CHAPTER 1

"Kaninong asawa ba 'to? He's so handsome," pamumuri ni Zelena sa isang malaking picture frame na nakasabit sa loob ng kuwarto.

Napangiti siya lalo.

"Oh, I forgot, he's my husband," natatawang sabi niya.

Napatalon siya nang bahagya nang bumukas ang pintuan.

Agad siyang napalingon at parehas silang nagulat ni Dylan.

"What are you doing in my room?" kunot-noong tanong nito.

Nakangiti naman siyang sumalubong.

Magsasalita na sana siya, ngunit nilagpasan siya nito at inilapag ang kaniyang bag sa lamesa.

Nagpamewang ito at sinuri ang kabuuan ng kaniyang kuwarto.

Nagmamadali siyang pumunta sa kaniyang office kung saan connected din ito sa sarili niyang kuwarto.

"Where are my papers?" sigaw nito mula roon.

Natataranta namang sumunod doon si Zelena.

"N-Nandiyan sa drawer ng table mo. There were too many, so I put the rest in the drawers. Don't worry, nakaayos naman—"

"I told you not to mess with my stuff! Can't you understand? I'm tired from my work, at madadatnan kong iba na ang ayos ng kuwarto ko?" pigil-inis na sambit ni Dylan sa kaniya.

Napaatras naman nang kaunti si Zelena dahil iyon ang unang beses niyang makita ang ganoong reaksyon nito.

Malamig ang pakikitungo nito sa kaniya at hindi kagaya ng pakikitungo niya sa iba na masaya.

Dati itong babaero, ngunit iwas siya sa kaniyang asawa.

"I just want to help. Because guess what? First month natin together bilang mag-asawa, and I want to fix your room so you can rest better."

Pilit na ngumiti si Zelena upang mabawasan ang inis nito.

Tinignan siya nito nang masama.

"Are you forgetting that you're only my wife on paper?"

Nawala ang ngiti ni Zelena at hindi nakaimik.

"We got married para hindi kami makaalis dito habang nagbabayad kami ng utang sa pamilya mo. And you, you're enjoying all of this because you're not the one who's struggling in this situation!"

Napalunok naman siya.

"I-I'm sorry, ang akala ko ay okay lang—"

"Just get out. I don't want to waste my energy on you. I'm too tired to argue with self-centered person," wika ni Dylan saka siya tinalikuran at inilabas ang mga papel sa drawers.

Napakuyom naman ang mga palad ni Zelena at naglakad paalis doon.

Bumaba siya at nagpunta sa kusina.

"Oh. Ayos ka lang ba, anak?" tanong ng kanilang yaya na si Tina.

Huminga naman siya nang malalim saka naupo sa harapan ng countertop.

"Inayos ko po kasi 'yong room ni Dylan, 'Nay. I didn't know he would be angry. Nagkalat kasi ang mga papers niya. I just wan to help," sagot niya.

Inabutan naman siya nito ng isang basong tubig.

"Hindi naman masama ang ginawa mo, Zelena, pero alam mo naman ang asawa mo, ayaw niyang may nakikialam sa kaniya," malumanay na saad nito.

Tumango-tango naman si Zelena.

"Hindi ko maramdam na asawa ko siya. What if they pay off their 200 million debt? Baka hindi na siya umuwi rito, 'Nay," malungkot na sabi niya.

"Hindi ba't may interest naman iyon? Tsaka, hija, hindi mo mababago ang nararamdaman ng ibang tao," paalala nito.

Lumabi naman siya.

"But, 'Nay, I love him. Kahit hindi niya ako mahal, hindi ba puwedeng maging mabait na lang siya sa akin? Sila na nga ang may utang, siya pa ang galit."

"Pakiramdam niya kasi ay isa siyang sakripisyo. Para siyang kolateral. Kaya sana ay maintindihan mo rin siya, hija."

Huminga naman si Zelena nang malalim.

"Collateral? Just in case na hindi sila makapagbayad, akin na talaga siya? For what? Ni hindi nga niya ako pinapansin. Tsaka desidido talaga silang magbayad. Once they pay off their debt, maybe he will divorce me, 'Nay."

Napabuntong-hininga si yaya Tina.

"By the way, aalis po muna ako. Hindi na ako rito kakain ng dinner, 'Nay. Makikipagkita na lang ako sa friends ko. Pakisabi na lang po kay Dylan."

"Sige, hija. Kung tatanungin niya," sagot nito.

