Chapter 12

Nagdisisyon si Axis na maglaba ngayong araw sapagkat marami na siyang labahin. Hindi niya iyon nalabhan noong isang linggo kaya ito at puno na ang hamper niya. Idagdag pa ang mga pinagpalitan ni Abigail. Mabuti na lamang at may washing machine siyang nabili noong nakaraan na ginagamit niya sa paglalaba. Mas madali na sa kaniya ito at hindi na niya kailangan na kuskusin pa ang mga lalabhan niya. Lalo na kapag pagod siya galing sa bukid ay hindi na siya mahihirapan.

Binanlawan niya ang mga natapos nang masabon at nilagay sa spinner pagkatapos ay hinintay na matapos iyon. Pagkatapos ay nilagay niya sa laundry basket ay binitbit niya iyon at pumunta sa bakuran. May sampayan doon kaya dito niya sinampay ang mga nalabhan niya. Mataas na ang sikat ng araw kaya baka mamayang hapon ay tuyo na ang mga ito at puwede na niyang tupihin at ilagay sa cabinet.

Nang kunin niya ang isang panloob at isinampay ay nakarinig siya ng malakas na singhap. Agad na nilinga niya si Abigail na nakaupo sa bangkito