Todos los capítulos de A Stepbrother's Burning Desire: Capítulo 1 - Capítulo 10

“FLINT, napag-usapan na natin ‘to, hindi ba? Alam mong dito ko na sila patitirahin. Kasal na kami ng tita Glenda mo, at bilang mag-asawa, natural lang na magsama kami sa iisang bubong.” Humugot ng malalim na buntong-hininga ang kanyang ama bago muling nagsalita.“Bakit mo naman pinagsalitaan ng gano’n si Xyza? Hindi mo man lang pinakitaan ng kahit kaunting kabutihan, lalo pa ‘t bagong lipat lang sila rito. Hindi mo rin ba naisip kung ano ang mararamdaman ng tita Glenda mo? Malamang nasaktan siya sa sinabi mo sa anak niya. Hindi na lang kumibo, baka kasi ayaw na lang palakihin ang gulo.”Mahaba at mahinahon ang paliwanag ng kanyang ama pagkapasok na pagkapasok nila sa kanyang silid, ngunit dama pa rin ang bigat ng paninisi sa tono nito.Ewan ba niya kung bakit iyon ang lumabas sa bibig niya nang kaharap na si Xyza. Siguro’y nasaktan siya sa nakita niyang ginawa ng dalaga, kung paanong binalewala nito ang pagbati ng kanyang ama kanina.Alam niyang ngayong araw darating ang mag-ina. Kaya

TULAD NG NAKASANAYAN, maaga pa lang ay gising na si Flint. Kahit siya ang CEO ng sariling engineering firm, pumapasok at umuuwi siya na para bang isa lamang sa mga regular na empleyado.Gusto niyang maging huwaran sa kanyang mga tauhan, at nagsisimula iyon sa sarili niyang disiplina.Maayos siyang nakabihis ng long white sleeve polo at gray na slacks, pinaresan niya ito ng black leather shoes. Kapag sa opisina lang siya maglalagi, lalo na kung may meeting, kadalasan ay naka-business casual attire siya, katulad ngayon. Pero kapag mag-o-onsite naman siya, mas madalas siyang nakasuot ng polo shirt at maong na pantalon.Sinipat niya ng makailang beses sa salamin ang kanyang kabuuan, gaya ng palagi niyang ginagawa tuwing umaga bago bumaba papunta sa kusina.Hindi siya karaniwang nag-aalmusal sa bahay, madalas ay sa opisina na. Kaya ang pagpunta niya sa kusina ay para lang uminom ng malamig na tubig.Pagdating niya sa kusina, isang tanawin ang sumalubong sa kanya.Si Xyza.Nakatalikod ito,

IYAK NANG IYAK si Xyza, hindi lang dahil sa galit, kundi dahil na rin sa matinding kahihiyan na naranasan niya kanina.Kung hindi dahil sa kanyang ina, hindi niya malalaman kung ano na ang itsura niya sa harapan ng masungit, pakialamero, mayabang, at mapangutyang si Flint.Paano niya ngayon mabubura sa isipan nito ang lahat ng nakita? Baka lalo pa siyang kutyain nito dahil doon.Panay ang punas niya ng luha gamit ang likod ng kamay habang patuloy sa paghikbi. Maging ang sipon niya ‘y nagsimula na ring tumulo.Ngayon lang talaga nangyari sa buong buhay niya ang mapahiya. At sa harap pa talaga ng isang aroganteng lalaki.Kahit nanlalabo ang paningin dahil sa masaganang luha, tinungo niya ang cabinet upang kumuha roon ng damit na pampalit. Kinuha niya ang isang simpleng t-shirt at shorts na sakto lang ang haba.Basta na lang niya isiniksik doon ang mga damit na kinuha niya galing sa maletang dala-dala noong nakaraang gabi. Hindi na rin kasi niya nagawang iutos ang pag-aayos niyon sa katu

GABI NA ng makauwi si Flint sa kanilang bahay. Galing pa siya sa isang site na malapit nang simulan ang pagtatayo ng isang luxury hotel. Hindi niya inaasahang ngayong araw niya gustong bisitahin ang lugar, kaya ‘t naipit siya sa matinding traffic pag-uwi.Pagdating niya, agad niyang iginala ang paningin, umaasang makikita siy Xyza para asarin. Ngunit hanggang dumating ang hapunan, ni anino nito ‘y hindi niya nakita.Bagaman nagtaka, pinili na lamang niyang ipagsawalang-bahala iyon. Matapos kumain, agad niyang kinausap si Manang Feli, ang mayordoma ng mga katulong.Si Manang Feli ang palihim niyang inatasang magbantay sa mga kilos ni Xyza.“Manang Feli, nasaan si Xyza? May alam ka ba kung nasaan siya ngayon? O baka nag-iinarte lang at ayaw lumabas ng kwarto?”Naisip kasi niya ang nangyaring pagkapahiya nito kaninang umaga sa harapan niya, kaya posible rin na hindi ito lumabas ng kwarto para hindi siya makita o makaharap.Nagma-mop si Manang Feli ng sahig kaya naman sunod siya rito ng s

“WHAT?! May anak din iyong stepfather mo?!” gulat na tanong ni Cyla.“Ano pa nga ba?!” umiikot ang mga matang sagot niya. “Alam mo bang napakasungit niya at pakialamero? Mapanghusga rin! Sabihan ba naman akong spoiled brat! Akala mo naman kilalang-kilala na niya ako kung makapanghusga siya sa ‘kin! Kaya kahit kailan, hinding-hindi ko siya matatanggap na kapatid, o kahit tawagin siyang kuya! Eeew!”“Ibig sabihin, lalaki ang bago mong kapatid?” tanong pa ni Cyla.“At magkasama kayo sa iisang bahay? Paano na lang kung gawan ka niya ng masama?” singit naman ni Andro.Hindi nakaligtas sa kanya ang masamang tinging ipinukol dito ni Lance. Alam kasi ng dalawa na pareho ang mga itong pumapapel sa buhay niya para mapansin niya.“Teka nga, nandito tayo para magsaya. Hindi iyong pinag-uusapan pa natin dito ang naiwan kong problema roon!” pag-iiba niya sa usapan.Dinukot niya ang cellphone mula sa loob ng maliit na shoulder bag na dala niya para tingnan ang oras. Medyo nagiging dalawa na ang pani