang-masaya ang tinig ng lalaki na tila ba nahanap na ang matagal nang hinahanap.Hawak ni Neera ang stroller kung saan nakasakay ang kambal kaya hindi ito makakilos, dahilan upang si Barry ang sumubok na paghiwalayin sina Selena at ang may-edad na lalaki.Subalit tila bingi ito sa mga sinasabi nila, sapagkat patuloy nitong niyayakap si Selena na para bang takot itong muling mawala ang bab