CHAPTER 15.2: MEET HANNAH

Dahan-dahan ngang inilapit ni Brent ang mukha sa kanya. Ang lakas-lakas naman ng tibok ng puso niya habang hinihintay ang paglapat ng mga labi nito.

Nang malapit na ang mga labi nito ay napapikit na siya. Dumikit lang ang mga labi ni Brent at hindi na kumilos pa. Narinig na lang niya ang ingay ng camera ni Joe. Nananatiling nakapikit lang siya habang kinukunan sila ng pictures ni Joe.

Pigil na pigil niya ang hininga niya. Maya-maya'y nararamdaman niya ang bahagyang pagsipsip ni Brent ng lower lip niya. Bigla siyang napadilat at inilayo ang mukha dito. Baka kasi mahalata ni Joe. Nang tingnan niya si Joe ay nakatutok na naman ang tingin nito sa screen ng camera.

" Great! Alright, we're done. Okay lang din if ipagpapatuloy ninyo ang halikan ninyo. Just don't mind me," nagbibirong sabi ni Joe na tumingin na sa kanila.

Mabuti na lang at hindi nito nakita ang ginawa ni Brent. Mabilis na lumayo siya sa binata.

*******************************

Saka naman dumating sina Eunice, Katrina at Nick.