Kabanata 8

Kinakabahan ako habang papasok ako sa condo kung saan narito ang aking condo unit. Baka kasi hindi ako papasukin ng guard dahil hindi naman ako nakatira rito, I mean, si Feelin pala. Mas mahigpit ang guard ng condo ko kaysa sa tinitirahang condo ni Ted. Sabagay, mas mahal kasi ang condo na tinitirahan ko kaysa kay Ted kaya siguro ganoon.

Abot-abot ang dasal ko na sanay ay hindi ako mapansin ng guard lalo pa at may mga kinakausap itong customers. Kapag sinita niya ako at hindi pinapasok ay tiyak na sa isang mumurahing apartelle ako ngayon matutulog. Mabuti na lamang at hindi ko kinalimutang dalhin ang pera na pinagbentahan ko ng wedding ring ni Feelin. Sorry na lang Feelin at ibinenta ko ang wedding ring mo. Gipit lang talaga ako at saka ikaw lang naman ang nagpapahalaga sa pagsasama ninyong dalawa. Ganoon talaga siguro kapag pinikot mo lang ang asawa mo.

"Sandali lang, Miss!" malakas n