CHAPTER 33 "TEARDROPS IN THE RAIN"

AGAD na nagsalubong ang mga kilay ni Jason nang nasa gate pa lamang siya ay nakita niyang bukas ang malaking pinto sa harapan ng kanilang bahay. Hindi rin niya alam kung saan nanggaling ang matinding takot at malakas na kabog sa kaniyang dibdib na bigla niyang naramdaman.

Kanina bago siya lumabas para bumili ng meryenda ay tiniyak niyang nakakandado iyon. Nasa kaniya pa nga ang susi. Ayaw niyang isipin na pinasok ng kung sinong masaman loob ang bahay nila habang nasa kwarto at natutulog ang kaniyang nobyo.

Noon malalaki ang mga hakbang niyang binagtas ang batuhang pathway matapos niyang wala sa loob na inihagis pasara ang gate na lumikha naman ng malakas na ingay.

"Jenny? Jen?" nasa entrada pa lamang siya ng kabahayan ay iyon na ang magkakasunod at naging malakas na pagtawag niya sa pangalan ng nobya.

Nang walang sumagot ay patakbo niyang tinungo ang silid kung saan niya ito iniwan na natutulog