Novel & Cerita Typhoon Mike

Bahagyang hinipo ni Mike ang tiyan ni Tiny na lalong nakapag-palakas ng iyak nito. Nagsuot si Mike ng mahahabang gloves at nilagyan nito iyon ng maraming lubricant, saka nito pinasok sa pwerta ng inahin. Napa-lakas ang iyak ng inahin ng dahil sa ginawa nito. “Wala po sa ayos ang pwesto ng mga biik kaya nahihirapan siyang ilabas. Isa pa masyado ng mataba ang lagusan ni Tiny na lalo pong nakakapag-pahirap sa kanyang panganganak,” saad ni Mike. Hindi man lang ito tumitingin sa direksyon nila. Concentrated ito sa ginagawang pag-kapa sa loob ng tiyan ni Tiny.

"Bakit nakalimutan mo na ba? Pumunta tayo sa condo kahapon, hanggang gabi tayo roon. Nag-movie marathon tayo tapos ipinagluto kita ng mga paborito mong pagkain. Ang bilis mo namang makalimot, noong isang araw ka pa weird. Ano ba ang nangyayari sa'yo ha, honey?" Hindi nakaimik si Blaine, kinilabutan siya sa sinabi ng kaniyang asawa. Dalawang araw mahigit siyang nawala, sino ang kasama ni Mikaela nang mga panahon na wala siya? Ang mga tao sa bahay nila, parang hindi alam na ilang araw siyang hindi umuwi. Hindi rin biro ang pinagdaanan nila sa isla, napakalakas ng bagyo noon at malakas ang hampas ng alon sa dagat. Maraming natumbang puno, nasirang mga pananim at nagibang mga bahay.