KABANATA-DALAWAMPU

BANG

Hope and Faith

Ang panalangin, paniniwala at pag-asa ang una’t huli na makakapitan mo sa mga ganitong klaseng trahedya ng buhay mo. Hindi ko alam kung kaylan matatapos, hindi ko alam kung ano ang patutunguhan pero sana sa dulo ng lahat ng ito ay maganda ang katapusan.

Dumaan ako sa maraming pagsubok. Sa lahat ng pinagdaan, baon ko ang pananampalataya na matatapos din ang lahat at ang kasamahan ay magwawakas. Makakawala ako sa grupong sinalihan ko at makakasama ko ang kapatid ko sa bagong umaga na malayo sa lahat. Magbabagong buhay. Aalis sa lugar na nagpapaalala ng pait at sugat ng nakaraan at sakit mula sa kasalukuyan.

Galit ang kapatid ko sa akin. Ang ideyang titingnan niya ako sa mata na puno ng galit at suklam ay nakakapag pahina sa aking katawan. Ngayon pa lang ay nararamdaman ko na ang sakit at hiwa ng mga masasakit niyang salita. Hindi ko naman gustong iwan siya. Na corner lang ako