All Chapters of Consultant Turned Contracted Wife: Chapter 61 - Chapter 70

Nanlaki ang mga mata ni Selena nang makita niya sa sahig ang isang ahas na halos kasinglaki ng braso niya. Agad siyang kinabahan at natakot nang mapansing gumagapang ito papunta sa kanya. Mabilis ang tibok ng kanyang puso habang unti-unting lumalapit ang ahas.“Ahhhhh! Ahas! May ahas! Ahhh!” sigaw niya sa matinding takot. Nanginginig ang kanyang katawan habang umiikot ang kanyang paningin, pilit naghahanap ng kahit anong bagay na maaaring gamitin bilang panangga o panlaban.Dahil sa lakas ng kanyang sigaw, umalingawngaw ito sa buong manor. Lahat ng tao’y napalingon, at ang iba nama’y dali-daling tumakbo patungo sa pinanggalingan ng sigaw. Si Axel, na katatapos lang ayusin ang ilang papel sa study room at pabalik na sa guest room nila ni Selena, ay napatigil at napatakbo nang marinig ang boses ng babae.Sa labas ng kwarto, nasalubong niya si Alaric na buhat-buhat si Silas.“Axel! Si Selena!” ani Alaric, bakas sa mukha ang kaba at takot.Hindi na nagsalita si Axel. Agad niyang pinihit a

Mariin ang titig ni Selena habang tahimik na nakatingin kay Heather. “Kaya nga labis ang pasasalamat ko kay Axel. Kung hindi dahil sa kanya, baka hanggang ngayon ay takot na takot pa rin ako o baka natuklaw na ako ng ahas na ’yon.” Ngumiti si Heather. “Tama ka. Mabuti na lang talaga at walang nangyari kay Axel. Nag-iisang anak lang siya at tagapagmana ng mga Strathmore. Kapag may nangyari sa kanya, siguradong malulungkot ang lahat lalo na si tita Abigail. Hindi malabong ilabas niya lahat ng galit niya.” Sabay na kumuyom ang mga kamay ni Selena na nakapatong sa tuhod. Alam niyang totoo ang sinabi ni Heather. Kung may nangyari kay Axel, siguradong hindi siya patatahimikin ni Abigail, baka nga siya pa ang sisihin. Huminga siya ng malalim bago nagsalita, pilit kinakalma ang sarili. “Maliksi at malakas si Axel. Higit sa lahat, hindi siya basta-basta susugod kung hindi siya sigurado sa gagawin niya. Nakita naman natin lahat ang ginawa niya,” aniya, bakas sa tinig ang paghanga. “May p

Tumango siya, saka agad bumangon at naligo. Nagsuot siya ng simpleng puting strapped dress at isang fur coat upang matakpan ang kanyang lumalaki na tiyan. Bago sumakay ng kotse, hinalikan niya sa pisngi si Silas. “Huwag ka nang magpuyat, ha. May pasok ka pa bukas,” hinaplos ang pisngi nito. Sa isang high-end seafood restaurant ginanap ang private meeting. Doon nagpareserba si Russell matapos malaman na paborito ng CEO ng Gold Magnet ang mga lamang-dagat gaya ng lobster, king crab, at tiger shrimp. Pagdating nila sa restaurant, iniabot ni Axel ang susi ng kotse sa valet. Isang staff ang sumalubong sa kanila at sinamahan sila papunta sa third floor kung saan naroon ang SVIP private room. Sumakay sila ng private elevator paakyat. Sa loob ng private room, naghihintay na si Russell kasama ang isa pang lalaki. Binati sila ng mga ito. Naupo sina Axel at Selena sa harap ng bilugang mesa habang nakatayo sa likuran ang dalawa. Ilang minuto pa lang ang lumipas nang makaramdam siya ng pag-

Pagkatapos magpaalam ay hindi na niya hinintay pang sumagot si Selena. Dali-dali siyang lumabas ng private room. Habang naglalakad papalabas ng restaurant, may isang bagay na paulit-ulit na tumatakbo sa kanyang isipan. Hindi man niya naintindihan lahat ng pinag-usapan nina Selena at Zane, malinaw niyang narinig ang sinabi ni Selena. Sinabi ni Selena na asawa niya ang lalaking natipuhan niya, si Axel. Napakagat labi si Nessa. Kung totoo ngang asawa ni Selena si Axel, mas lalo siyang naengganyong agawin ito. Aakitin niya si Axel, gaya ng ginawa niya noon kay Klyde. Hindi siya titigil hangga’t hindi siya ang mas nakakalamang kay Selena. Hinding-hindi niya hahayaang maging masaya si Selena. Para kay Nessa, siya lamang ang karapat-dapat sa lahat ng atensyon, papuri, at asawang mayaman at guwapo gaya ni Axel. Sa kanya dapat mapunta ang lahat, hindi kay Selena. Sa loob ng private room, naiwan ang apat na kakasimula pa lang kumain matapos umalis si Nessa. Habang kumakain, hindi n

Sa isang iglap, may pilyang ideya ang pumasok sa isip niya. Mabilis na gumuhit ang munting ngisi sa kanyang mga labi.Sa kunwaring 'di sinasadyang kilos, bahagyang inabot ng siko niya ang baso. Tumaob ito at tumilapon ang kape, tumilamsik sa mesa, sa mga papeles, at higit sa lahat, sa damit at pantalon ni Axel.“Ahh! Axel! Hala!” sigaw niya na parang gulat na gulat. “Hindi ko sinasadya!”Dali-dali siyang yumuko, kunwaring natataranta. “Pasensiya na, Axel. Promise, hindi ko talaga sinasadya. Nagkamali lang ako ng galaw.”Kumunot ang noo ni Axel, nabigla sa pangyayari. Gusto sana niyang makaiwas pero huli na, natapunan na siya. Kukuha na sana siya ng tissue, pero naunahan siya ni Heather. Hinablot nito ang tissue box, lumuhod, at mabilis na pinunasan ang basang parte ng kanyang pantalon.Mabilis na gumalaw ang mga kamay ni Heather, pinupunasan ang basang parte ng pantalon ni Axel. Ngunit nang akmang iiwas na si Axel, biglang humawak si Heather sa kanyang hita. Mahigpit, parang ayaw siya