Chapter 20

XX

INIP na tinitigan ni Davin ang suot-suot niyang relo. Mag-aalas nuwebe na ng gabi at wala pa rin ang taong hinihintay niya.

Napabuga siya ng hangin at tumayo tyaka ibinulsa ang isang kamay at sumimsim ng alak mula sa kaniyang baso. Pang apat na gabi na niyang nag-aantay rito sa club simula ng gabing magkita sila ni Faye, pero ni anino nito ngayon ay hindi niya makita.

Paulit-ulit niyang kinukulit ang manager nito na nagpakilalang si Emma pero ayaw nitong magsalita. Hindi rin daw nito sigurado kung pupunta ba roon si Faye dahil ayaw naman daw nitong sagutin ang mga tawag niya. Hindi niya masigurado kung nagsisinungaling ito o kung pinagtatakpan lamang ito pero bakit sana niya ito pagtatakpan? At bakit mukhang nagtago na ang babaeng iyon simula ng gabing iyon? Ano ang dahilan?

Napakalaking tanong iyon ngayon sa isip niya. Bakit?

Nahila siya ng kaniyang pag-iisip ng mag-ring ang cellphone niya. Walang-gana niya itong sinagot na hindi manlang nag-abalang tingnan kung sino ang tumataw