Kabanata 21

PASIMPLE kong inilibot ang tingin sa buong conference room. Katatapos lamang akong ipakikilala ni Maximo sa mga directors at iba pang partners ng Saavedra. Ilan rin sa mga empleyado'y nasa loob. Ang iba nama'y nasa labas at malayang napapakinggan ang bawat sinasabi ni Maximo.

Pigil na pigil ko ang sariling tingnan nang matalim ang bawat mukhang nasa harap ko. May oras din sila. Iisa-isahin ko sila at ipaparanas ko kung gaano kasakit ang pagmukhaing tanga sa harap ng maraming tao.

"As we all know malaking dagok sa buhay ko ang nangyari sa pamilya ko. Sana maintindihan ninyo iyon. May mga pagkakataong wala ako rito, pero hayaan ninyo't hindi naman ako mawawalan ng pakialam sa kompaniyang ito. Salamat sa...." marahan akong lumunok. Mabilis kong ikinurap-kurap ang aking mga mata. 

"Alex, its okay. Hindi mo na kailangang habaan—."

"Ayos lang Tito Max. Naalala ko lang kasi ang nangyari kina Dadd