Kabanata 14

Hindi niya na matingnan ngayon si Hidan. Tapos nitong maabutan siya sa loob ng clinic, hindi niya na alam kung anong iaakto.

“K-Kakain ako pagkatapos nito.” basag niya sa katahimikan.

Nasa sasakyan na silang pareho. Habang hawak ni Hidan ang fetus picture.

“Diyan! Ibaba mo na lang ako diyan. Diyan ako kakain!” agad niyang tinuro ang fast food na nadaan.

Kunyari, kakain lang siya. Pero ang totoo ay tatakasan niya lang si Hidan. Kahit pa sabihin niyang hindi siya handang aminin kay Hidan ang lahat ay alam niyang hindi siya makakatakas ngayon.

Huminto ang sasakyan. Pero nagulat siya nang makitang bumaba rin si Hidan.

“Saan ka pupunta?” gulat na tanong niya.

Kumunot ang noo nito. “Sasamahan ka sa loob.”

Napanganga siya. “Wala kang ibang gagawin?”

Bumaling ito sa kaniya gamit ang seryosong tingin. Napalunok siya at agad kinabahan.

Alanganin siyang nagbitiw ng tawa. “Kasi ano-”

“Let's go.” putol nito sa sasabihin niya.

Problemadong sinundan niya ng tingin si Hidan. Hindi niya alam kung papa