Lumabi naman ulit siya.

"Kahit huwag na po pala. He doesn't care about me."

Inayos ni Zelena ang kaniyang itim na shades habang papasok sa isang bar. Agad siyang pinagbuksan ng isang bouncer patungo sa isang VIP area sa taas na bahagi ng bar, kung saan hindi makakapasok ang mga ordinaryong tao.

Napangiti siya nang makita ang kaniyang mga kaibigan.

"Hi, girls!" bati niya saka siya naupo sa tabi ni Lily.

"Bakit ganiyan ang suot mo?" tanong ni Katee.

Mas tahimik si Katee kumpara sa kanilang dalawa ni Lily.

"Why? What's wrong with her blue backless dress?" tanong naman ni Lily saka tinignan ang suot ni Zelena.

Nag-pose naman si Zelena.

"With high slit," dagdag pa ni Katee.

"So?" tanong ni Lily.

"She doesn't look married," komento naman ng kaibigan nila.

Natawa naman si Zelena.

"You mean, hindi ako mukhang Mrs. Zelena Havens Arivelez-Romano?"

Tumango naman si Katee.

"Sana naglagay ka ng shawl."

Tumawa naman si Lily.

"Mas conservative ka pa kaysa sa asawa niyan."

"Of course, baka nga kahit magsuot pa siya ng basahan, walang pakialam si Dylan," komento ni Katee.

Kunwaring nasaktan naman si Zelena at napahawak sa kaniyang dibdib.

"Ouch naman! Pero that's true. Actually, kaya ako nag-invite na pumunta rito kasi nag-away kami."

Napakunot-noo naman silang dalawa.

"Nag-away? You mean, nagkasagutan kayo? Eh, 'di ba hindi ka naman niya kinakausap minsan?" tanong ni Lily.

Tumango naman siya saka uminom sa inorder na inumin nina Katee.

"Hindi naman kami nagkasagutan nang super. Sinigawan niya lang ako, dahil pinakialaman ko ang mga gamit niya."

"Red flag. Alam mo namang hindi ka niya gusto. I mean, sino ba naman ang matutuwa na ikasal sa taong pinagkakautangan ng pamilya niya?" wika ni Katee.

"Bulag ka rin kasi, sis. Hindi ka pa ba sanay?" tanong ni Lily.

"Nasanay na ako. Pero gusto ko naman 'yong sana ay makapag-usap naman kami nang maayos. I just don't get it kung bakit he's super mad at me," maarteng saad ni Zelena.

Bumunting-hininga naman si Lily.

"Sa bagay. You're pretty, smart, maarte nga lang, but you're kind."

Ngumiti naman siya saka hinawi ang kaniyang buhok at inilagay sa likod ng kaniyang tainga.

"I know," pabebeng saad niya.

"Halos lahat ay magkakagusto sa'yo. Sino ba naman ang hindi, 'di ba?" turo pa ni Lily sa kaniya.

Nag-flip naman siya ng kaniyang buhok.

"Si Dylan," sagot ni Katee saka uminom.

Naglaho naman agad ang ngiti ni Zelena.

"I also know that. Nakakainis, right? Babaero naman siya dati, pero ako lang ang babaeng ayaw niya. What do you guys think? Nambababae pa rin kaya siya?" tanong niya.

"He's professional, at alam naman halos ng lahat na ikinasal na siya. Baka naman kahit papaano ay tumino siya," sagot ni Katee.

"That is if he wears your wedding ring," sabi naman ni Lily.

Napabuntong-hininga si Zelena.

"Hindi ko napansin."

Tumayo siya at pinagmasdan ang mga nagsasayaw sa baba.

‘What can I do to make him notice me?’

Patuloy namang nag-inuman sina Katee at Lily.

Kahit patay-sindi ang ilaw doon at malakas ang tugtog, ikinalat pa rin niya ang kaniyang paningin sa baba.

As usual, marami pa ring mga tao roon dahil sikat ang may-ari ng bar. Pagmamay-ari iyon ng kanilang classmate na may maimpluwensyang mga magulang.

Bumalik siya sa lamesa nila saka kumuha ng isang boteng beer at bumalik ulit doon.

Uminom muna siya bago isinandal ang mga braso sa railings.

Napakunot-noo siya nang mapansin ang isang pamilyar na mukha sa bar counter sa baba. Nakaupo ito at nakikipag-usap sa isang babae habang nakangiti.

"Dylan?"

