Contemporary-Webromane & Playboy Revenge-Geschichten

Simpleng babae na may mataas na ambisyon, ang makapagtapos ng pag-aaral at maiahon ang sarili sa kahirapan. Para kay Charline Jaya, edukasyon ang maghahatid sa kan'ya sa tagumpay upang magkaroon ng magandang kinabukasan. Subalit napilitan s'yang magbenta ng katawan upang magkaroon ng pangtustos sa pag-aaral. Alexander Vergara, isang gwapong bilyonaryo na kilala sa pagiging playboy. Paano magiging malalim ang kaugnayan nila sa isa't isa? At bakit ba tila pinaglalaruan sila ng tadhana? Dahil makalipas ang ilang taon ay muli silang pinagtagpo. Ngunit sa maling panahon at pagkakataon. Kung kelan handa nang talikuran ni Charline ang kahapon at yakapin ang bukas na kapiling ang lalakeng nagmahal at tinanggap ang buo n'yang pagkatao.

Lumaki si Alyannah Saavedra sa Amerika, malayo sa alitan ng dalawang pamilyang matagal nang nilamon ng galit. Sa buong buhay niya, iisa lang ang paulit-ulit na itinanim sa kanyang isipan ng kanyang ama— Ang mga De Vega ang sumira sa pamilya nila. Kaya nang utusan siyang magtago sa ilalim ng pangalang Nadine Buenavista at maging Executive Secretary ng tagapagmana ng De Vega Global Holdings, buong puso niyang tinanggap ang misyon. Hindi para sa sarili, kundi para sa ama na pinakamamahal niya. Ang tanging layunin niya... Makakuha ng ebidensiya — Makuha ang tiwala ng CEO, at tuluyang pabagsakin ang De Vega Group. Ngunit walang nagsabi sa kanya na ang lalaking dapat niyang bantayan ay si Ethan De Vega— Ang pinakamakapangyarihan, pinakamatalino, at pinakakinatatakutang bachelor sa bansa. Isang lalaking malamig. Dominante. Mapang-asar. At tila kayang basahin ang bawat kasinungalingang nakatago sa mga mata ng isang tao. Habang unti-unting nahuhulog ang loob ni Alyannah sa lalaking itinuring niyang kaaway... Unti-unti ring nababasag ang mundong matagal niyang pinaniwalaan. Dahil may mga katotohanang mas mapanganib kaysa sa kasinungalingan. May mga lihim na mas mabigat kaysa paghihiganti. At may mga taong handang isakripisyo kahit ang sariling pamilya, alang-alang sa kasakiman. Paano kung ang taong buong buhay niyang ipinaglalaban... ...ang siya palang tunay na sumisira sa lahat? Paano kung ang lalaking isinumpa niyang kaaway... ...ang unang taong tunay na mag proprotekta sa kanya? At paano kung ang misyon na ipinagkatiwala sa kanya ay isa lamang piyesa sa isang larong matagal nang nakaplano? Sa digmaan ng dalawang pamilyang nilamon ng poot, may pag-ibig pa bang kayang maghilom ng sugat ng nakaraan? O mapapatunayan nilang... ang pinakamapanganib na haplos ay hindi nagmumula sa isang kaaway... ...kundi sa katotohanang matagal nang ikinubli ng taong pinakamamahal mo.