Playboy Flash Marriage Web Novels & Stories

Si Calex Saavedra ay isang binatang mula sa kilalang angkan—mayaman, makapangyarihan, at ubod ng guwapo. Ngunit higit sa lahat, siya ay kilala sa pagiging loko-loko at babaero. Wala siyang siniseryosong babae; para sa kanya, ang babae ay parang damit—isuot kapag gusto, palitan kapag nagsawa. Ngunit isang kasunduan ang biglang nagpabago sa takbo ng kanyang buhay. Dahil sa kagipitan, napilitang tanggapin ng isang simpleng probinsyana ang alok na magpakasal kay Calex. Si Felicie Garcia—tahimik, nerd, at walang muwang sa magulong mundo ng lipunan ay naging asawa ng lalaking ni sa panaginip ay hindi niya naisipang mapapalapit sa kanya. Isang kasal na may hangganan. Isang kasunduang magwawakas sa diborsyo makalipas ang dalawang taon. Ngunit habang magkasama sa iisang bubong, unti-unting nagbabago si Calex. At si Felicie, na sa simula’y galit at takot lang ang nararamdaman, ay hindi inaasahang matutong umibig. Mabubura kaya ng pag-ibig ang dating pagkatao ni Calex? O isa lamang si Felicie sa mga babaeng masasaktan sa kamay ng isang tulad niyang sanay sa laro?

Si Hunter Buencamino na isang kilalang business tycoon sa Pilipinas ay binigyan ng isang buwan na palugit ng kanyang ama na kailangan niyang maiharap ang babaeng makakasama niya habang buhay, kapalit ang malaking project sa Brown Corporation . Halos hindi makapaniwala si Hunter sa mga salitang narinig niya sa kanyang ama, lalo pa't wala sa kanyang vocabulary ang salitang kasal. Kaya hindi niya alam kung matutuwa ba siya sa pagpayag ng ama sa proyekto na matagal na niyang pinapangarap na makuha, ngunit kapalit ay ang pagpapatali niya sa isang kasal na labis niyang kinamumuhian. Sa kagustuhan ni Hunter na makuha ang project, isang plano ang nabuo sa kanyang isip at nakahanda siyang magbayad kahit na magkano sa isang babae na magpapanggap na kanyang girlfriend at asawa. Makikilala ni Hunter si Nathalie del Prado sa isang agency na bride for hire at aakalain niya itong babaeng bayaran. Ngunit dahil sa isang gabing pagkalimot ay matutuklasan ni Hunter na isa pa lang birhen ang babaeng inakala niyang marumi. Si Nathalie na nga ba ang babaeng magpapabago sa pusong bato ni Hunter?

“I can fight off any whōre you sleep with, but I can never fight a child... especially when I can't even give you one.” — Liana Monteclaro. Babaero. Ganoon ko ilalarawan ang asawa kong si Lucas Valderama. Simula't sapol, alam kong ang kakambal kong si Lana ang totoong pangarap niyang dalhin sa altar. Pero sa sobrang pagmamahal ko sa kaniya, pumayag akong maging pangalawang opsyon lang niya. Tiniis ko ang gabi-gabi niyang pambababae at ang pag-ungol niya sa pangalan ng kapatid ko sa gitna ng aming pagtatalik. Nilunok ko ang lahat ng sakit at nagpakamartir ako sa loob ng dalawang taon naming buhay-magasawa. Inintindi ko siya dahil alam ko sa sarili ko na may pagkukulang din ako bilang asawa niyang babae. Baog ako. Dahil alam kong kailanman ay hindi ko maibibigay sa kaniya ang kagustuhan niyang magkaroon kami ng anak, tinanggap ko ang bawat kababuyan niya bilang kabayaran sa sarili kong pagkukulang. Pero nagbago ang lahat nang isang madaling araw, may kumatok sa pintuam ng aming bahay na isang babaeng may hawak na ultrasound result at sinabi nito sa akin na nabuntis siya ng asawa ko. Doon tuluyang nadurog ang natitira kong dignidad. Isinumpa ko ang asawa ko, nag-file ako ng annulment papers, at nilayasan ko siya. Pero bakit kung kailan pinalaya ko na siya, saka siya nagtino? At kung kailan nakahanda na akong kalimutan siya... saka naman dumating ang isang hindi inaasahang himala? Buntis na pala ako… pero wala akong balak na sabihin kay Lucas na siya ang ama.