‘Matapos mo akong awayin, dito ka rin pala pupunta.’

Sumeryoso ang kaniyang mukha saka inubos ang kaniyang iniinom.

Bumalik siya sa kanilang table at inilapag ang bote.

"I'll just dance sa baba," paalam niya.

Napatingin naman sa kaniya ang dalawa.

"We'll go with you. Baka kung sinu-sino na naman ang lalapit sa'yo," saad ni Katee.

Napangiti naman siya saka umiling-iling.

Iniwan nila ang kanilang mga gamit doon bago nagtungo sa dance floor.

Nakipagsayawan sila sa mga tao roon. Sa sobrang daming tao ay halos dikit-dikit na sila. At halos lahat ay nakikipag-usap sa kanila.

Pasimple namang lumayo si Zelena mula kina Katee at nagtungo malapit kina Dylan.

Sumulyap siya habang sumasayaw at nakitang nandoon pa rin ang babae. Kasama ni Dylan ang dalawang kaibigan niyang nasa likod nito.

Bumilis ang tibok ng puso niya nang makitang humahawak ang babae sa braso ng kaniyang asawa.

Tumigil siya sa pagsasayaw at lakas-loob na nagtungo sa likod ni Dylan kung saan may bakanteng upuan.

Nginitian niya ang bartender.

"Nice to see you here, Miss Zelena! Ano'ng drinks ang gusto niyo? It's on the house," nakangiting sambit nito.

Napansin niyang napatigil sa pagsasalita si Dylan at bahagyang napalingon.

Sinadya naman niyang hawiin ang buhok niya at inilagay sa kaniyang kaliwang balikat.

"One shot of whiskey," maarteng sagot niya.

Sa kaniyang peripheral vision ay nakita niyang umayos ng upo si Dylan at humarap sa counter, ngunit nasa tabi pa rin niya ang babae.

Habang kumukuha ng whiskey ang bartender ay palihim niyang tinignan ang mga kamay ni Dylan na nakapatong sa counter.

Napalunok siya nang makitang wala itong suot na singsing.

Tinungga niya agad ang whiskey nang ilapag ito ng bartender sa harapan niya.

"Miss Zelena Arivelez?"

Napalingon siya nang tawagin siya ng lalakeng nasa kaniyang kanan.

Nameke siya ng ngiti nang makitang kaibigan iyon ni Dylan.

"Yes?"

"Dito ka rin pala umiinom. Are you with someone?" Tanong ng lalake.

Umayos naman siya sa pagkakaupo at sinadyang idikit ang kaniyang likod sa braso ni Dylan.

"I'm with my friends," sagot niya saka sinenyasan ang bartender na bigyan pa uli siya ng whiskey.

"By the way, I'm Lucas, and this is Bryan," wika ng lalake at tumayo pa upang ipakilala ang sarili at ang kasama.

‘Syempre kilala ko na kayo. When you were still in college, I already knew Dylan's friends.’

Tumango-tango naman siya.

"At ang nasa likod mo ay si Dylan. Do you know him?" Tanong ni Bryan.

Maarte namang lumingon si Zelena kay Dylan, tahimik naman ito habang nasa tabi ng babae.

"Of course I know him. Sikat siya, lalo na sa mga babae," natatawang sagot niya.

Natawa naman sila.

Hindi naman siya nilingon ni Dylan.

"Hey, Dylan," tawag ni Lucas sa kaniya.

Lumingon naman ito at seryosong tumingin.

Nagtama ang paningin nila ni Zelena, ngunit agad siyang umiwas at tumagos ang paningin kina Bryan.

"What?" Walang-ganang tanong nito.

"Kilala mo na ba si Miss Zelena? We went to the same college, but we were just a year ahead of her," saad ni Lucas.

Tumango naman ito saka uminom ng beer.

Pasimple namang ngumiti si Zelena.

‘Syempre kilala niya ang asawa niya.’

"Hi, Zelena!"

Naglaho naman ang ngiti niya nang batiin siya ng babaeng kasama ni Dylan.

"Hi."

Nameke siya ng ngiti.

"I'm Honey," pagpapakilala ng babae at inilahad pa ang kaniyang kamay sa harapan ni Zelena.

Nasa pagitan nila si Dylan at pilit na iniaabot ng babae ang kaniyang kamay.

Tinignan lang iyon ni Zelena at tumango saka uminom.

Dahan-dahan namang ibinaba ni Honey ang kaniyang kamay dahil sa pagkapahiya.

