روايات وقصص إلكترونية عن Tragedy وتضم Independent وتدور في Forbidden Love

"Ako ba ang may sala? Nasaan ang katawan ng asawa ko? Patay na ba talaga siya?" Tatlong tanong na tuluyang sumira sa buhay ni Helena. Nang misteryosong mawala ang kanyang asawang si Emilio Cardenas, siya agad ang itinurong salarin. Sa kabila ng kawalan ng bangkay at matibay na ebidensya, nahatulan siyang mamuhay sa likod ng rehas. Mas masakit pa rito, sapilitang inagaw ng makapangyarihang biyenan niyang si Doña Engrasia ang kanyang kambal na anak at tuluyang binura ang kanyang karapatan bilang ina. Pagkalipas ng limang taon, lumaya si Helena matapos mapawalang-sala. Ngunit wala na siyang tahanan, pamilya, o yaman—tanging pag-asang mabawi ang kanyang mga anak at mahanap ang katotohanang matagal na itinago. Sa Bayan ng Perlas, sa tulong ng isang matapat na kaibigan, ni Nanay Leticia, at ng maimpluwensyang si Don Isagani, sinimulan niyang buuin muli ang kanyang buhay. Doon din niya muling nakatagpo si Migo Cardenas, ang nag-iisang miyembro ng pamilya na naniwalang inosente siya. Habang lumalalim ang kanilang pagmamahalan, unti-unti ring nabubunyag ang isang madilim na lihim na kayang wasakin ang buong angkan ng Cardenas.

Matapos mahuli ang fiancé niyang may ibang babae at mawalan ng trabaho sa loob lamang ng isang linggo, handa na si Amelie Mitchell na magtago sa mundo, hanggang sa isang alok ang biglang nagbigay sa kanya ng pag-asa. Isang kasunduan. Isang kasal. Isang kasinungalingang magliligtas sa kanyang pamilya. Ang nag-alok? Si Elijah Chen, matalino, at sikat na Neurosurgeon. Tagapagmana ng isang bilyong dolyar na imperyo. Simple lang ang usapan.. Pakakasalan niya ito. Gagampanan ang papel. At mababayaran ang lahat ng problema niya. Pero gumuho ang lahat nang makaharap niya ang half-brother nito— si Dylan Luis Suarez Chen, ang unang binatang kanyang inibig, ang iniwan niya para tuparin ang pangarap, ang lalaking ayaw na ayaw na sana niyang makita muli. Ngayon, kailangan niyang pakasalan ang isang kapatid… Habang ang sigaw ng kanyang puso ay ang isa. At sa pamilyang punô ng lihim, kapangyarihan, at ipinagbabawal na pag-ibig, isang maling hakbang ay maaaring magwasak sa kanilang tatlo.