Chapter 6

Chapter 6

"Bitawan mo siya." Ibinaling ni Bastian ang tingin niya kay Kaia na takot na takot sa paanan niya.

Ang palad ni Kaia ay mukhang nasugatan ng basag na salamin, kaya may bakas ng dugo sa pantalon ni Bastian.

"Bastian, pakiusap... ilayo mo ako rito, kahit ano pa ang gawin mo sa akin, basta maalis ako rito..."

Hindi sigurado si Kaia kung tutulungan siya ni Bastian. Pakiramdam niya nga, wala na siyang mukhang maihaharap para humingi ng tulong.

Pero ayaw pa niyang mamatay at ayaw din niyang mapahiya nang ganun. Wala na siyang ibang magagawa kundi lakasan ang loob niya para humingi ng tulong sa dating asawa.

Tinakpan ni Menard ang duguang likod ng ulo niya at mabilis na lumapit kay Kaia, "Nasaktan mo ako tapos gusto mong tumakas? Kahit sino pa ang dumating, hindi ka niya maililigtas."

"Bastian..."

Mabilis na nagtago si Kaia sa likod ni Bastian at mahigpit na niyakap ang mga binti nito.

Tahimik lang si Bastian, mariing nakalapat ang mga labi niya habang ang kalahati ng mukha niya ay natatakpan ng dilim. Kahit ang mga pinakamalapit sa kanya, hindi kayang basahin ang nararamdaman niya.

"Mr. Alejo? Pwede bang tumabi ka?" Akala ni Menard na aalis na si Bastian matapos kunin ang cellphone, pero nang hindi ito gumalaw, napilitan siyang magsalita sa mahinahong tono.

"Anong gagawin mo kung hindi ako umalis?" Ngumiti si Bastian, pero malamig at nakakatakot ang ngiting iyon.

"Anong ibig mong sabihin?" Nagulat si Menard at tiningnan si Bastian nang may duda.

Matagal na ang koneksyon ng Steels at Alejo Corp. kaya hindi niya maisip na sisirain ni Bastian ang samahan nila para lang sa isang babae.

Hindi agad sumagot si Bastian. Sa halip, tinanong niya si Kaia na nakakapit pa rin sa kanya, "Kaya mo pa bang tumayo?"

"Oo."

Hindi alam ni Kaia kung bakit, pero tumango pa rin siya at pinilit tumayo kahit nanghihina ang mga binti niya.

"Paano ka niya trinato?" tanong ulit ni Bastian.

"Nilagyan niya ako ng gamot... Bastian, ilayo mo ako."

Hindi na inisip ni Kaia na humingi pa ng hustisya kay Bastian. Kahit hindi siya sanay sa mga usaping negosyo, alam niyang kung mauuwi sa gulo ang lahat, pareho lang silang mawawalan.

"Mr. Alejo, ako ang unang nagkagusto sa babaeng 'yan." Sabay harap ni Menard at nagsalita nang direkta.

Hindi siya pinansin ni Bastian at tinutukan pa rin ng tingin si Kaia, "Hinawakan ka ba niya?"

Umiling si Kaia, may luha sa mga mata at paos na nagsalita, "Bastian, ilayo mo ako. Kahit ano ang gusto mong ipagawa sa akin, gagawin ko."

"Kahit ano?" Inulit ni Bastian ang sinabi niya at biglang ngumiti pero hindi ito umabot sa mata niya at sa paningin ng iba, nakakatakot ang ngiting iyon.

"Mr. Alejo? Sigurado ka bang kukunin mo talaga ang babae ko?" galit na tanong ni Menard.

Kung hindi lang siya niloko ni Kaia, baka pinabayaan na lang niya. Pero pangalawang beses na itong kumawala sa kanya kaya hindi na niya kayang palampasin.

Hinablot ni Bastian ang necktie ni Menard at mariing sinabi, "Sasabihin ko lang ito isang beses… hindi siya sa ‘yo."

"Mr. Alejo, siya ang unang nanakit sa 'kin, may karapatan akong gantihan siya!"

Napuno ng inis si Menard at sinenyasan ng mata sa mga bodyguard niya para umatake.

Mahigpit na kumapit si Kaia sa laylayan ng damit ni Bastian, iniwasan ang mga bodyguard, pero dahil sa pagod, bigla siyang nahilo at nawalan ng malay sa mga bisig ni Bastian.

"Kaia?!"

Mabilis siyang sinalo ni Bastian at binuhat.

"Mr. Alejo, bitawan mo siya. Kailangang pagbayaran niya ang ginawa niya!"

"Subukan niyo lang siyang hawakan."

Biglang lumamig ang boses ni Bastian habang matalim ang tingin kay Menard. "Sa akin na siya. Kung sino mang humawak sa kanya, makakalaban ako."