"Are you Dylan's girlfriend?" Walang anu-anong tanong ni Zelena saka tumingin kay Honey.

Ilang segundo namang natahimik ang babae at nagpalipat-lipat ang paningin kay Zelena at Dylan.

"A-Ano—"

"Dylan's married already," pamumutol ni Lucas sa sasabihin ni Honey.

Napangisi naman si Zelena saka sinenyasan ulit ang bartender.

‘But you don't know who his wife is.’

Intimate lang ang kasal nila at mga malalapit na kamag-anak lang ang invited.

"Really? You're married? Mukha ka kasing binata, eh," sambit niya saka humarap kay Dylan.

Natawa naman sina Bryan.

"Yeah, I know. Guwapo kasi siya, at friendly," sagot ni Honey.

Pinigilan naman ni Zelena ang mag-roll eyes.

"Ah, friendly. That's why I mistook you for being in a relationship," wika niya.

Napansin niyang humigpit ang hawak ni Dylan sa bote.

Maarte namang tumawa si Honey.

"Really? Wala pa naman kami roon, I mean, we are not like that. We're just friends."

Itinago naman ni Zelena ang kaniyang mga palad sa itaas ng kaniyang mga hita at napakuyom ang mga ito.

"Are you sure? You look bagay pa naman. Imposibleng hindi kayo nag-momol," natatawang sambit ni Zelena saka siya nameke ng tawa.

Mas lalo siyang nainis nang marinig niyang tumawa nang malakas sina Lucas.

"Stop it," sabi ni Dylan saka siya nilingon.

Napangiti naman siya dahil napansin siya nito.

"Oh, sorry. Wala pa ba kayo sa part na 'yon?" Pang-aasar niya.

Hindi naman ito sumagot at ibinaling ulit niya ang paningin sa kaniyang beer.

"Why are you curious? Dahil ba naririnig mo rin na he's good?" Natatawang tanong ni Honey.

Hindi naman alam ni Zelena kung matatawa siya o maiinis.

"No. I mean, he's popular. College pa lang ako ay sikat na siya sa mga girls. I don't know if it's true na he's magaling," pagmamaangmaangan niya.

"He's good. He's really good—"

"Ah, so na-try mo na siya? Wow. He's married, pero—"

"Can you stop?" Seryosong tumingin si Dylan sa kaniya. Ang reaksyon nito ay gaya ng pagpipigil ng galit niya kanina.

Napangisi naman siya saka umiling-iling.

"Pagpasensyahan mo na siya, Miss Zelena, baka hindi lang napagbigyan ng kaniyang misis," natatawang wika ni Lucas.

‘Ni hindi pa nga niyan ako naki-kiss.’

Kinuha ni Zelena ang whiskey saka uminom at sinenyasan ang bartender na maglagay ulit.

"Hey. Are you mad?" maarteng tanong ni Honey kay Dylan.

Lumingon naman si Zelena at nakitang ngumiti si Dylan kay Honey at umiling.

Tinungga niya ulit ang whiskey saka nagpasalamat sa bartender.

Magsasalita pa sana si Lucas pero tumayo na si Zelena.

Bumalik siya sa dance floor at nagpatuloy sa pagsasayaw.

Nakita niyang sumunod sina Lucas at inaya pa si Dylan.

Napangiti siya at naisip niyang magpapansin sa kaniyang asawa.

Maraming nakikipagsayaw na lalake sa kaniya, ngunit mas lumapit siya kay Dylan. Sinigurado niyang nakatingin sa kaniya si Honey, abala rin itong nakikipagsayaw kasama nina Lucas, ngunit kay Dylan siya nakatingin.

Halos magkadikit ang mga katawan nilang mag-asawa dahil sa dami ng tao.

Inilapit niya ang katawan sa harap ni Dylan at mas ginalingan ang pagsayaw ngunit hindi mukhang malaswa.

Nanlaki ang mga mata niya nang bigla siyang maitulak ng nasa likod niya at dumampi ang labi niya sa kaliwang pisngi ni Dylan.

Bumilis ang tibok ng puso niya at napatigil sa pagsasayaw.

Wala namang pakialam si Dylan dahil hindi man lang ito tumingin sa kaniya at bahagya pang lumayo.

Napangiti si Zelena at saka pumikit habang sumasayaw.

Agad siyang napamulagat nang maramdaman niyang may humahawak sa baywang niya.

