Chapter Twelve

Hanggang Sa Walang Hanggan

Chapter Twelve

Umabot sa limang beer na ang nainom ni Loco at langong - lango na s'ya sa alak.

Wala sa sarili s'yang tumayo mula sa kanyang kina-u-upuan at inihakbang ang kanyang mga paa palabas ng gate at menaneho ng wala sa puwesto ang kanyang kotse dala-dala ang annulment papers para sa asawa.

"Erza, Erza," Sambit n'ya habang nagmamaneho at halos maging isang linya na lang ang guhit ng kanyang mga mata dahil sa kalasingan at antok. Tinatahak n'ya ang daan kung saan may gusto s'yang puntahan.

Kasalukuyang nakahiga na si Erza sa kanyang kama nang makarinig s'ya ng isang katok mula sa kanyang pintuan.

"Ano ba itong Roxanne na ito. Ang hirap kausap!" Aniya sa kanyang sarili at labag sa loob na tumayo mula sa kama.

Nayayamot n'yang binuksan ang pintuan nang biglang bumalandra sa kanyang mga mata ang taong hindi n'ya inaasahang makita. Ang lalaking mahal na mahal n'ya at ang lalaking nagpalayas mismo sa kanya at iyon ay walang iba kundi ang kanyang asawa.