Sa bahay na kanilang tinutuluyan at pansamantalang pinagtataguan…Sa sala, abala si Cassandra sa laptop.Payapa ang paligid, simple at maaliwalas ang maliit na sala—nasa harap niya ang maliit na coffee table kung saan nakalatag ang kanyang sketchpad, mga lapis, at ilang design notes. Katabi rin ang isang tasa ng malamig na kape at nakapatong na cellphone na paminsan-minsan lang niyang tinitingnan.Ilang araw na rin ang lumipas.Unti-unti, pilit na sinusubukan ni Cassandra na masanay sa mga nangyayari. Sa kabilang sofa, abala naman si Divina sa pag-scroll sa cellphone niya.Maya-maya ay bigla itong napatigil. Napatingin muna kay Cassandra, tila nag-alangan, bago muling ibinalik ang tingin sa screen.Napakunot-noo si Cassandra nang mapansin ito.“Totoo ba 'to…” mahina ngunit iritang bulong ni Divina. Agad niyang ibinaba ang brightness ng cellphone.“Bakit, ano ‘yan Divina?” tanong ni Cassandra, hindi inaalis ang tingin sa laptop.“W-Wala…” mabilis na sagot ni Divina, umiwas ng tingin.
Read more
LOGIN
