CHAPTER 2

Please note: Lucy is Lucas's feminine name.

“Ouchie naman, Mang Tomas! Muntik mo nang masira ang aking magandang mukha,” reklamo ni Lucas habang hawak-hawak ang matangos niyang ilong na masakit pa rin dahil sa biglaang pagkakauntog. Ang sakit nga naman. Biglang nagpreno ang sasakyan nang walang babala at kung binalaan lang siya, sana nakapaghanda pa siya.

“Pasensya na po, Ma’am Lucy!” sagot ng driver na nahihiyang nagkamot ng ulo.

Si Lucas M. Villarreal, dalawampu’t pitong taong gulang, ay hindi basta ordinaryong tao dahil siya ang nag-iisang tagapagmana ng Villarreal Group of Companies. Matalino siya, matangkad, mayaman, at siyempre, maganda. Ulitin natin, maganda ulit siya. Simula pa noong Grade 4, alam niya na babae ang puso niya at lalaki ang hanap niya, at tuwing may guwapong kaklase, para itong ice cream na gusto niyang tikman. Noong bata pa siya, ninanakaw pa niya ang Barbie dolls ng kanyang mga kapatid na babae dahil ayaw siyang pahiramin.

Noong Grade 9, naglakas-loob siyang umamin sa kanyang mga magulang tungkol sa kanyang tunay na pagkatao. Nagalit sila noong una dahil iisa na lang silang anak na lalaki at naging tagilid pa siya, pero kalaunan, natanggap din siya ng buong pamilya. Ang kanyang Ama pa nga ang unang nakabawi, mas mabilis pa kaysa sa kanyang Ina. Ang tanging hindi maka-move on hanggang ngayon ay ang kanyang Lolo na ayaw sa mga katulad niya at lagi siyang sini-setup sa mga babae kahit alam na nitong wala siyang balak pumatol.

Ngayon, ang mismong Lolo rin ang nag-blackmail sa kanya dahil nagbigay ito ng kondisyon na hindi ipapamana kay Lucas ang kumpanya kung wala siyang maipapakitang asawa na talagang asawang babae. Kapag wala, mapupunta ang kompanya sa malayong kamag-anak. Siyempre, hindi papayag si Lucas na mangyari iyon lalo na’t pinaghirapan nila ng Ama niya ang kumpanya, kaya ang solusyon ay humanap ng babaeng papayag maging asawa niya kahit pansamantala lang at kontrata lang, walang arte.

Mayroon siyang tatlong kapatid na babae na sina Luciana, Lucia, at Luca. Lahat sila magaganda, ngunit para kay Lucas, siya pa rin ang pinakamatingkad sa kanila. Halata rin ang hilig ng mga magulang sa letrang L. Si Luciana, dalawampu’t apat, ay may sariling negosyo ng beauty products, habang si Lucia, dalawampu’t dalawa, ay malapit nang magtapos ng kursong Journalism, at si Luca, labingwalo, ay nasa huling taon ng senior high.

Balik sa kasalukuyan, muntik na ngang masira ang mukha ni Lucas dahil kay Mang Tomas. “Ano bang nangyari? Nasiraan ba tayo?” tanong niya.

“May babae po kasi na biglang dumaan at parang balak magpakamatay,” sagot ni Mang Tomas.

Napataas ang balahibo ni Lucas at agad siyang napalingon sa labas ng bintana dahil madilim, umuulan, at halos walang taong naglalakad. Para sa kanya, parang multo lang ang puwedeng lumitaw sa ganoong eksena at ayaw na ayaw niya ng horror na ganyan.

“Mang Tomas! Huwag mo akong takutin dahil ang dilim pa sa labas,” sigaw ni Lucas habang pinipigilan ang panginginig ng tuhod.

“Ma’am, totoo po talaga. Sandali lang at titingnan ko kung natamaan natin,” sagot ng driver at bumaba ng sasakyan.

Naiwan si Lucas sa loob at kumakabog ang dibdib niya dahil para bang si Sadako mismo ang sasalubong sa kanya. Hindi na siya nakatiis kaya sumilip sa bintana. “Ano na, Mang Tomas? Buhay pa ba siya?” sigaw niya.

“Ma’am, may babae po dito at walang malay!” tarantang sagot ni Mang Tomas.

“What?” gulat na bulalas ni Lucas. Agad siyang lumabas at nilapitan ang babae na maputi, makinis, at maliit ang mukha na parang Koreana. Mahahaba ang pilik-mata, bilugan ang mata, at may mapupulang labi. Maganda rin siya, ngunit sa isip ni Lucas, mas maganda pa rin siya.

“Buhay pa naman, Ma’am. Ano pong gagawin natin?” tanong ni Mang Tomas na nag-aalala.

Lumingon-lingon si Lucas at dahil walang tao sa paligid, saglit siyang tumikhim at nakangiting nagsabi ng seryoso, “Patayin mo na.”

Nanlaki ang mata ng driver. “P-po?!”

Hindi na nakapigil si Lucas at natawa nang malakas. “Hay naku, Mang Tomas, masyado kang patola. Joke lang iyon! Mamamatay sila sa ganda ko.” Pagkasabi niya, itinuro pa niya ang sariling mukha.

Ngunit agad ding naging seryoso si Lucas nang mapansin ang mga bagahe ng babae sa gilid na puno ng mga damit pang-babae. Malinaw na naglayas ito.

“Mang Tomas, ipasok mo iyan sa trunk at ako na ang bahala sa babae,” utos niya.

Sumunod ang driver at binuhat ni Lucas ang babae. Inakala niyang magaan lang ito dahil maliit ang katawan, ngunit mabigat pala. Gayunman, kinaya pa rin niya. Inilagay niya ito sa backseat at pinahiga, nakasandal ang ulo ng babae sa kanyang hita. Sa isip niya, napaka-swerte ng estrangherang ito dahil ilang lalaki ang nangangarap makasandal sa kanyang hita, ngunit siya agad ang nakakuha ng pagkakataon.

Napabuntong-hininga si Lucas nang makita ang basang loob ng kotse at kinuha niya ang panyo upang punasan hindi lamang ang sarili kundi pati na rin ang babae. Mapagmalasakit din siya kahit hindi halata.

Pagbalik ni Mang Tomas, lumingon ito sa kanya at sa babae at nagtanong, “Ma’am, saan po tayo? Sa ospital o sa hotel?”

Mabilis na pinanlisikan siya ng mata ni Lucas. “Ano sabi mo? Iyong huli? Nagpapalipas ng oras ka ba?”

“Joke lang po iyon, Ma’am. Masyado kayong patola,” Hirit ng driver pabalik.

“Sa Villarreal Mansion na lang, Mang Tomas. Natuto ka nang mag-joke ah.” Anya ni Lucas na may kasamang irap sa kanilang family driver.

Nahihiyang tumango ang driver at pinaandar ang sasakyan. Mas mabuti para kay Lucas na sa mansion dalhin ang babae kaysa sa condo dahil mas malapit-lapit ito. Wala rin naman ang kanyang mga magulang dahil nasa ibang bansa, kaya tahimik at kontrolado ang sitwasyon.