Kabanata 29 (Ikalawang Parte)

“Mama, baka po may pagkain na po tayo. Ang sakit-sakit na po kasi ng tiyan ko. Kagabi pa po ako hindi kumakain,” tanong ko kay mama habang haplos-haplos ang tiyan kong humihilab.

Tumungga siya sa bote ng alak na iniinom at saka ako sinamaan ng tingin. Dinuro niya pa ako. “Lumakad ka sa labas! Maghanap ka ng makakain sa basurahan!” galit na utos niya at saka muling bumalik sa pagsusugal.

Pinagtinginan ako ng mga kasama niya sa sugalan.

“Pakainin mo na iyong bata, Lourdes. Nakakaawa naman,” komento ng isang babae na kasama niya sa mesa.

“Oo nga Lourdes. Tingnan mo oh. Namimilipit na sa sakit ng tiyan si Stavros,” ani pa ng isa.

Narindi si mama sa kaniyang narinig kaya wala siyang nagawa kundi ang umalis sa sugalan.

“Halika nga ritong bata ka!” Piningot niya ang aking tainga at saka ako hinila pauwi sa