Chapter 27: Just The Two Of Us

Nang dahil sa nangyari kay Stephen ay napagpasyahan kong hindi na muna pumasok sa school ngayong araw. Maging sina Mads ay absent din ayon na rin sa ipinadala niyang text message sa 'kin.

May nangyari raw kasing problema sa hotel, kung saan ay nagtatrabaho sila bilang mga part-timer. Pero kahit hindi sila regular na empleyado ro'n ay napag-alaman ko sa kanya kanina na kaya pala sila inilagay ni Stephen do'n ay upang magsilbing tagapamahala nito. Kaya pala sa tuwing nagkakaroon ng anumang aberya sa hotel ay sila ang umaayos nito.

Sa tingin ko ay unti-unti na silang hinahasa ni Stephen para magpatakbo ng negosyo.

Malalim akong napabuntong hininga bago bumaba ang tingin sa suot na relo. Alas-dos na ng hapon pero hanggang ngayon ay tulog pa rin si Stephen.

Sabagay, umaga na rin naman ng matulog siya kanina. Bukod ro'n ay mukhang mapipirmi siya sa bahay maghapon sa kauna-unahang pagkakataon.

"Sigurado ka bang ayos lang talaga siya? Hindi kaya dapat ay sa hospital muna siya nagpapahinga nga