"Dylan, why are you—"

Inilayo niya ang kaniyang sarili nang makitang hindi iyon si Dylan.

Isang matangkad na lalake na may salamin ang nakangiti sa kaniya.

Napakunot-noo naman siya.

"Put your body on me," saad nito. Malalim ang boses ng lalake.

Lumapit ulit ito sa kaniya at mabilis na hinawakan ang may umbok na pwet ni Zelena.

Napaawang ang bibig ni Zelena at mabilis itong sinampal.

Napahawak ang lalake sa kaniyang pisngi at tinignan siya nang masama.

"You bitch!" sigaw nito.

Napatingin naman ang ilan sa kanila, kasama na sina Dylan.

"Pervert!" sagot naman ni Zelena.

Agad na lumapit sina Lucas.

Aktong hahawakan siya ng lalake nang pigilan ito nina Lucas. Nakatingin lang si Dylan sa kanila.

"Security, ilabas niyo nga 'to!" sambit ni Zelena.

Tumigil ang tugtog.

"Zelena."

Lumapit sa kaniya sina Katee at Lily. Bahagya pa silang nagulat nang makita si Dylan.

"Come with me!" saad ng lalake at hinatak si Zelena.

Nanlaki ang mga mata niya at humawak sa braso ni Dylan. Binawi niya ang kaniyang kamay at nagtago sa likod ni Dylan.

"Umalis ka diyan kung ayaw mong madamay," banta ng lalake kay Dylan.

Mas matangkad si Dylan at mas malaki ang katawan.

Hindi ito umimik at nakatingin lang sa lalake.

"Tama na, bro," awat ni Bryan sa lalake.

"Ah, so madami kang lalake," wika nito kay Zelena.

"Just please, get out," malumanay na utos ni Dylan.

Nagpigil naman ng ngiti si Zelena habang nakatago sa likod ng kaniyang asawa.

Ngumisi ang lalake at sa isang iglap ay sinuntok niya sa mukha si Dylan.

Napatakip si Zelena sa kaniyang bibig at nanlaki ang mga mata.

Bumawi naman si Dylan at sinikmuraan ito.

"Get that man out of here!" sigaw niya habang itinuturo ang lalake.

Mabilis na kinaladkad ng mga security ang lalake habang pinagbabantaan nito sina Dylan at Zelena.

Nanginginig naman si Zelena nang lapitan nina Katee.

"L-Let's go, let's go," aya ni Katee at inalalayan si Zelena.

Hawak naman ni Lily ang mga gamit ni Zelena.

"S-Si Dylan—"

"Hayaan mo na siya," saway ni Katee saka siya hinatak.

Nilingon ni Zelena si Dylan at nakita niyang pinupunasan ni Honey ang bibig nito dahil nasugat ito sa suntok ng lalake.

Dahil sa hilo ay hinayaan na niyang alalayan siya nina Katee at Lily.

Nang makarating sila sa parking lot ay sinuri siya nina Katee.

"What happened? Ilang minuto kang nawala, tapos nakita ka na lang naming may kaaway," nag-aalalang wika ni Katee.

Huminga naman siya nang malalim.

"I saw Dylan with a woman, kaya nilapitan ko sila. I talked to them. Napainom na rin ako. Tapos nagsayaw lang kami sa dance floor, and all of a sudden, may humipo sa akin."

"What? Eh, ano'ng ginawa ni Dylan before kami dumating?" hindi-makapaniwalang tanong ni Lily.

Napaiwas naman siya ng tingin.

"N-Nothing. Pero nagtago naman ako sa likod niya, nakita niyo naman. He saved me—"

"What did you do?"

Napalingon silang tatlo sa nagsalita.

Si Dylan.

Napalunok si Zelena nang makitang seryoso ito.

"Bakit galit na galit si Mr. Alejandro?" tanong ulit nito.

"Do you know him? Napakabastos niya. He touched me—"

"How could he not touch you? You're in a bar, and you're dancing like there's no tomorrow," kunot-noong sambit ni Dylan.

"What? Ikaw lang ang sinayawan ko. Do I know that he is attracted to me?"

"Anak siya ng kliyente namin, at hindi ko alam kung kilala niya ako. And if he knows me, it's your fault if his father gets out of our business," banta nito.

Napaawang naman ang bibig niya.

"Ang sama mo talaga, 'no? Are you really going to defend that maniac more than your wife?" hindi napigilan ni Katee ang sumapaw.

