5

Pagkatapos namin mag-dramahan kagabi, inasikaso ko na kaagad ang requirements ko para maghanap na mamaya pagkatapos ng klase ko. Sakto naman kasi, nagtanong ako sa anak ng kapitbahay namin kung ano-ano ang mga requirements kapag maghahanap ng trabaho. More on experience daw pero wala pa naman akong experience at hindi pa nakapagtapos sa college, high school lang. Kaya iyong resume na lang ang hinanda ko at ibang documents pa na kailangan, tulad ng PSA birth certificate at iyong schedule at load ko sa school ko.

"Mauna na lang kayong umuwi mamaya ah, maghahanap pa ako ng trabaho," saad ko sa kanilang dalawa nang makarating kami sa university.

"Bawal ba kaming sumama?" tanong naman ni Shianna. Ano naman ang gagawin niya kung sasama siya sa akin.

"Hindi ako sasama, marami na agad akong pag-aralan pag-uwi ko sa bahay." Tumango ako kay Shiama at saka bumaling ulit kay Shianna na nakanguso na.

"Samahan mo na lang si Shiama mag-aral, magpapaturo ka pa sa kanya 'di ba? Hindi mo yata naintindihan ang mga sinasabi niya kagabi sa 'yo habang nag-aaral kayo." Ngumisi ako sa kanya at saka sila hinawakan sa magkabilang braso.

"Tara na, baka mahuli pa tayo."

Nang makarating ako sa classroom namin, kaagad ko nang inilibas ang notebook ko para sa unang lesson namin ngayon. Unang subject ay Math na kaagad, hindi ko alam kung bakit may math ang course ko. It was Mathematics of the Modern World. Bobo pa naman ako sa Math, si Shianna lang ang magaling sa numbers at si Shiama. Pakiramdam ko talaga ganda lang ang ambag ko sa mga kapatid ko. But hey, hindi naman yata magagamit ang math sa pagkuha ng litrato eh o sa pag-film, ano naman ang gagawin ko sa kanila? Pangkwenta lang ng pera ang numero. Nakakaloka, bobo talaga ako sa math sis!

At kahit kaunti lang ang naiintindihan ko sa diniscuss ni Miss. Amy sinusulat ko pa rin. Kapag siguro si Shiama ang pinapa-discuss ko, maiintindihan ko ito.

"Okay, for next week assignments. Sagutan niyo ito lahat." Nagsulat siya ng problem sa white board, unang araw pa lang ng subject niya assignment agad.

Pagkatapos niyang magsulat, nagpaalam na kaagad siya at sumunod namang pumasok ang teacher namin sa subject na Art App, may binigay lang siyang kailangan naming gawin at next week na kaaagd ang pasa. Grabe, arts pa nga. Gastos din ito, marunong naman ako sa arts kaso iyong mga bilihin ngayon para riyan, iyon ang kailangan kong hanapan ng paraan.

Natapos ang dalawang subject at break time na namin, dahil hindi kami magkaparehong tatlo sa oras tuwing Tuesday, at nag-iipon din ako ng pera para mamaya hindi ako gagastos ngayon. Naisipan ko na lang na lumabas at pumunta sa garden ng university na ito.

It has a beautiful view, ang ganda siguro kung may dala akong camera at makunan ko sila ng larawan? Si Tatay lang kasi ang may cellphone sa amin na may camera at si Nanay naman de keypad ang cellphone niya, wala pa kaming malaking pera para bilhan nila ng cellphone. Kapag hawak ko minsan ang cellphone ni Tatay, ginagawa kong model si Shianna since magaling siya roon, habang si Shiama naman lagging candid o stolen lang kinukuha ko dahil para siyang takot sa camera.

Pinosisyon ko ang katawan ko at umaktong may hawak na camera gamit ang kamay ko. Sana bukas may camera na akong dala, narinig ko kasi kanina ang usapan ng iba kong kaklase ay kailangan daw sa course namin kahit first year pa lang.

"Oh." Gulat akong lumingon sa nagsalita bigla, inilahad niya ang cellphone sa harap ko. Umayos naman ako ng tayo at umatras palayo sa kanya.

"Anong ginagawa mo rito?" I asked, crossing my hands.

"Bawal ba? Dito ako nag-aaral eh," pamimilosopo niya naman. Bumaba ang tingin ko sa cellphone niyang nakalahad pa rin.

"Anong gagawin ko d'yan? Baliw ka ba?"

"Baliw ka ba?" he mocked. "Put your number here, you agreed that you will be my girlfriend." Halos manlaki ang mga mata ko at napaiwas ng tingin sa kanya, bakit nga ba ako umu-o?

Kasi nga, pinilit niya ako! He threatened me na kapag hindi ako pumayag guguluhin niya ako araw-araw hangga't pumayag ako at gagawa rin daw siya ng paraan para ma-bully ang mga kapatid ko, how cruel is he?!

"Wala akong cellphone, bahala ka d'yan mag-hanap ng paraan para makausap ako." Akma akong aalis na sana nang nagulat ako sa sunod niyang ginawa. "Saan mo ako dadalhin? Hoy gago ka!" I shouted when he pulled me away from the garden at nagsimulang maglakad nang mabilis.

