Saan Makakabili Ng Libro Na 'Siksik, Liglig, At Umaapaw'?

AKIN KA HANGGANG LANGIT SERIES Isang serye ng mapusok at matinding pag-ibig tungkol sa tatlong makapangyarihang Alkalde at ang mga babaeng uuwian nila hanggang langit. BOOK 1: Akin Ka Hanggang Langit (Paulo at Aria) Inakala ng walang-awang Alkalde na si Paulo Santillanes na patay na ang nag-iisang babaeng minahal niya. Ngunit tatlong taon ang lumipas, natagpuan niya itong buhay. Nabubuhay sa hirap bilang si Melissa, walang alaala, at may lalaking nagpoprotekta. Sa tindi ng selos at obsesyon, gagamitin ni Paulo ang yaman upang ibaon sa utang ang pamilya nito at ikulong ang dalaga sa kanyang mansyon. Limot man nito ang nakaraan, aariin niya ito gabi-gabi hanggang sa mismong katawan ni Aria ang makaalala kung sino ang nagmamay-ari sa kanya. BOOK 2: Akin Ka Hanggang Langit (Chance at Nayah) Si Mayor Chance De La Serna ang kinatatakutang Halimaw ng San Ignacio. Siya ay malamig, walang-puso, at namumuno gamit ang kamay na bakal. Ngunit ang kanyang madilim na mundo ay mayayanig nang tangkain niyang iligtas si Nayah, ang inosenteng anak ng sindikatong sumira sa kanyang pamilya. Ang kinatatakutang warlord ay unti-unting magiging isang uhaw na hari, isang lalaking handang kalabanin ang lahat, isuko ang kanyang kapangyarihan, at saluhin ang mismong bala huwag lamang mawalay sa nag-iisang reyna niya. BOOK 3: Akin Ka Hanggang Langit (Chozen at Olga) Si Mayor Chozen Cordovez ay kilala bilang seryoso, istrikto, at walang-ngiting Mayor Yelo ng San Isidro. Ngunit ang hindi alam ng lahat, sa likod ng nakasaradong pinto ng kanyang opisina, isa siyang patagong die-hard fanboy na baliw na baliw sa A-list actress na si Olga Manahan. Nang magkrus ang landas nila at sadyang tuksuhin ng palaban na aktres ang pormal na Alkalde, tuluyang mabasag ang maskara ni Chozen. Walang makapipigil sa pag-usbong ng isang nagugutom na lalaking handang angkinin ang idolo niya. Written by Eckolohiya23

Sa gitna ng masalimuot na buhay sa Maynila, si Heart Cruz, isang dedicated nurse, ay nagkakaroon ng muling pagkikita kasama ang kanyang mga kaibigan mula pagkabata, sina Althea, Angie, at Janith. Isang araw, habang abala sa kanyang duty sa isang pribadong hospital, nakatagpo siya ng hindi inaasahang insidente kay Brandon Flores, isang mayamang businessman at may-ari ng hotel at beach resort at isang Multi-Billionare. Ang isang simpleng banggaan ay nagresulta sa isang hindi kanais-nais na pagkakahawakan na nagpasiklab ng galit ni Heart. Habang ang kanyang kaibigan na si Janith ay nalalapit na sa panganganak, nagiging masalimuot ang sitwasyon nang magtagpo muli ang kanilang mga landas. Sa gitna ng emosyon at tensyon, kailangang harapin ni Heart ang kanyang galit at ang mga hindi inaasahang damdamin kay Brandon, na tila may mas malalim na ugat sa kanyang galit at ang kanyang asal na para dito. Ano kaya mangyari sa dalawa habang tinatahak ang hamon ng kanilang nakaraan at kasalukuyan? May pag-ibig ba kayang mabubuo sa kanilang alitan. Ano kayang kwentong sa pagkakaibigan? May pag-ibig pa kayang bumuo sa kanilang wasak na puso? At pagtuklas sa tunay na pagkatao sa kabila ng mga pagsubok at hamon sa buhay? "PAHIRAM NG ISANG GABI (BOOK #1)

Sumumpang hindi na muling magmamahal si Erzel matapos siyang iwan ni Alfred Caballero—ang lalaking nangakong pakakasalan siya. Imbes na magmukmok, ibinuhos na lang niya ang oras sa trabaho. Sa umaga, kilala siya bilang albularyo. Pagsapit ng gabi, tumatanggap siya ng mga pribadong appointment mula sa mayayamang kliyenteng handang magbayad ng malaking halaga kapalit ng serbisyo niya. Hanggang sa isang gabi, na-set up siya at pinahiya ng asawa ng isa sa kanyang mayayamang kliyente. Akala niya, iyon na ang katapusan ng lahat. Pero dumating si Juan Miguel Cervantez—isang makapangyarihan at bilyonaryong negosyante na nagligtas sa kanya sa kahihiyan. Ngunit hindi basta pagtulong ang sadya ni Juan Miguel. Naniniwala itong isinumpa siya matapos mabigo ang lahat ng doktor na gamutin ang sakit niya. Desperado siyang magbayad ng malaking halaga para lang gumaling sa pag-asang babalikan pa siya ng ex-fiancée niyang si Zunshine Agustin. Desidido si Erzel na lokohin ang desperadong lalaki habang itinatago ang sikreto sa likod ng kanyang pagiging albularyo. Ngunit habang tumatagal ang pagsasama nila, mas lalo naman silang napapalapit sa isa't isa. Kasabay nito ang muling paglitaw nina Zunshine Agustin at Alfred Caballero—ang dalawang taong unang sumira sa kanilang mga puso. Kung ang tadhana na mismo ang gumawa ng paraan para paglapitin ang dalawang pusong parehong iniwan, sapat na kaya iyon para matutunan nilang magmahal muli? Lalangitngit na ang langit... sasama ka ba?

