Fields of Pleasure 21

TULOG PA SI ROGER nang magising ako. Kaagad kong tinanggal ang braso nito na nakayakap pa sa akin. At dahan dahan na bumangon.

Lumabas ako ng tent. Dumiretso sa ilalim ng kubo para maghanda ng lulutuin para sa almusal namin ni Roger. May dalawang klase ng lutuan sila dito. Isang maliit na stove at lutuan na kahoy ang panggatong. Ikatlo ang dala namin ni Roger na butane gas stove. Hindi na ako mahihirapan pa dahil marami akong pagpipilian.

Pinili ko ang dalawang stove na paglulutuan dahil kapag 'yong lutuan na panggatong baka magising ko si Roger dahil sa usok na dulot nito. Isang sunny side up egg, scrambled egg na may onion leeks at kamatis, fried rice na may diced carrots, cabbage, green peas, shrimp paste at corn at syempre hindi nawawala ang bawang. Dinagdagan ko ng tocino, at adobong kangkong. Nagpainit na rin ako ng tubig para sa gatas at kape mamaya.

Eksaktong kakatapos ko lang na mag-ayos ng mesa ng lumabas si Roger.

"Hmm.. Smells good and tasty," yakap kaagad nito saakin