Tumingin naman si Dylan sa kaibigan ni Zelena.

"He is our client's son. Malaki ang role ng tatay niya—"

"And Zelena is your wife. Kahit awayin mo na siya bilang asawa mo, pero sana ay ipagtanggol mo naman siya bilang isang babae, kagaya ng mga ginagawa mo sa mga nagiging babae mo," pangaral ni Katee.

Hinawakan naman ni Zelena ang braso ng kaniyang kaibigan upang pigilan ito.

Tumingin si Dylan kay Zelena.

"She's not my girl," matigas na sambit niya saka umalis doon.

"See? Asawa mo 'yon?" kunot-noong baling ni Katee sa kaniya.

"H-He's just... upset," pagtatanggol niya.

Napabuntong-hininga si Lily saka umiling-iling.

"Ako, sinusuportahan kita for him, pero hindi ko naman alam na ganoon siya ka-grabe sa'yo."

"Hayaan niyo na. At least I'm safe. Gusto ko na lang umuwi," mahinang sambit niya.

Hinaplos ni Katee ang kaniyang braso at tinignan siya na parang nag-aalala pa rin.

"Uuwi na talaga tayo. Basta mag-ingat ka pauwi, nakainom ka pa naman," wika ni Lily.

Tumango naman siya.

"Be careful too."

Kinuha na niya ang kaniyang gamit saka naunang sumakay sa kaniyang sasakyan. Pinauna na siyang umalis nina Lily dahil iisang bahay lang ang uuwian ng dalawa. Nakikitira si Katee sa bahay ni Lily.

Pagkauwi niya ay nadatnan niya sa garahe ang sasakyan ni Dylan.

‘He came home earlier than me.’

Huminga siya nang malalim saka pumasok na sa loob.

Hindi maalis sa isipan niya ang nangyari kanina, lalo na ang sinabi ni Dylan.

"I can even buy that Mr. Alejandro kung gusto niya, para hindi iyon maging kawalan sa kaniya," sambit niya saka nahiga sa kaniyang kama matapos maligo.

Dahil masakit ang ulo niya ay pinili na lang niyang matulog.

"Mommy, ang aga mo naman akong pinatawag," humihikab na wika ni Zelena nang makaupo siya sa sala ng kanilang bahay.

Tumingin siya sa kaniyang relo at nakitang mag-aalas-nuebe na ng umaga.

"Early? It's already late. Were you drunk all night?" kunot-noong tanong ni Arlene, ang kaniyang ina. Maikli ang buhok nito at may mataas na kilay.

"Not really. Alam ko namang mas magaling kayong uminom kaysa sa akin, Mom. By the way, why did you call me? I was supposed to be going to my shop."

Isinandal niya ang kaniyang likod sa sofa.

"How's your relationship with Dylan?" tanong ni Arlene.

Napaiwas naman siya ng tingin at pinagkrus ang kaniyang mga braso.

"He's still the same. What about him, Mom? Nakapagbayad na ba sila?"

"Mabuti nga kung makapagbayad sila, kaso halos two million pa lang ang nababayaran nila," sagot ng kaniyang amang si Alex.

Tumango-tango naman siya.

"Are you having a hard time with him? I mean, huwag kang mahirapan sa kaniya," seryosong sabi ni Arlene.

Napakunot-noo naman siya.

"I don't understand you, Mom."

Istrikto ang kaniyang ina at lagi itong nasusunod. Wala namang magawa si Zelena dahil nag-iisang anak lang siya.

"Tiisin mo ang lahat ng mga ginagawa niya sa'yo," sagot ni Arlene.

"What? Why?" naguguluhang tanong niya.

"Kahit mabayaran nila ang mga utang nila, that's not enough. I want to own their wealth," sagot ni Arlene saka uminom ng wine.

Natawa naman si Zelena saka umayos sa pagkakaupo.

"Mom, mas mayaman tayo kumpara sa kanila. Why do you still want their wealth? At ano'ng kinalaman ng pagtitiis ko kay Dylan?"

"Their clients in their furniture business are famous people, at plano ko ring magpatayo ng ganoong business. And you, kailangan kita para matupad iyon," wika nito.

Umiling-iling naman siya saka nagsalin ng wine sa isang wine glass at tinungga iyon.

"Magpabuntis ka kay Dylan so that we can gradually acquire their wealth," may awtoridad na utos ni Arlene.

Nasamid si Zelena at nanlaki ang kaniyang mga mata.