"Sa 'yo?"

Hindi makapaniwala si Menard at nagbanta pa, "Mr. Alejo, may sugat ang ulo ko dahil sa kanya! Hindi siya palalagpasin ng tatay ko!"

Hindi na siya pinansin ni Bastian at malamig na tinanong, "Nilagyan mo ba siya ng Aphrodisiact?"

"Oo, e ano ngayon?"

"Kung ganun, dapat ka lang talagang mamatay." Dumilim ang mukha ni Bastian at sinipa si Menard sa tiyan.

"Aahhh…!"

Napaluhod si Menard sa sakit at napatingin kay Bastian, hindi makapaniwala.

"Bugbugin siya. Don’t show any mercy," utos ni Bastian. Agad sumugod ang mga bodyguard niya.

Nakita ni Menard na hindi maganda ang sitwasyon at pilit na nakipag-ayos, "Mr. Alejo, bakit mo ginagawa 'to? Isa lang naman siyang babae..."

"Pinilit mo ba siya o nagkusa siya?" malamig na banta ni Bastian. "Isa pa, kung gagalawin mo pa ulit siya, papatayin kita."

"Mr. Alejo, seryoso ka ba sa bagay na 'to?"

Hindi pa rin makapaniwala si Menard. Para sa kanya, parang nababaliw na si Bastian para sa isang babae.

Dumating ang assistant ni Menard at bumulong sa kanya, "Mr. Gonzales, nalaman ko na. Bago pa man makuha ng Aguilar family si Mr. Alejo, ikinasal siya sandali kay Kaia Quintos. Iniwan siya ng babae matapos siyang pagtaksilan. Ex-Wife niya si Kaia Melinah Quintos!"

"Ex-wife?" Nagulat si Menard at lalo pang hindi makapaniwala.

Napasimangot siya at sumigaw kay Bastian, "Mr. Alejo, niloko ka na pala ng babaeng 'yan! Bakit mo pa siya pinoprotektahan?"

"Sa akin pa rin siya. Kahit nakaraan na 'yon, hindi siya basta pwedeng hawakan ng iba."

Hindi na si Menard pinatulan ni Bastian. Binuhat niya si Kaia at umalis sa Marquis Club.

*

Pagkagising ni Kaia, madilim ang buong paligid. Tanging isang upos ng sigarilyo ang maaninag sa di-kalayuan.

"Gising ka na?"

Pinatay ni Bastian ang sigarilyo, tumayo at lumapit sa kama.

"Mr. Alejo..."

Pinilit ni Kaia bumangon. Hindi niya alam kung gaano siya katagal nawalan ng malay, pero ramdam niya na hindi pa rin naaalis ang epekto ng gamot sa katawan niya.

Malamig ang aircon sa kwarto, pero para siyang nilalagnat sa init.

"You owe me your life. Paano mo babayaran 'yon?"

"Ako... pwede ko pong ipagtimpla ka ng tsaa, maglaba, magluto para sa ‘yo..." mahinang sagot ni Kaia habang kinakabahan.

"Ganun lang?"

Napangisi si Bastian, "Matanda na tayo para sa ganyang usapan. Kanina, hindi ba ang ibig mong sabihin, kahit ano pwede kong gawin sayo?"

May pinahihiwatig ba si Bastian sa kanya? 

"Hindi ba may fiancée ka na? Hindi tayo bagay."

Mabilis na nagtago si Kaia sa kumot, pero hindi siya pinaligtas ni Bastian.

Hinila niya pababa ang kumot na nakataklob kay Kaia at malamig na nakatingin sa kanya, "Kaia, hindi ka inosente. Aren't you seducing me?"

"H-Hindi ko ginawa 'yon!"

Umiling si Kaia. Kahit kinakabahan siya, pinilit niyang kumalma. Alam niya na kung gagawin man siya ni Bastian, hindi 'yon dahil mahal pa rin siya nito. Sa puso nito, patay na siya. Alam din niya na niligtas lang siya ni Bastian dahil hindi niya matiis ang makitang inaapi ang babae.

"Mr. Alejo, salamat po sa pagligtas sa akin. Kung hindi dahil sa 'yo..." Hindi alam ni Kaia kung paano tatapusin ang sasabihin niya, pero gusto pa rin niyang magpasalamat.

Salamat sa pagpikit niya sa mga nakaraan at pagligtas sa kanya. Salamat dahil hindi siya nito pinabayaan sa oras na kailangan niya ng tulong.

"Sino ba ang may kailangan ng pasasalamat mo?"

Malamig na humalukipkip si Bastian at biglang lumapit sa kama, lumuhod sa gilid nito at itinulak siya pahiga sa kama.

***