“Minsan, ang pinakamadilim na pagkabulag… ay ang pagkabulag sa pag-ibig.” Si Lorie Philip, ang nag-iisang tagapagmana ng Philip Empire, ay nawala ang lahat sa isang iglap. Isang aksidente ang kumitil sa buhay ng kanyang mga magulang at nagdulot ng kanyang pagkabulag — iniwan siyang mag-isa, mahina, at umaasa lamang sa lalaking akala niya’y kanyang sandigan: si Jason Curry, ang asawa niyang ipinagkasundo sa kanya mula pagkabata. Ngunit ang pag-ibig na inakala niyang totoo, ay isa palang malupit na panlilinlang. Habang siya’y nabubuhay sa dilim, ginamit siya ni Jason upang makuha ang lahat ng ari-arian ng Philip family, habang palihim na nilalapastangan ang kanilang kasal kasama ang sekretarya nitong si Necy. Sa paningin ni Lorie, siya ay minamahal. Ngunit sa katotohanan, siya ay ginamit, pinagtawanan, at niloko. Hanggang sa isang araw, isang pagkadulas sa banyo ang nagbalik ng kanyang paningin at kasabay nito, ang katotohanang mas masakit pa sa pagkabulag. Nakita niya mismo ang kanyang asawa at sekretarya, naglalampungan sa study room, at mula sa bibig ni Jason, narinig ang mga salitang pumunit sa kanyang puso: “Hindi ko siya mahal. Kayamanan lang niya ang kailangan ko.” Ngunit ang mas mabigat na katotohanan, ang aksidenteng pumatay sa kanyang mga magulang ay hindi aksidente, kundi isang maingat na plano ng pamilya Curry. Sa gitna ng luha at galit, nanumpa si Lorie: “Pagbabayarin ko kayo sa lahat ng ginawa n’yo sa akin.” Sa tulong ng isang matalino at misteryosong private investigator na si Fernan James, unti-unti niyang binuo ang kanyang lakas upang bawiin ang lahat — kayamanan, hustisya, at dignidad. Ngunit habang lumalalim ang imbestigasyon, unti-unting nagigising ang damdamin niyang matagal nang natulog. Pag-ibig ba o hustisya ang pipiliin niya? At handa ba siyang magmahal muli sa lalaking handang ipaglaban siya, kahit kapalit ay buhay niya?

Si Alexandria Saavedra— Maangas. Basagulera. Walang trabaho. May bisyo. Matigas pa sa adobe ang puso. Higit sa lahat, galit sa mundo. Lalo na sa sariling amang ginamit lamang siya para sa pansariling pangangailangan... Hanggang ang magulo niyang mundo ay binulabog ni Heiz Mikael. Isang binatang basta na lamang sumusulpot sa t'wing nasa panganib ang kanyang buhay. Sa pagdating ni Heinz sa kanyang buhay, 'di inaasahan ni Alexandria na pati na ang nananahimik niyang puso ay ginulo ng binatang ito. . . Sa unang pagkakataon, ang pusong niyang kasintigas ng adobe ay napalambot nito. Subalit isang araw, gumuho ang kanyang mundo nang matuklasan niya ang totoong dahilan nang biglang pagsulpot nito sa kaniyang buhay...

Ang book na ito ay naglalaman ng mga kwentong hindi angkop sa mga batang mambabasa. Ito ay kwento ng magkapatid, magkaibigan at magpinsan. Sina Devine Joy at Devine Marie ay ang kambal na lumaki sa isang kumbento. Makilala ang mga lalaking mayaman ngunit babaero. Si Jhaina na pinsan nila Mark At Yosef ay may pusong lalaki ngunit mapipikot ni Zoe na isang maginoo ngunit medyo bastos. At si Khalid na isang manyak na kaibigan ni Mark ay iibig sa isang babaeng nagpapanggap na lalaki. Isang mainit na romance ang inyong matunghayan sa bawat kwento ng ating mga bida. Tunghayan kung paano mapaamo at matutong magmahal ang taong nerd, takot sa obligasyon, mapagpanggap, tigasin at mga babaero.