Chapter 7

Yñigo

HINDI KO ALAM kung para saan at para kanino ang ngitngit na nararamdaman ko. Nagsimula ito kanina ng mabasa ko ang pakikipag palitan ng chat ni Amira sa kaibigan nyang bakla daw. Hindi ko rin alam kung bakit bigla akong nakaramdam ng inis at poot. Kagaya rin nung may lalaking gustong magpa picture sa kanya kanina, naiinis ako na may ibang lalaking lumalapit sa kanya.

Bumuntong hininga ako.

Hindi maganda to.

Simula ng una ko syang makita sa bukid ay madalas na syang sumagi sa isip ko. Akala ko namiss ko lang sya bilang ang batang kinagiliwan ko nun. Pero nitong mga nakaraang araw nagdududa na ako sa sarili ko. Hindi normal na halos araw araw ay laman ng isip ko ang isang partikular na tao.. lalo na babae. At anak pa ni Mang Carlitos.

Binagsak ko ang likod sa sofa at sinandal ang ulo at pumikit. Parang pinag lalaruan naman ako ng aking isip at mukha pa rin nya ang nakikita ko. Bumalik sa aking alaala ang itsura nya kanina na bagong ligo at may nakapulupot pang tuwalya sa ulo.