Thirteen : Pinagtagpo

YZZA’s POV

Isang dim pad light lang ang tanging nagtatanglaw sa malawak na pathway papuntang pool. Malabo naman akong maliligaw dahil bukod sa saulado ko na ang lugar ay ilang beses din akong nagagawi roon. Sa katunayan, isa ako sa mg tumutulong kay Nana Isang na siyang naka-assign sa paglilinis at pagmintina ng pool.

Tanging repleksiyon na lamang ng naturang liwanag sa pathway ang nagbibigay paningin sa malawak at tahimik na pool. Lumapit pa ako upang mapagmasdan pang lalo ang paligid nito. Nakakatukso ang kulay at kapayapaan ng tubig. Alam ko ding masarap maglunoy sa nag-aanyayang lamig nito. Sandali akong naupo sa gilid at dinama ang tubig sa pamamagitan ng paglublob ng palad ko.

Napakislot ako ng maramdaman ang lamig ng tubig na mabilis na kumalat sa buong sistema ng katawan ko. Kahit sobra ang lamig nito ay parang gusto ko pa ding magbabad. Nasuot lamang ako ng puting duster ng gabing iyon at isang manipis na pajama na kulay puti.

Maingat na hinubad ko ang mga iyon sa katawan