"Why would I hand my own bride to him? Ano ako, tanga para ipamigay ang sa akin?"— Caius Salvatore --------------- Si Addison ay nakatakdang ikasal kay Lucian Aurelius para sa kapakanan ng negosyo ng kanilang pamilya. Sa kabila ng pagmamahal niya kay Lucian, natuklasan niya ang masakit na katotohanan: ang kanyang fiancé ay may relasyon sa half sister niya na si Trinity. Pinagtutulungan siya ng kanyang sakim na ina at traydor na kapatid, gamit ang kanyang amang may sakit bilang panakot. Sa gitna ng kanyang pagdurusa, ang tiyuhin ni Lucian na si Caius Salvatore ang nagsilbing kanyang tagapagligtas. Sa mismong araw ng kasal, gumawa si Caius ng isang mapangahas na hakbang sa harap ng altar sa pamamagitan ng pag-angkin kay Addison bilang kanyang sariling nobya, na nagdulot ng malaking iskandalo at pagbabago sa kapalaran ng dalaga.

"Wala akong pakialam kung sino o ano ka. Kahit na mukha ka pang lalaki kaysa sa akin, ikaw pa rin ang asawa ko, Alexis, at mahal kita." Si Alexis Mendoza, bunsong anak ng mag-asawang anim na babae ang naging supling, ay pinalaki bilang lalaki dahil sa kagustuhan ng kanyang ama na magkaroon ng anak na lalaki. Lahat ng kanyang kilos, pananamit, at laruan ay panlalaki hanggang sa siya ay nagdalaga. Ngunit nang pumanaw ang kanyang ama sa isang aksidente, nag-iwan ito ng matinding lungkot at malaking utang sa kanilang pamilya. Sa takot ng kanyang ina na makulong, napilitan itong lumapit sa isang bilyonaryo. Isang kondisyon lamang ang hinihingi nito: hanapan ng mapapangasawa ang unico hijo niyang si Theo Angelo Garcia—isang babaero at happy-go-lucky na lalaki—sa paniniwalang magbabago ito kapag nagkapamilya. Nagulantang si Alexis nang ipakilala siya kay Theo at sabihang magpakababae na dahil magpapakasal na siya sa binata. Bagama’t litong-lito at labag sa kanyang kalooban, kinailangan niyang sundin ang utos ng kanyang ina upang maiwasan nitong makulong at mabayaran ang kanilang mga utang. Ngunit paano niya matatanggap na siya, na pinalaking boyish, ay kailangang magpakasal? At ano ang mangyayari pagkatapos ng kasal kung bigla na lamang magbago ang tingin sa kanya ni Theo at ituring siyang isang napakagandang babae? May pag-asa pa kayang tumibok ang kanyang puso para sa binata?

Isang gabi bago ang kanyang kasal, nahuli ni Mylica ang lalaking pakakasalan niya na pinagtataksilan siya. Sa isang iglap, gumuho ang lahat ng pangarap niyang akala niya ay abot-kamay na. Wasak at desperadong makalimot, nagpakalunod siya sa isang mapusok na gabi kasama ang isang estranghero. Ngunit kinaumagahan, bigla itong nawala. Walang pangalan. Walang paliwanag. Isang alaala lamang na hindi niya kailanman nagawang kalimutan. At isang anak na hindi nito alam na nabuo. Makalipas ang anim na taon, muling nakaharap ni Mylica ang lalaking iyon. Si Villamor ay hindi isang ordinaryong lalaki. Makapangyarihan, malamig, at mapanganib lapitan. Ngunit determinado siyang tuklasin kung bakit tila pamilyar sa kanya si Mylica at kung bakit kamukhang-kamukha niya ang anak nito. Anim na taon nang pinoprotektahan ni Mylica ang katotohanan. Ngunit habang muling bumabalik ang damdaming pilit niyang ibinaon at unti-unting lumalapit ang mga panganib mula sa kanilang nakaraan, si Villamor lamang ang may kakayahang protektahan silang mag-ina. Habang mas lumalapit si Villamor, mas nagiging mahirap para kay Mylica na itago ang sikretong kayang baguhin ang buhay nilang lahat. Ano ang gagawin ni Villamor kapag nalaman niyang ang babaeng hindi niya kailanman nakalimutan ay palihim na pinalaki ang sarili niyang anak? Bubuuin ba sila ng katotohanan bilang isang pamilya, o tuluyan nitong sisirain ang kanilang pangalawang pagkakataon sa pag-ibig?