Kabanata 13

Bumaba si Serrie sa sasakyan at napatingin sa sasakyan sa malayo. Ngumiti siya doon at tumango. Kahit distansiya siya sa sasakyan ni Sandro ay alam niyang nakita nito ang pagtango niya.

Saka lang umalis si Sandro sa kinapaparadahan nito nang makitang nakapasok na siya.

Pagkapasok niya ay naalala niyang wala na nga pala siyang refrigerator. May bitbit pa man din siyang grapes.

Naalala niyang may refrigerator sa baba, sa kusina. Doon niya na lang ilalagay ang grapes na dala. Nagpapasalamat siyang tahimik ang buong bahay pagkapasok niya.

Hinugasan niya muna ang prutas bago niya inilagay sa plato at binuksan niya ang refrigerator. Napanganga siya nang makitang fresh milk, can beer at kung anu-anong inumin lang ang laman ng refrigerator.

“Saan kaya siya kumakain kung gano'n?” napaisip siya.

“What are you doing?”

Muntik na siyang mapatalon sa gulat nang marinig ang boses ni Hidan sa likuran niya.

”Ah, h-hi!” ngumiti siya kahit kinakabahan.

Tumingin si Hidan sa refrigerator at sa kaniya.

“W