3

Hawak ko ang isang mug ng mainit na kape habang bored akong nakatingin sa labas ng coffee shop nang makatanggap ako ng isang tawag mula sa hindi kilalang numero, "Hello? Who is this?"

"This is Zack Fuentes, the owner of Z Fashion Company. Are you Isabella Rivera?" Napa-upo ako ng maayos ng marinig ko ang pangalan ng tumawag sa'kin.

Totoo ba ito? Si Zack Fuentes ng Z Fashion Company ang kausap ko ngayon? Ang sikat na si Zack Fuentes na may-ari ng sikat na kompanya na dinudumog ng mga gustong sumikat na modelo? Omygosh!

"Yes, Sir. I'm Isabella Rivera. Bakit po?" Tanong ko at pinilit na hindi ipahalata ang labis na pagkatuwa ko sa pagtawag niya.

"Mr. Mendez recommend you to me na pumalit sa isa sa mga modelo ko dahil nagkasakit ito. Pwede ka ba mamaya?" Tanong niyang muli.

"Yes, Sir. Saan po ba at anong oras?" Mabilis na sagot ko dito at hindi mapigilang ngumiti ng malawak.

"Here in Z Tower at 5 pm."

"Okay po. Makakarating po ako sa oras." Excited na sabi ko at tumango-tango pa.

"Kami na rin ang bahala sa make-up at mga damit mo kaya don't worry. We will wait for you later. I need to hang up now. Bye." Sabi nito at pinatay na ang tawag.

Wala sa sariling napahiyaw ako ng malakas dahil sa labis na tuwa at agad na napatakip ng bibig dahil napatingin sa'kin ang lahat ng tao. Ito na ata ang chance ko upang makilala bilang modelo dahil sa pagkuha sa'kin ng Z Fashion Company. This is my biggest dream ang maging parte ng Z Fashion.

"Kahit kailan ang ingay mo talaga." Nilingon ko naman kung sino ang nagsalita at nakita ko ang pinsan kong si Aurelia.

"Himala! Nandito ka?" Hindi makapaniwalang sabi ko sa kanya dahil sa pagkakaalam ko ay may OJT siya ngayong araw.

"Wala kaming pasok, eh." Sabi niya at sumimsim sa kapeng hawak niya.

"Pupunta pala ako mamaya sa Z fashion Company. Kinuha nila ako bilang model," masayang sabi ko sa kanya habang nag-iiscroll sa cellphone ko.

"Wow! Good for you basta huwag mong pababayaan ang pag-aaral mo. Okay?" Sabi niya at tumingin sa'kin ng nakangiti.

"Siyempre naman. Ako pa ba, ate?"

Simula ng mamatay ang mga magulang ko ay sa kanila na ako nakatira. Tinuring nila ako na parang tunay na anak at si Aurelia ay tinuring akong parang totoong kapatid. Malaki ang pasasalamat ko sa kanila dahil hindi ako masyadong nakaramdam ng pangungulila sa aking mga magulang.

"May date kayo?" Tanong ko sa kanya ng makita ko si Jayson na naglalakad papasok sa loob ng coffee shop. Nakahood ito habang naka-sunglasses at kumaway ng bahagya ng makita akong nakatingin sa kanya.

"Huh? Anong pinagsasabi mo?" Tanong niya ng kunot-noo at bumalatay ang pagtataka sa mukha ng pinsan ko.

"Si Jayson kasi andyan." Sabi ko at ngumuso sa likuran niya. Agad naman siyang lumingon sa likuran niya.

"Hi, Girls," sabi ni Jayson pagkalapit kay Aurelia at hinalikan siya sa kanyang pisnge.

"Edi kayo na magjowa," Sabi ko ng napapa-irap at nagpalumbaba.

"Maghanap ka na kasi..." Natatawang sabi ni Aurelia at sinamaan ko lang siya ng tingin.

"Alam mo namang bawal pa sabi ni Tito," sabi ko at nginusuan siya saka bumulong ng mahina, "tsaka hindi pa nga ako napapalapit sa lalaking gusto ko."

"By the way, kamusta naman ang honeymoon ni Claire at Ysrael sa Japan?" Tanong ko upang maiba naman ang usapan.

"I don't know. Hindi naman tumatawag si Yuri sa'min at mas lalong hindi namin siya tinatawagan dahil ayaw naming maka-istorbo sa kanila." Sagot ni Jayson sa'kin.

Kung hindi lang siguro ito boyfriend ng pinsan ko ay kanina ko pa ito niyakap. Gosh! Ang gwapo kaya niya. Sobra talaga akong nagulat nang malaman kong boyfriend ni Aurelia si Jayson. Biruin mo ang swerte niya. Isang sikat na photographer si Jayson at kilala ito sa buong bansa kung kaya ay maraming kumukuha dito para maging photographer nila. Higit sa lahat puro babae ang halos nanliligaw sa kanya. He's one of the most influential photographer here in the Philippines tapos na inlove sa pinsan ko?

Ano kayang gayuma ang ginamit nito kay Jayson? Waah! Tapos si Claire naman ay kinasal kay Ysrael last week. Ang asawa lang naman ni Claire ay isa sa mga sikat na singer dito sa Pilipinas. Mapapa-sana all ka nalang talaga. Siguro no'ng magpaulan ng ka-swertehan ay nakipagsiksikan ang dalawang ito bitbit ang malaking drum. Ang swerte ko na rin pala dahil sa pagiging modelo ko ay nakakasama ko ang ibang artista.

"Are you okay?" Tanong ni Jayson sa'kin na ikinakunot ng noo ko.

"Huh? Bakit?" Nagtatakang tanong ko sa kanya dahil ayos lang naman ako.

"Kanina ka pa kasi tulala d'yan at puno na ng asukal iyang kape mo. Ano lutang lang?" Natatawang sabi ni Aurelia at napatingin naman ako sa kape ko na naging arnibal na sa dami ng asukal.

"Hehehe... Kinakabahan kasi ako para mamaya, eh. Biruin mo si Zack Fuentes ang tumawag sa'kin. Ang owner ng Z Fashion Company ang mismong nakausap ko." Hindi makapaniwalang saad ko sa kanila.

"Really? Bakit ka niya tinawagan?" Curious na tanong ni Jayson sa'kin at inakbayan niya si Ren.

"Kinukuha siyang model kapalit no'ng nagkasakit, Wangja." Nakangiting sabi ni Aurelia sa kanya.

"Yup, kinukuha niya akong model. Owemji kahit na hindi pangmatagalan iyon ay ayos lang basta maging parte ako ng Z Fashion." Masayang sabi ko at sinenyasan ang waiter para umorder ng panibagong kape.

"Oh, nice! Model ka pala? Baka sa susunod ay ako na ang maging photographer mo niyan." Sabi ni Jayson kung kaya ay napalingon ako sa kanya.

"Talaga? Ayaw mo no’n may dyosang maliligaw sa camera mo," biro ko sa kanya na ikinatawa naming dalawa.

"Nandoon din pala ako mamaya. May photoshoot kasi sila Justin, Brian at Ysrael ngayong araw doon." Sabi niya at hinalo ang kapeng hawak niya. Lihim naman akong napangiti sa sinabi niya.

"Aurelia, una na ako sa inyo. Uuwi na muna ako ng makapag-ayos na. Magdate nalang muna kayo ni Jayson dyan, Bye!" Sabi ko sa kanila saka nagmamadaling umalis.

"Ingat ka." Narinig ko pang sinabi ni Aurelia bago ako tuluyang makalayo sa kanila.

-