Romances Online e Histórias sobre Tragedy com Contract Marriage

Buong buhay na pinangarap ni Venice na mapakasalan ang kaniyang childhood crush—pero sadyang mapagbiro ang tadhana. Naangkin niya nga sa papel si Teo, pero ang puso ng asawa ay matagal nang pagmamay-ari ng iba. Simula nang bumalik ang natatanging babae sa buhay ni Teo, mas lalong nanlamig ang kanilang relasyon. Ang laging katwiran—malubha at bilang na lang ang oras sa mundo ni Rhea. Sa loob ng limang taon, nagpabulag si Venice sa bait-baitan ng sariling mag-ama. Sa mismong ika-limang anibersaryo, saka lamang nabuo ang desisyon niya—iiwan ni Venice si Miguel at Teo. Husto na ang kaniyang pagdurusa. Pero pa'no kung ang malamig niyang asawa ay tumanggi sa diborsiyo? Matatakasan pa rin ba ni Venice ang mapait niyang kapalaran? Marahil kailangan niya ng tulong—sa pagbabalik ng lalaking tunay na nagmahal sa kaniya, magagawa bang kalimutan ni Venice ang nakaraan?

Pinakasalan ni Amira si Oliver Miller kapalit ng utang ng kanyang ama sa lalaki. Ang akala niya ay matatapos na ang paghihirap niya na naranasan sa sariling pamilya, ngunit lalo lang itong lumala. Ang pamilya ng kanyang asawa ay inapi siya at pinamukha sa kanya na isa lang siyang mababang uri na babae na pinambayad utang lang ng kanyang ama. Higit pa dito ay ang kawalan ng pakialam sa kanya ng kanyang asawa, kaya lalo niyang kinaawaan ang sarili dahil wala siyang magawa laban sa mga ito. Hangang isang araw pinagtangkaan siyang patayin ng pamilya ng asawa at nang magtagumpay sila ay napuno na ng galit at pagkamuhi ang puso ni Amira. Naging dahilan rin ito ng pagkawala ng pinakamamahal niyang anak. Nang mabigyan siya ng pagkakataon na muling mabuhay ay handa na siyang maghiganti laban sa mga taong naging dahilan ng pagkamiserable ng buhay niya. Muli siyang babangon at maghihiganti sa lahat ng taong nanakit sa kanya, isa na dito ang kanyang asawa. Ngunit si Oliver Miller ay biglang nagbago at muling nakiusap na bumalik siya dito, ngunit huli na ang lahat. "Beg for me, Mr. Miller. This is the only way to get me back again to you." Ilang salita ngunit puno ng galit sa kanyang puso ang kanyang sinabi sa lalaki. Mapapatawad ba niya ang lalaking minsan niyang minahal ng lubos o mananatiling matigas ang puso niyang sinubok na ng panahon.

I Sold to the Billionaire Sa kagustuhang mailigtas ang kanyang pamilya mula sa pagkakautang, napilitan si Althea Reyes na tanggapin ang isang alok na babago sa kanyang buhay—ang ibenta ang kanyang kalayaan kapalit ng milyon-milyong halaga. Ang bumili sa kanya ay si Zachary Monteverde, isang makapangyarihan, malamig, at misteryosong bilyonaryo na kilalang walang puso pagdating sa negosyo. Akala ni Althea ay magiging simpleng kasunduan lamang ito. Isang kontratang may malinaw na hangganan. Ngunit habang lumilipas ang mga araw, unti-unti niyang natutuklasan ang mga lihim na itinatago ni Zachary at ang tunay na dahilan kung bakit siya nito pinili. Sa mundong kontrolado ng pera, kapangyarihan, at pagtataksil, kakayanin kaya nilang labanan ang damdaming unti-unting namamagitan sa kanila? O tuluyan silang sisirain ng katotohanang nagsimula ang lahat dahil sa isang bentahan?