Chapter 10

Napalunok siya at pinagmasdan ang dalawa. Natuon ang mata niya sa babae. Ang layo ng agwat nila ng babaeng kasama ni Hidan. Nakaakbay si Hidan sa babae habang parehong nakaupo sa couch ang dalawa at ini-enjoy ang pag-inom ng wine. Para itong mga bagong kasal na naglalambingan doon. Sino nga bang hindi magdududa sa relasyon ng dalawa kung ganitong senaryo ang makikita niya?

Kaya bakit kailangan pa siya nitong pakasalan kung may nobya na ito? Iyon ang hindi niya maintindihan. Nahihiya siya sa parte kung saan naging hadlang siya sa relasyon ng dalawa. Ngayon nandito ang babae ay parang ayaw niya na itong tingnan sa mata.

Agad siyang nagtungo sa hagdan para umakyat. Hindi niya na gagambalain ang dalawa. Pakiramdam niya'y wala siyang karapatan para gawin iyon.

Hindi siya makatulog. Pasaglit-saglit siyang napapaisip sa dalawang nasa baba. Naalala niya kung papaano akbayan ni Hidan ang babae. Kung papaano magtawanan ang dalawa na parang may mga sarili itong mundo.

12 na ng hating gabi. Kays