Along Pangasinan (tagalog version)

"I nominate Joycelyn Lopez as a muse." Aniya ng isa sa mga kaklase ko.Agad akong napayukod ng marinig ko ang hagikhikan ng mga kaklase ko. Ang aming guro, halos walang pakielam o nakikitawa lamang sa mga nangyayari sa silid. Ang nominadong presidente ay abala sa pagsusulat ng pangalan ng manonominadong muse sa klase."Wala na ba?" Inosenteng tanong ng presidente habang patuloy pa rin sa hagikhikan ang mga kaklase ko."Wala na, may papalag pa ba sa ganda ni Joyce? Close niyo na." Sabat ng kaklase ko.Hanggang sa matapos ang botohan ay patuloy pa rin maghagikan ng mga kaklase ko, hindi na ako umimik dahil maiinis lang ako at maiiyak dahil wala akong magawa para ihulma ang utak nilang baluktot. Sa huli napabuntong hininga na lamang ako.

Pagkatapos mabili lahat ng paninda namin ni Dave ay umuwi na kami ng bahay kasama si Tyra, tuwang-tuwa si mama ng maubus lahat ng paninda. Akala ko nga ay nagbibiro lang iyon si Dave, mahilig pa naman magbiro ang taong yon. "Boyfriend mo ba yun, Joy?" Tanong ni Tyra dahilan para mabulunan ako sa iniinom kong softdrinks. Nang maayos na ang aking pakiramdam ay sinamaan ko siya ng tingin. "Siraulo, hindi ko yun boyfriend." Sabi ko, tumaas ang kilay niya senyales na hindi siya naniniwala sa sinasabi ko. "Oo nga, sa gwapo non. Papatol yun sa akin?" "Malay mo naman gusto ka niya--" "Ewan ko sa'yo, lahat nalang ng bagay ginagawan mo ng issue." Reklamo ko, humahalkhak siya.

"Sure ka ba talagang wala kang gustong ipabili?" Tanong niya. Umiling ako, medyo nakakahiya dahil ngayong taon lang naman kami nagkalapit. Siya at si Syrien lang ang madalas konv nakakausap sa school. "Wala eh. Siguro tubig sa ibang bansa na lang." Natawa ako sa kalokohan. Kumunot ang noo niya, nagtataka sa sinasabi ko.  "Hindi ba nakakaputi ang mga tubig d'on." "Okay naman na ang balat mo, bagay sa'yo." Ngumuso ako. Hindi sumasang-ayon sa sinabi niya. Hindi ko talaga ang gusto ang kulay ng balat ko dahil nagmumukhang madumi ako kahit naman naglinis ako. "Para akong mukhang madumi." Sabi ko habang tinitignan ang kulay ng balat sa braso. "Parang hindi naman." Komento niya.

Ngumiti ako, ramdam ko ang init ng pisngi ko dahil sa kahihiyang naramdaman ko. Hindi malaman kung anong sasabihin ko.Sa kabutihang palad, pinahiram ako ni Tyra ng ilan sa kanyang make up, upang maayos ko ang aking sarili. Madalas ko siyang pinapanood sa aming bahay na naglalagay ng make up sa kaniyang mukha kaya kahit papaano alam ko kung paano ko ito gagawin."Kinakabahan ka ba?" Pang-aasar niya, hinigpitan ko ang hawak sa kamay niya."It’s my first time." Nahihiya kung sabi. "Ikaw din, ang gwapo mo. Mas mukhang tao ka." Pang-aasar ko din, namula siya.Nakasuot siya ng isang pulang blazer na may puting longsleeve sa ilalim at red necktie, at ipinares sa pulang slacks. Siya lang ang nakasuot ng ibang kulay ng tuxedo kaya maraming tao ang tumitingin sa aming lugar."Wew." He commented. Iniwas ko ang aking mga mata sa kanya, ito ang aking kauna-unahang pagkakataon na isang lalaki na kaibigan ang pinuri ako. Bukod kay Tyra at sa pamilya ko. Pinaparamdam nito sa akin na magkaroon ng k

Agad ko siyang hinila ng makapunta ako sa kaniya, mabuti na lang at hindi malala ang natamo niya dahil baka hindi na siya makapasok kinabukasan. Dumating sa pwesto namin ang guro at pinagsabihan sila Dave, kinabahan ako sa sitwasyon niya dahil baka papuntahin siya sa guidance councilor at hindi siya makagraduate dahil sa insidente. "Ayos ka lang? Bakit ka pa kasi nakikipag-away?" Pangaral ko, hindi siya tumingin s akin at abala lamang siya sa pagpunas ng kaniyang labi. "Masyado kang nagmamatapang! Alam mo naman na ga-graduate na tayo next month, kailangan na'tin ng good moral para magsenior highschool." Naiinis kong sabi sa kaniya, ngunit parang hindi niya manlang iyon isinasaulo. "Ayos ka lang ba? Malakas rin iyong hampas ng bola. Hindi ba naalog ang utak mo ng kaunti? Baka hindi ka na maging magaling sa math niyan!" Pagbibiro niya, hinampas ko siya sa braso dahilan para masaktan siya. "Ewan ko sa'yo." Inis na sambit ko, ngunit kahit man naiinis ay hi