Pinagtitinginan na kami ng ibang tao pero hindi pa rin siya huminto, hindi ko naman magawang magpumiglas dahil ang higpit ng hawak niya sa kamay ko. Nakakabanas ang lalaking ito!

Taka ko naman siyang tiningnan nang huminto kami sa isang kotse. "Ano na naman bang trip mo? May klase pa ako!" I said.

"Two hours pa ang next class mo."

Paano niya alam? "Stalker ka ba?" Hinawakan niya bigla ang kamay ko na ikinagulat ko at pinasok sa loob ng kotse na nasa harap namin. Sumunod naman siyang pumasok sa kabila kaya kaagad ko siyang sinapak sa balikat nito.

"Aray!" angil niya. Sinamaan ko pa siya lalo ng tingin.

"Saan mo ba ako dadlahin, ha?" I shouted, napatakip naman siya sa tainga niya.

"Can you please shut up, and please fasten your seatbelt." Taka ko siyang tiningnan dahil sa sinabi niya. O nalulula lang ako dahil sa boses nito at ng amoy ng loob sa kotse. "I said, fasten your seatbelt."

Hindi ako makagalaw nang bigla siyang lumapit sa akin, tanging hininga lang namin ang naririnig ko at dahan-dahan siyang lumalapit habang nakatingin sa akin. Ang mga mata nitong kulay abo at ang makakapal na kilay, matangos ang ilong at ang kinis ng mukha. Iyon lang lahat nakikita ko at ang tanging naririnig ay ang malakas na pintig ng puso ko. Kinakabahan ako na ewan.

"You're spacing out." Mabilis pa sa alas kwatrong tinulak ko siya at umayos ako ng upo, tumingin ako sa kinabit niya sa akin. Gosh Shiara! Iyon pala ang seatbelt.

"S-saan mo ba talaga ako dadalhin?" tanong ko ulit sa kanya ngunit hindi niya ako sinagot.

Sa ilang minutong sakay ako sa kotse niya, tanong lang ako nang tanong kung saan ba talaga kami pero hindi pa rin niya sinasagot hanggang sa huminto kami sa isang mall? "Bakit tayo nandito?" tanong ko, nilingon niya naman ako.

"Ang dami mong tanong, bumaba ka na." Inirapan ko siya at saka lumabas ng kotse pero hindi ako makalabas, "Bakit ayaw?" taka kong tanong sa kanya. "A-anong ginagawa mo?" kinakabahan kong tanong nang lumapit na naman siya sa akin.

Gulat naman akong umupo nang maayos, tinanggal niya lang pala ang seatbelt ko pero kung makalapit sa akin akala mo'y may gagawin! Potang lalaking 'to. Mabilis na akong bumaba ng kotse, sinundan ko lang naman siya sa loob ng mall. Naka school uniform kaming dalawa pero iyong mga kababaihan at kabataan dito sa mall halos mabali na ang leeg kakasunod ng tingin kay Liam.

Maglakad ba naman na akala mo'y nag-momodelo sa loob ng mall, kupal.

"What are we doing here?" I asked, nilingon niya ako at saka hinila papasok sa shop ng cellphone.

"Since, I need you to respond to me, every day. Kailangan mo ito." Binawi ko ang kamay ko mula sa kanya.

"No way! Wala akong pera pambayad dito," inis kong saad.

"Sinong nagsabing ikaw ang magbabayad?" huh? Ibig niya bang sabihin ay bibilhan niya ako ng cellphone? Gago!

"Bumalik na tayo Liam, tara na." Hinawakan ko ang kamay niya na sana hindi ko na lang ginawa dahil sa nakaramdam ako ng kakaiba na parang nakukuryente, binawi ko rin naman agad ito. "Bumalik na tayo." Umiling siya at tinalikuran ako, napapabuntong hininga na lang ako nang magsimula siyang mamili.

Panay tanong pa siya sa mga tao ng mga specs kono ng cellphone, hindi ko alam ang mga ganoong bagay pa. Nakaupo lang ako rito sa waiting area.

"Oh." Hindi ko tinanggap ang inilahad niyang paper bag, bakit niya ba ako binilhan? "Nangangalay na ako, babae." I rolled my eyes on him.

"Sabi ko naman sa 'yo, hindi ko tatanggapin iyan." Umiwas ako ng tingin sa kanya.

"Ang sabi mo rin gagawa ako ng paraan para makausap ka, so this is the way."

Ang talino naman talaga ng lalaking 'to.

At dahil hindi ko pa rin tinanggap ang paper bag siya na mismo naglagay sa kamay ko at saka ako hinila palabas. "What do you want to eat?" huh?

Bobo naman akong tao minsan pero this time mas lalo yata akong na-bobo kapag may sinasabi siya. "Ano?" tanong ko, making sure na inaya niya ba talaga ako kumain.

"Anong gusto mong kainin? Kanina ka pa sa garden pero hindi kita nakitang pumunta sa canteen, so I guess hindi ka pa kumakain." Huh ulit?

"Kanina mo pa ba ako pinagmasdan sa malayo o sinusundan?" I asked. Napalunok naman ako nang lumingon siya at may ngiti sa labi, shit!

"Yes, baka takasan mo ako eh," he said. "You agreed that you will be my girlfriend."