CHAPTER 12

THIRD PERSON's POV.

KUMPARA noon, mas maagang nakarating si Rave sa lugar na pinaghiwalayan nila ni Rhea. Habang naghihintay ay naupo muna ito sa bench na madalas nilang upuan dati. At muli, sumariwa sa kanyang ala-ala ang mga pinagsamahan nilang dalawa na tila kailanman ay hindi niya makakalimutan. Sapagkat para sa kanya, ito ang kaunahang beses niyang magmahal gayundin ang unang beses siyang nasaktan. Ika nga ng iba, first love never dies.

Hindi rin naman nagtagal ay dumating si Rhea, suot-suot ang isang sunflower dress na mas lalong nagpa-bata sa kanyang itsura. Bagamat malayo pa lang ay nakita niya na si Rave na nakaupo sa madalas nilang tambayan kapag napagod kakalibot.

Nahihiya mang lumapit ay naglakas-loob si Rhea na maupo sa tabi nito dahilan para mapaurong sa gulat si Rave. Ilang minutong walang nag-imikan sa kanila. Parehong hindi makatingin sa isa't isa at kapwa hindi alam kung sino ang unang magsasalita o ano ang sasabihin. Tila nagblanko lahat ng pinaghan